Connect with us

تازه خبرونه

د افغانستان په شمال کې د ازبکستان د اسلامي تحریک د مشر زوی ووژل شوـ دفاع وزارت

خپور شوی

د

(Last Updated On: )

د افغانستان ملي دفاع وزارت ویلي؛ د فاریاب ولایت د غورماچ ولسوالۍ د اړوند سیمې د امنیتی ځواکونو په عملیاتو کې عزیز یولداش(د ازبکستان د اسلامي تحریک د مشر طاهر یولداش زوی) وژل شوی دی.

سرچینې زیاته کړې، چې دغه عملیات د دې ولایت د غورماچ ولسوالۍ د سید ګل کلي پر اړوند سیمه پیل شوي او د عزیز یولداش زوی حکمت په کې ټپي شوی دی.

د دفاع وزارت په خبرپاڼه کې راغلي؛ عزیز یلداش د شمال ولایتونو په یو لړ بریدونو او د افغانانو په وژلو کې کې لاس درلود.

یادې سرچینې په دې اړه نور جزئیات ندي ورکړي.

ویل کیږي، چې د مرکزي آسیا د جنګیالیو یوه ډله فاریاب ولایت ته تللې او د ازبکستان د اسلامي خوزښت سره یوځای شوي دي.

وسلوالو طالبانو تر دې دمه په دې اړه څه ندي ویلي.

دا په داسې حال کې ده، چې ملي امنیت دوه ورځې مخکې (سې شنبه) ویلي وه، چې د فراه ولایت د بکوا ولسوالۍ د اړوند سیمې د ملي امنیت د ځانګړیو ځواکونو په عملیاتو کې د القاعده د هندي برخې مشر محمد حنیف الیاس عبدالله وژل شوی دی.

 د ملي امنیت خبرپاڼې په ډاګه کړې؛ حنیف د پاکستان تبعه او د عاصم عمر نږدې ملګری و، چې د طالبانو لخوا ورته پناه ورکړشوې او ساتل کیده.

دغه راز د روان کال په جولای کې د ملګرو ملتونو امنیت شورا په یوه راپور کې څرګنده کړې؛ د القاعده تر څنګ یو شمېر نورې ډلې هم په افغانستان کې فعاله دي، چې یو شمېر یې د طالبانو تر چتر لاندې هڅې کوي او ځینې نور یې له داعش سره یوځای شوې دي.

دا په داسې حال کې ده، چې طالبانو له امریکا سره د سولې راوستو د هوکړې له مخې له القاعده او نورو ډلو سره خپلې اړیکې رد کړې دي.

تازه خبرونه

د واخان سړک د دوه‌یم فاز د جوړولو تړون لاسلیک شو

د افغانستان د کلیو، د بیارغونې او پراختیا وزارت د خبرپاڼې له مخې؛ د دې وزارت د چارسمبالي(سرپرست) محمد یونس اخوندزاده ویلي، چې د دې تړون له مخې به د دغه ۷۱ کیلومټره سړک د جوړولو چارې به چټکې تر سره شي.

Published

on

(Last Updated On: )

د افغانستان د کلیو، د بیارغونې او پراختیا وزارت ویلي؛ نن پنجشنبه( د کب درویشتمه) د بدخشان ولایت د واخان سړک د دوه‌یم فاز د جوړولو تړون له یوه خصوصي شرکت سره لاسلیک شو.

د افغانستان د کلیو، د بیارغونې او پراختیا وزارت د خبرپاڼې له مخې؛ د دې وزارت د چارسمبالي(سرپرست) محمد یونس اخوندزاده ویلي، چې د دې تړون له مخې به د دغه ۷۱ کیلومټره سړک د جوړولو چارې به چټکې تر سره شي.

د محمد یونس اخوندزاده د څرګندونو له مخې؛ د واخان سړک د جوړولو لګښت د اسلامي امارت له پراختيايي بودجې څخه تمویلیږي.

د افغانستان اسلامي امارت دا تړون په داسې حال کې لاسلیک کړی، چې تېرو حکومتونو د واخان اوسیدونکي له هر راز اړينو اسانتیاوو؛ په ځانګړي توګه له سړک بې‌برخې ساتلي وه.

ویل کیږي، چې د دې پروژې له عملي کېدا سره به نه یوازې د بدخشان او واخان اوسېدونکو ته ګټه ورسيږي، بلکې ورسره د افغانستان او چین ترمنځ سوداګریزې اړیکې هم پراخه شي.

Continue Reading

تازه خبرونه

اسلامي امارت د پاکستان په بلوچستان کې پر ریل‌ګاډي د برید ادعا رد کړه

د اسلامي امارت د بهرنیو چارو وزارت ویاند عبدالقهار بلخي له پاکستان وغوښتل، چې د بې مسوولیته څرګندونو پر ځای دې د خپلو امنیتي مسلو او کورنیو ستونزو حلولو ته پام راواړوي.

Published

on

(Last Updated On: )

د افغانستان اسلامي امارت د پاکستان د پوځ د ویاند هغه ادعاوې رد کړې، چې ګواکې په بلوچستان ایالت کې پر مسافر وړونکي اورګاډي برید له افغانستان سره تړاو لري.

د اسلامي امارت د بهرنیو چارو وزارت ویاند عبدالقهار بلخي له پاکستان وغوښتل، چې د بې مسوولیته څرګندونو پر ځای دې د خپلو امنیتي مسلو او کورنیو ستونزو حلولو ته پام راواړوي.

هغه ویلي؛ د بلوڅ اپوزیسیون هیڅ غړی په افغانستان کې نشته او نه یې له اسلامي امارت سره کومه اړیکه لرلې ده.

نوموړي زیاته کړې: “د سیاسي موخو لپاره د ملکي وګړو قرباني کول د توجیې وړ نده او مونږ په دې پېښه کې د بې ګناه خلکو پر مرګ او ژوبلې خواشیني یوو.”

دا څرګندونې له هغې وروسته راپورته شوې، چې د پاکستان د پوځ ویاند ادعا وکړه، چې تېره ورځ د بلوچستان پر مسافر وړونکي ریل‌ګاډي برید په افغانستان کې میشتو وسلوالو پلان کړی و.

پر ریل‌ګاډي برید، چې ۴۰۰ مسافر یې لېږدول؛ د سې‌شنبې پر ماسپښین پیل شو او تر چارشنبې پورې یې دوام وکړ. د برید په پایله کې ۲۱ مسافر، ۳۳ بریدګر او څلور سرتېري ووژل شول.

د بلوچستان د آزادۍ پوځ د دې پېښې مسوولیت پر غاړه اخیستی دی.

Continue Reading

تازه خبرونه

په افغانستان کې د نشه‌یي توکو تولید او قاچاق د پام وړ کم شوی – عبدالمتین قانع

عبدالمتین قانع دا څرګندونې د ملګرو ملتونو د نشه‌یي توکو او جرمونو د دفتر د نوي راپور په غبرګون کې کړي او زیاتوي: “مونږ تاسې ته ډاډ درکوو، چې د مخدره توکو پر وړاندې د مبارزې پولیسو د مخدره توکو پر وړاندې د مبارزې په برخه کې خپل فعالیتونه د پخوا پر پرتله ډېر کړي او دا بهیر به روان وي.”

Published

on

(Last Updated On: )

د کورنیو چارو وزارت ویاند ويلي، چې په افغانستان کې د نشه‌یي توکو د پروسس او قاچاق کچه د پام وړ کمه شوې او له مخدره توکو سره د مبارزې پولیسو یې د کښت، تولید او قاچاق په مخنیوي کې ځانګړې  لاسته راوړنې لري.

عبدالمتین قانع دا څرګندونې د ملګرو ملتونو د نشه‌یي توکو او جرمونو د دفتر د نوي راپور په غبرګون کې کړي او زیاتوي: “مونږ تاسې ته ډاډ درکوو، چې د مخدره توکو پر وړاندې د مبارزې پولیسو د مخدره توکو پر وړاندې د مبارزې په برخه کې خپل فعالیتونه د پخوا پر پرتله ډېر کړي او دا بهیر به روان وي.”

د ملګرو ملتونو د مخدره توکو او جرمونو دفتر په یوه نوي راپور کې ویلي، چې په افغانستان کې د اپینو بیه لوړه شوې ده.

د دې راپور په غبرګون کې، قانع وایي: “دا عامه خبره ده، چې کله تولید او عرضه نه‌وي؛ نو بیه څو چنده لوړیږي او د پورته ذکر شوي دفتر څرګندونې د افغانستان اسلامي امارت د ډاډمنې مبارزې ښکاره بېلګه ده.

دا په داسې حال کې ده، چې د قطر حکومت له نړیوالې ټولنې څخه د افغانستان د کوکنارو له پخوانیو کروندګرو سره د بدیلو لارو په موندلو کې د ملاتړ غوښتنه کړې ده.

Continue Reading
Advertisement

Trending

Copyright © 2024 Ariana News. All rights reserved!