Connect with us

تازه خبرونه

د مالیې وزارت ۶۸ کارمندان ممنوع الخروج اعلام شول

خپور شوی

د

ولسمشر د مالیې وزارت ۶۸ مسوولین او کارمندان ممنوع الخروج اعلان کړي، چې په دې نوملړ کې د مالیې وزارت درې مرستیالان، ځینې عمومي رییسان، د ګمرک رییسان او لوړ رتبه مامورین شته دي. 

 د یوې بې سارې کړنې له مخې؛ د مالیې وزارت ۶۸ کارمندان ممنوع الخروج شوي دي. د دغو کارمندانو په نوملړ کې د مالیې وزارت د مالي او اداري، عوایدو او ګمرکاتو د مرستیالانو، د وزارت مقام د دفتر د رییس، ځینو عمومي رییسانو، د ګمرک رییسانو او یو شمېر نورو مامورینو نومونه شته دي.

په دې نوملړ کې ډېر د هغو ادارو مسوولین شته، چې عواید لري.

مالیې وزارت ویلي، چې په دې اړه تر دې دمه خبر نلري.

لویې څارنوالي هم ویلي، چې د دغو کسانو د ممنوع الخروجېدو په اړه کومه دوسیه ورته نده رسیدلې. په داسې حال کې، چې عدلي او قضایي بنسټونه د افرادو د ممنوع الخروجولو یوازني مرجع بلل کیږي، خو د مالیې وزارت مامورین د ملي امنیت د مکتوب پربنسټ ممنوع الخروج نومول شوي دي.

د افغانستان پر روڼتیا د څار بنسټ مشر سیداکرام افضلي وایي: د مالیې وزارت یو شمېر ډېر کارمندان په ځانګړي توګه د ګمرکونو د برخې ممنوع الخروجه کول؛ یوه ننداریزه کړنه ښکاري. دغه راز شنلې او له غوره پرته کړنې په دې برخه کې د اصلاحاتو ناکامي ده.     

ویل کیږي دا کسان د فساد په تړاو ممنوع الخروج بلل شوي؛ خو ولسمشرۍ پر دوی د لګیدلي تور په اړه څه ندي ویلي.

د مالیې وزارت، چې دا چارواکي او مامورین یې ممنوع الخروج بلل شوي په دې اړه ناخبري ښیي.

د ولسي جرګې د مالي او بودجې کمیسیون مرستیال سید عظیم کبرزاني وایي: کله، چې سرغړونه وشي؛ باید عدلي او قضایي بنسټونو ته وروپېژندل شي. یوازېممنوع الخروجي بسنه نکوي.    

په هغه لیک کې، چې خپور شوی؛ د مالیې وزارت چارواکي او کارمندان د ملي امنیت د مکتوب له مخې ممنوع الخروج شوي دي. په داسې حال کې، چې عدلي او قضایي بنسټونه د افرادو د ممنوع الخروج حکم کولی شي او بس.

د حقوقپوهانو ټولنې غړی وحید فرزه یي وایي: د ولسمشرۍ په ګډون د حکومت امنیتي او کشفي بنسټونه د یوه هېواد د اوسیدونکیو د ممنوع الخروجۍ واک او صلاحیت نلري.       

د قانون له مخې؛ د ممنوع الخروج کولو حکم هغه وخت صادریږي، چې په لویه څارنوالۍ کې پر دغو افرادو د لګیدلي تور مکتوب موجود وي؛ خو لویه څارنوالي وایي، د دغو کسانو په اړه دوی ته د تورنیدو هیڅ دوسیه نده رسیدلې، چې دوی ممنوع الخروج شوي دي.

 د مالیې وزارت د عامه اړیکو پخوانی مشرعبدالقادر جیلاني وایي:  د حکومت دغه راز کړنې ډېرې تبلیغاتي بڼه لري. اوس هم د حکوومت په ډېرو ادارو کې زورواکي، فساد، علا او اختلاص روان دی.

د مالیې وزارت د ځینو چارواکو او مامورینو د ممنوع الخروجیدو لیک پېنځه ورځې مخکې د حامد کرزي نړیوال هوایي ډګر ته استول شوی، چې په دې موده کې نه څارنوالۍ ته دوسیه لیږل شوې او نه یې هم د تور په اړه معلومات خپاره شوي دي.

د یادونې ده، چې ارګ هم پر دغو کسانو د لګول شویو تورونو په اړه څه ندي ویلي.

تازه خبرونه

د حکومت او رسنیو ترمنځ باید واټن نه‌وي –  ستانکزی

شېرمحمد عباس ستانکزي په کابل کې د اسلامي نظام په ټینګښت کې د رسنیو رول تر سرلیک لاندې په یوه سیمینار کې زیاته کړې؛ رسنۍ د نړۍ په تبلیغاتي جګړه کې بنسټیز رول لوبوي او پر اسلامي امارت لازمه ده، چې پرې له فشارونو ډډه وکړي او پرېږدي، چې رسنۍ د هېواد په پرمختګ او هوساینه کې خپل رول په آزاده توګه ولوبوي.

Published

on

د بهرنیو چارو وزارت سیاسي مرستیال شېرمحمد عباس ستانکزي ويلي، له رسنیو باید داسې ملاتړ وشي، چې د حکومت او دوی ترمنځ واټن رامنځته نشي.

شېرمحمد عباس ستانکزي په کابل کې د اسلامي نظام په ټینګښت کې د رسنیو رول تر سرلیک لاندې په یوه سیمینار کې زیاته کړې؛ رسنۍ د نړۍ په تبلیغاتي جګړه کې بنسټیز رول لوبوي او پر اسلامي امارت لازمه ده، چې پرې له فشارونو ډډه وکړي او پرېږدي، چې رسنۍ د هېواد په پرمختګ او هوساینه کې خپل رول په آزاده توګه ولوبوي.

نوموړي په دې اړه ویلي: " د دوی (رسنیو) ستونزې باید واورېدل شي، د دوی غږ باید واورېدل شي، د دوی لپاره باید داسې چاپېریال برابر شي، چې په ازاده توګه خپل کارونه ترسره کړي."

ستانکزي زیاته کړې، د هېواد د رسنیو په اړه باید داسې نظر وي، چې دواړه لوري یو بل ته د اجنبی په سترګه ونه‌ګوري او اسلامي امارت پر رسنیو له فشار راوړلو ډډه وکړي او رسنیو ته اجازه ورکړي، چې په خلاص لاس کار وکړي.

د اطلاعاتو او فرهنګ وزارت مسوولينو هم په دې سيمينار کې ويلي، چې له ازادو رسنيو سره يې د ټکر لار نده غوره کړې او دغه وزارت له دوى سره هر راز همکارۍ ته ژمن دى.

د سیمینار برخه‌والو له رسنیو هم وغوښتل، چې نړۍ ته د افغانستان د مثبت انځور په ځلولو او انعکاس کې له هیڅ راز هڅې ډډه ونکړي.

دا سیمینار په داسې حال کې جوړیږي، چې رسنۍ د ملي ګټو او اسلامي ارزښتونو په چوکاټ کې د بیان ازادۍ او مثبتو فعالیتونو انعکاس ته ژمنې دي.

Continue Reading

تازه خبرونه

له ازبکستان سره د ۲۰۲۵ ز.کال لپاره د برښنا د پېرودلو تړون لاسلیک شو

دغه تړون تاشکند ته د دغه شرکت د عمومی رییس عبدالباری عمر پر مشرۍ د اسلامی امارت د پلاوي له سفر او د دغه هېواد له چارواکو سره له خبرو اترو وروسته لاسلیک شو.

Published

on

د افغانستان برښنا شرکت څرګنده کړې، چې له ازبکستان سره د ۲۰۲۵ ز. کال لپاره د برښنا د پېرودلو تړون لاسلیک شوی دی.

دغه تړون تاشکند ته د دغه شرکت د عمومی رییس عبدالباری عمر پر مشرۍ د اسلامی امارت د پلاوي له سفر او د دغه هېواد له چارواکو سره له خبرو اترو وروسته لاسلیک شو.

د افغانستان برښنا شرکت ویاند حکمت الله میوندي ویلي: " د افغانستان برښنا شرکت عمومي رییس د یوه پلاوي پر مشرۍ ازبکستان ته تللی و او په ازبکستان کې یې د برښنا له مسوولانو سره په کتنه کې د ۲۰۲۵ ز.کال لپاره د برښنا د پېرودلو تړون لاسلیک کړ."

یو شمېر پانګوال له اسلامي امارت څخه غواړي؛ د ۵۰۰ کیلو ولټ برښنا په اړه دې له ازبکستان سره خبرې وکړي او دغه پروژه ژر تر ژره بشپړه کړي، چې په هېواد کې د برښنا د کمښت ستونزې یوه برخه اواره شي.

د افغانستان برښنا شرکت ویلي، چې افغان پلاوي له ازبکستاني چارواکو سره د ۵۰۰ کیلو ولټ برښنا د لېږد پروژې په اړه، چې د سرخان- پلخمري- دشت الوان څخه د کابل تر ارغندي او د ننګرهار شیخ مصري ته، چې د ۸۰۰ څخه تر ۱۰۰۰ میګاواټه برښنا د لېږد ظرفیت لري په اړه هم خبرې کړې دي.

Continue Reading

تازه خبرونه

څار: د مهاجرو نولواله ورځ

Published

on

Continue Reading
Advertisement

Trending

Copyright © 2024 Ariana News. All rights reserved!