Connect with us

کوید۱۹

هندي روغتونونه کرونا ناروغانو ته د خدمتونو په وړاندې کولو کې پاتې راغلي

Ariana News

خپور شوی

 په

(Last Updated On: April 24, 2021)

د رویټرز د څرګندونو له مخې؛ پرون (جمعه د غویی ۳ ) هند په هرو ۵ دقیقو کې پر کرونا ویروس د یو اخته شوي کس مړینه ثبت کړې ده.

د سرچینې د راپور له مخې، په هند کې خلک د اکسیجن او نورو روغتیایي توکو له کمښت سره مخ دي.

دغه راز هند پرون د کرونا ویروس ۳۳۲۷۳۰ مثبتې پیښې ثبت کړې، چې د ویروس له پیل راپدیخوا په بل کوم هېواد کې په دې شمېر پېښې ثبت شوې ندي.

راپور په ډاګه کړې، چې ډېر ناروغان د ډیلي په روغتونونو کې د مناسب ځای د نشتوالي له کبله خپلو کورونو ته ستانه شوي دي.

د هندوستان د بېلا بېلو ښارونو اوسیدونکیو پر حکومت نیوکه کړې او وايي، چې ګڼشمېر ناروغان په روغتون مړه شوي دي.

یوه ځوان په دې اړه رویټرز ته ویلي: مونږ دې حکومت ته رای ورکړه؛ کله، چې مونږ اړ شوي یو، نو مونږ یې یوازې پرېښي یو. بېوسه خلک چیرته ولاړ شي؟!

د روغتیاپوهانو د څرګندونو له مخې؛ د هند حکومت په تېر ژمي کې د سفر محدودیتونه لرې کړل، چې په پایله کې یې د کرونا ویروس پېښې ډېرې شوې.

له بلې خوا د نریندا مودي حکومت هڅه کوي، روغتونونو ته پوره اکسیجن چمتو کړي.

د امریکا روغتیايي چارواکې او د سپینې ماڼۍ ویاندې جن ساکي ویلي: هېواد یې د دې ارزونه کوي، چې دا له هند سره څه ډول مرسته وکړي؛ خو تر دې دمه ورته برابره شوې نده.

د روغتیا نړیوالې ټولنې هم په هند کې د کرونا ویروس د خپریدو په اړه اندېښنه په ډاګه کړې او وایي، چې خلک باید ټولنیز واټن ته درناوی وکړي.

د دې ټولنې مشر ټدروس آډنوم ګبریزس  ویلي؛ د هندوستان وضعیت ښیي، چې کرونا ویروس څه کولی شي.

دا په داسې حال کې ده، چې په هند کې د محدودیتونو له لرې کولو وروسته خلکو پراخې غونډې جوړې کړه، چې د کارپوهانو د څرګندونو له مخې د ویروس د خپریدو لامل شو.

کوید۱۹

په افغانستان کې د کرونا ویروس د مړینې ورځنی شمېر ۸۵ لوړ شو

Ariana News

خپور شوی

په

توسط

(Last Updated On: June 13, 2021)

د عامې روغتیا وزارت ویلي، چې له تېرو څلیریشت ګړیو راپدیخوا په ټول هېواد کې پر کرونا ویروس اخته ۸۵ ناروغان مړه شوي دي.

دغه راز یادې سرچینې ویلي، چې په تېرو ۲۷ ګړیو کې ۴۵۸۷  پېښې کتل شوي، چې ۱۵۹۷ کسان ترې پر کرونا ویروس اخته شوي او ۴۷۱ نور رغېدلي دي.

د عامې روغتیا وزارت د څرګندونو له مخې؛ په ټول هېواد کې د کرونا ویروس له خپریدو راپدیخوا دا د مړینې ترټولو ډېر شمېر ښودل شوی دی.

د عامې روغتیا وزارت زیاته کړې، چې له دغو پېښو سره د ټولو مثبتو هغو شمېر ۹۱۴۵۸ ته او د ځاني زیانو هغه ۳۶۱۲ رسیدلي دي.

ډاکټرانو ویلي، چې د کرونا ویروس له درېیمې څپې ماشومان، بوډاګان او ځوانان هم ناروغه کیږي؛ خو لویان او مشران ترې مړه کیږي.

دا په داسې حال کې ده، چې پرون کابل ته د چینایي واکسینو ۷۰۰ زره خوراکه راورسیدل.

د عامې روغتیا وزارت چارسمبالي وحید مجروح ویلي؛ د کرونا  ویروس واکسین ۱۳ ولایتونو ته رسیدلی او نورو ولایتونو ته به هم واستول شي.

د عامې روغتیا وزارت ویلي، چې داځل به د کرونا واکسین پر کډوالو، کوچیانو، د بانک کارکوونکیو، د پاسپورت ادارې کارکوونکیو، له ۵۵ کلونو ډېر عمره کسانو، سرطاني، د زړه، تنفسي او د وینې پر ناروغیو اخته کسانو پلی شي.

وحید مجروح ویلي، چې د کرونا ویروس درېیمه څپه په هېواد کې چټکه خپریږي او په تېرو دوه اوونیو کې د کرونا ویروس ترټولو دېرې مثبتې پېښې ثبت شوي دي.

نوموړي زیاته کړې؛ د ښوونځیو، پوهنتونونو، روزنیزو مرکزونو، د ودونو تالارونو، سپورتي ډګرونو، د لامبو حوضونو او نورو ګڼو ځایونه تړل کېدل د کرونا ویروس د پېښو په کمولو کې بې اغېزې ندی؛ خو دا به یوه یا دوه اوونۍ وخت ونیسي.

د روغتیا وزارت زیاته کړې، چې د واکسینو د پلي کېدو بهیر په ۱۳ ولایتونو کې پیل شوی دی.

په افغانستان کې د ملګرو ملتونو مرستندویه پلاوي (یوناما) ويلي، چې اروپایي اتحادیې افغانستان ته د کرونا ویروس اروپایي واکسین چمتو کوي.

په داسې حال کې، چې خلک دمګړۍ د اکسیجن کمښت د کرونا ناروغانو ته یوه اړتیا بولي؛ خو ډېر لږ روغتیایي سپارښتنو ته پام کوي.

د یادونې ده، چې د کابل په افغان جرمن او قصبې روغتونونو کې د اکسیجن د تولید لپاره دوه جنراتورونه فعال شوي دي.

Continue Reading

تازه خبرونه

د کابل په ګډون په ۹ ولایتونو کې د کرونا واکسین پلي کولو نوی بهیر پیل شو

Ariana News

خپور شوی

په

توسط

(Last Updated On: June 13, 2021)

نن د  کابل په ګډون په ۹ ولایتونو کې د چین سینوفارم کرونا واکسینو د پلي کولو نوی بهیر پیل شو.

 افغانستان د کرونا پر وړاندې د مبارزې تر ټولو په سخت حالت کې دی؛  د هندي اسټرازینکا واکسین په پلي کولو کې له څو ورځو ځنډ وروسته د چین لخوا اووه سوه زره خوراکه واکسین هېواد ته را ورسېدل، چې ور سره سم  د کابل په ګډون په  ۹ ولایتونو کې یې خلکو ته د پلي کولو بهیر بیا پیل شو.

د عامې روغتیا وزارت د ویاند مرستیال عثمان طاهري ویلي، چې چین اووه سوه زره خوراکه واکسین مرسته کړې، چې د ټولنې زیان منوونکیو وګړیو ته پلی کیږي.

 د یاد وزارت معلومات ښیي، چې له تېرو څلیریشت ګړیو راپدیخوا په هېواد کې اووه شپېته ناروغان له کرونا مړه شوي او ۹۷۳ نور پرې اخته شوي دي.

عامې روغتیا وزارت د ځینو نویو محدودیتونو د لګولو تر څنګ په عمومي ځایونو کې ماسک اچول اړین  اعلان کړل.

د اکسیجن کمی اوس بله ستونزه ده؛ خو د بښنې نړیوالې ټولنې او ملګرو ملتونو له افغان دولت غوښتي، چې دا ستونزه ژر تر ژره اواره کړي.

دوی خبرداری ورکړی، چې که نړیواله ټولنه مرسته ونکړي؛ حالات به له څارنې ووځي.

د یادونې ده، چې د افغان جاپان او قصبې په روغتونونو کې د اکسیجن د تولید دستګاوو کار پیل کړی؛ خو خلک اوس هم روغتیایي سپارښتنو ته پام نکوي.

Continue Reading

تازه خبرونه

په کابل کې د امریکا سفارت د ویزو وېش وځنډاوه

Ariana News

خپور شوی

په

توسط

(Last Updated On: June 13, 2021)

په کابل کې د کرونا د درېیمې څپې د مخنیوي لپاره د امریکا سفارت د ویزو د وېش بهیر د جون له ۱۳ نېتې وځنډاوه.   

په افغانستان کې د کرونا د درېیمې څپې له خپرېدو وروسته، د امریکا سفارت څرګنده کړې، چې د ویزو د وېش بهیر به د جون له ۱۳ ودریږي.

د امریکا سفارت ویلي، چې دا کار د کارکوونکیو د خوندیتوب لپاره په پام کې نیول شوی، چې پرکرونا ویروس اخته نشي.

د ویزو یو شمېر غوښتوونکيو ویلي، چې ژوند یې په افغانستان کې له ګواښ سره مخ دی او باید د ویزو د وېش بهیر ونه دريږي.

د امریکا سفارت څرګنده کړې: مونږ منو، چې د ویزو غوښتوونکي به ناخوښه وي؛ خو غواړو، چې د خپلو کارکوونکیو او ویزه غوښتوونکیو ژوند خوندي او کنسولي خدمتونه ډاډمن تر سره کړو.

دوی وایي، چې طالبان د پرمختګ په حال کې دي؛ نو اړتیا ده، چې اړوند افغانان له افغانستان ووځي.

دا په داسې حال کې ده، چې د امریکا د بهرنیو چارو وزیر انټوني بلینکن په دې وروستیو کې د کرونا ویروس د کابو کولو لپاره له افغانستان سره د ۲۶۶ میلیون ډالرو مرسته اعلان کړه.

Continue Reading

Trending

آریانا نیوز: ټول حقونه خوندي دي