Connect with us

تازه خبرونه

یو طالب پلاوی د مشورو لپاره کندهار ولایت ته رارسېدلی

خپور شوی

د

(Last Updated On: زمری ۲۷, ۱۴۰۰)

پر راتلونکي نظام د نورو مشورو لپاره تېره شپه د زمري پر ۲۶ د قطر له دوحې څخه په یوه ځانګړې الوتکه کې د ملا عبدالغني برادر په مشرۍ د طالبانو یو ۹ کسیز پلاوی کندهار ولایت ته رارسېدلی دی.

کندهار ولایت ته له رارسېدو وروسته د دغه پلاوي یوه لوړپوړي غړي مولوي خیرالله خیرخواه یوې خبري غونډې ته ویلي؛ خوښ دی، چې په هېواد کې دښمن نه تر سترګو کیږي.

هغه له خلکو غوښتي: هرڅوک، چې په هرسکتور کې د وړتیاوولرونکي وي؛ خپله وړتیا او ظرفیت دې د خپل هېواد پرمختګ ته وقف کړي.

مولوي خیرخواه د هېواد د راتلونکي نظام او بڼې د جوړښت په اړه ویلي؛ کندهار ته د دغه پلاوي د راتګ دلیل همدا دی، چې په اړه به یې ډېر ژر د مشورو پایله خلکو ته وړاندې شي.

هغه پدې اړه ویلي: اوس وضعیت بدل شوی او تاسې ګورئ، چې مونږ ټول اوس یوځای یو او دا، چې چا په تېر وخت کې څه کړي؛ اوس د چا لپاره ستونزه نده.

د بشري حقونو په ځانګړي توګه د کار په ساحه کې د ښځو حقونو او د بیان آزادۍ په اړه هغه څرګنده کړې: مونږ هیله من یو، چې د اسلامي او ملي ارزښتونو په رڼا کې ډاډمن ګامونه پورته کړو او ورسره د نړیوالې ټولنې رضایت رامنځته شي.

د طالبانو یو بل لوړپوړي غړي مولوي عبدالسلام حنفي ویلي؛ مجاهدین اوس د ښاریانو د امنیت ټینګولو هڅې کوي، چې د طالبانو په نوم څوک امنیت ګډوډ او ښاریان ونه ځوروي.

نوموړي زیاته کړې؛ د امنیت ټینګول زمونږ لومړیتوب دی، هرڅوک باید د خوندیتوب احساس وکړي او له یووالي ډک ژوند ولري. د جګړې او دښمنۍ مسله پای ته رسیدلې او هیڅوک به توهین او تحقیر نشي.

هرڅوک حق لري، چې په خپل هېواد کې خدمت وکړي او په هره څانګه کې، چې تخصص لري؛ مونږ یې هرکلی کوو او د پلاوي د راتګ دلیل هم له نورو مشرانو سره مشوره ده، چې مونږ وکولی شو ځینې اړین ترتیبات تنظیم کړو او وروسته به یې له تاسې سره شریک کړو.

عبدالسلام حنفي د ځوانانو د رول په اړه ویلي: د اسلامي امارت یوه پرېکړه دا ده، چې زمونږ یو ځوان به هم اروپا ته قاچاقي ونه وژل شي. مونږ په ګډه کار کوو او مونږ ځوانانو ته اړتیا لرو او دوی باید د ګواښ احساس ونکړي او مونږ اعلان وکړ، چې تېر پر تېر، امارت ټولو ته بښنه اعلان کړې او اسلامي امارت د غچ اخیستلو هڅه نکوي.

نوموړي د هغو کسانو په اړه، چې ویل کیږي تر دې دمه له طالبانو سره خبرو ته ندي حاضر شوي، یا له طالبانو سره دښمني لري یا هغه مشران، چې له هېواده بهر دي او آیا طالبان به وکولی شي بېرته یې هېواد ته د راستنیدو هڅې وکړي؛ وویل: مونږ عمومي بخښنه اعلان کړې او هیڅوک باید له افغانستان څخه ونه وځي او هغه کسان، چې وتلي باید بېرته راستانه شي؛ د هغوی کورونه خوندي دي، د هغوی عزت او وقار خوندي دی، مونږ د چا ملکیت، کور یا موټر ته اړتیا نلرو او نه مونږ غچ اخیستو په لټه کې یو.

هغه له ​​خلکو وغوښتل، چې له هېواده ونه وځي او په کې پاتې شي او خپل اوسیدونکیو ته یې خدمت وکړي.

د پخواني ولسمشر د لومړي مرستیال امرالله صالح د وروستیو څرګندونو په اړه مولوي عبدالسلام حنفي وویل: اساسي قانون یو څه و، چې لویدیځوالو ژباړلی او هغه څوک، چې پر زور راغلي وه نن ټول وتلي او اساسي قانون یې له ځانه سره وړی دی او مونږ له ټولو افغانانو پوښتنه کوو چې دا افغانستان دی. نور د جګړې ځای نه دی ، جګړه پای ته رسیدلې او غواړو، چې افغانستان نور د جګړې ځای ندي، جګړه پای ته رسېدلي او د جګړې اعلان دې نکوي؛ ځکه، چې ټول افغانستان د اسلامي امارت د ځواکونو تر څارنې لاندې دی او مونږ غواړو ټول افغانان د وروڼو په څېر ژوند وکړي، خدمت ته راودانګي، پرېږدې، چې  خپل وطن جوړ کړي او هیچاته اجازه ورنکړي، چې د افغانستان امنیت ګډوډ کړي.

د پنجشیر ولایت د نه نیولو په اړه مولوي عبدالسلام  حنفي وویل: په پنجشیر ولایت کې هم مخلص او هېوادپال خلک لري او دوی له اسلامي امارت سره په اړیکو کې دي او ان شاالله په پنجشېر او ناپنجشېر کې به ستونزه نه وي.

دغه راز د طالبانو د مرکچي پلاوي یو غړی انس حقاني کابل ته راغلی او د ملي پخلاینې عالي شوری له مشر عبدالله عبدالله، پخواني ولسمشر حامدکرزي، فضل هادي مسلمیار او یو شمېر سیاستوالو سره لیدلي دي.

له بلې خوا د افغانستان د سیاسي ګوندونو ځينې رهبران او سیاستوال له درې ورځو راپدیخوا په پاکستان کې دي، چې مشري یې یونس قانوني کوي او وايي، چې د جمهوریت له اړخه له طالبانو سره خبرو ته چمتو دی.

دا په داسې حال کې ده، چې اشرف غني او د حکومت نور چارواکي له کابل تښتیدلي او طالبان ارګ ته ننوتي؛ خو تر اوسه یې څوک د ولسمشر یا امیر په توګه ندي اعلان کړی.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!