Connect with us

لوبی

ګربز د ایرلنډ پر وړاندې په ټسټ لوبه کې د ملي لوبډلی لوبغاړی شو

خپور شوی

د

(Last Updated On: )

د افغانستان کرکټ بورډ د دوشنبې پر ورځ د ایرلینډ پر وړاندې د یوازنۍ ټیسټ لوبې لپاره ملي لوبډله اعلان کړه، چې ټاکل شوې د کب له نهمې تر ایارلسمې / د فبرورۍ له اته‌ویشتمې څخه د مارچ تر درېیمې پورې به په ابوظبي کې روانه وي.

رحمان الله ګربز په ټیسټ لوبډله کې شامل شوی او تمه ده، چې د ایرلینډ پر وړاندې به د افغانستان لپاره لومړنی بالقوه لوبغاړی وي او ممکن د افغانستان لپاره خپله لومړنۍ ټسټ لوبه ترسره کړي.

د نوموړي ترڅنګ ښي لاسی لیګ بریک توپ‌اچوونکی خلیل ګربز هم لوبډلې ته اضافه شوی، چې په کورنيو فرسټ کلاس سیالیو کې یې خورا ښې لوبې کړ؛ په ۱۷ پاڼیو کې یې ۴۰ ویکټې ترلاسه کړي، چې په یوه پاڼۍ کې یې ترټولو ښه توپ‌اچونه کړې او په ۱۲۵ منډو کې بریالی شوی، چې ۶ ویکټو ترلاسه کړي. 

چټک توپ اچوونکي ابراهیم عبدالرحیمزي، چې له دې مخکې د بنګله دېش پر وړاندې ټسټ لوبه کې برخه اخیستې وه هم لوبډلې ته راغلی دی.

دغه راز دوه نور چټک توپ‌اچوونکي یمین خان احمدزی او محمد سلیم ساپی، چې د سریلانکا پر وړاندې د ټسټ لوبډلې برخه و؛ د ټپونو له کبله د ایرلنډ پر وړاندې د یوازنۍ ټسټ لوبې لپاره په لوبډله کې نیول شوی نه‌دي. 

د افغانستان کرکټ بورډ اجرائیوي رییس نصیب خان ویلي، چې افغان لوبډلې په تېرو ۱۵ کلونو کې د ایرلنډ پر وړاندې ډېرې لوبې ترسره کړې او له دې لوبډلې سره د لوبو خورا اوږده مخینه لري.

نوموړي زیاته کړې: مونږ په تېرو ۱۵ کلونو کې له ایرلنډ سره د کرکټ لوبې ډېره اوږده مخینه لرو، دواړو لوبډلو د یو بل پر وړاندې ډېرې لوبې کړي او دغه راز یې په یوه وخت کې د کرکټ نړیوالې شورا بشپړ غړیتوب هم ترلاسه کړی دی. دا به د یادې لوبډلې پر وړاندې زمونږ دوه‌یمه ټسټ لوبه وي او هیله من یم، چې ډېره ښه لوبه ترسره شي.

هغه وایي، چې افغان لوبډله به له دې وروسته د بنګله دېش، نیوزیلنډ او زمبابوې پر وړاندې هم ټسټ لوبې ترسره کړي او هڅه کوي، چې یادو سیالیو لپاره غوره لوبډله چمتو کړي. 

د افغانستان کرکټ بورډ د لوبغاړو د غوراوي کمیټې لنډمهالی مشر احمد شاه سلیمانخېل د لوبډلې د چمتووالي په اړه وايي، چې افغان لوبډلې له تېرو لس ورځو راپدیخوا په عربي اماراتو کې تمریناتي کمپ ترسره کړ. د عربي متحده اماراتو په روزنځي کې ۲۲ افغان لوبغاړو او ټولو روزونکیو ګډون درلود، چې د ایرلنډ پر وړاندې لوبې ته خورا ښه چمتووالی لري. مونږ د روزنځي له بشپړې څارنې وروسته دغې لوبې ته ۱۶ کسیزه لوبډله غوره کړه او یو شمېر نوي لوبغاړي، چې په تېرو کورنیو سیالیو او یاد روزنځيو کې یې ښې لوبې کړي هم لوبډلې ته اضافه شوي دي.

د افغان لوبډلې په ۱۶ کسیز نوملړ کې حشمت الله شهیدي (لوبډلمشر)، رحمت شاه زرمتی مرستیال لوبډلمشر، رحمن الله ګربز او اکرام علي خېل ویکټ ساتونکي، ابراهیم ځدراڼ، عبدالمالک، نورعلي ځدراڼ، بهیرشاه محبوب، ناصرجمال، کریم جنت، ظاهرخان پکتین، ضیاءالرحمن اکبر، خلیل ګربز، ابرهیم عبدالرحیمزی، نجات مسعود او نوید ځدراڼ شامل دي. 

د يادونې ده، چې دا د افغان ملي لوبډلې نهمه ټسټ لوبه ده، چې ورپسې به په روان کال کې ملي لوبډله د بنګله دېش پر وړاندې دوه، د نیوزیلنډ پر وړاندې یوه او دغه راز د زمبابوې پر وړاندې هم دوه ټسټ لوبې ترسره کړي. افغانستان تر دې مخکې له ایرلنډ (۲۰۱۹)، بنګله دېش (۲۰۱۹) او زمبابوې (۲۰۲۱) پر وړاندې درې ټیسټ لوبې ګټلي دي.

لوبی

ایرلینډ د مالي ستونزو له کبله له افغانستان سره کرکټ لوبه وځنډوله

ټاکل شوې وه، چې دا لوبې سږکال په ایرلینډ کې ترسره شي.

Published

on

(Last Updated On: )

د ایرلینډ کرکټ بورډ د سېشنبې پر ورځ (د کب یوویشتمه) ویلي؛ د افغانستان پر وړاندې ټاکل شوې لوبلړۍ، چې په کې یوه ټیسټ لوبه، درې ۵۰ اوریزې او درې ۲۰ اوریزې لوبې وې؛ د بودیجې د محدودیتونو له کبله وځنډول شوې.

ټاکل شوې وه، چې دا لوبې سږکال په ایرلینډ کې ترسره شي.

د ایرلینډ کرکټ بورډ اجرائیوي رییس وارن ډیویټرم له نورو لوبډلو سره د سیالیو مهالوېش اعلانولو پر مهال تائید کړه، چې د افغانستان سیالۍ به د مالي ستونزو له کبله ترسره نشي.

هغه ويلي: “دا پرېکړه د بودجې د لنډمهاله ستونزې له کبله رامنځته شوې ده. مونږ باید د کرکټ بورډ له منشور سره سم خپل کار وساتو، چې ټینګار کوي؛ ستراتیژیکو اهدافو ته د رسېدو لپاره پانګونه باید په متوازن ډول ترسره شي.”

د افغانستان کرکټ بورډ تر اوسه پدې اړه څه ندي ویلي.

افغانستان او ایرلینډ، چې دواړه د کرکټ د نړیوالې شورا (ICC) بشپړ غړيتوب لري؛ په ټیسټ لوبو کې دوه ځله سره مخ شوي دي، چې لومړۍ لوبه افغانستان وګټله او دوه‌یمه هغه د ایرلینډ پر بریا پای ته ورسېده.

په پنځوس اوریزو سیالیو کې دې دوه لوبډلو ۳۲ ځله د یو بل پر وړاندې سیالي کړې، چې افغانستان ۱۸ او ایرلینډ ۱۳ ځله ګټلې دي.

Continue Reading

لوبی

فیفا پر پاکستان فوټبال لګېدلي بندیزونه لرې کړل

د راپور له مخې؛ فیفا د فبروري پر شپږمه پر پاکستان فوټبال فډراسیون (PFF) لګېدلي بندیزونه لرې کړل.

Published

on

(Last Updated On: )

د فوټبال نړیوال فډراسیون (فیفا) د اساسنامې له تعدیل او تصویب وروسته پر پاکستان فوټبال فډراسیون لګول شوي بندیزونه لرې کړل.

د راپور له مخې؛ فیفا د فبروري پر شپږمه پر پاکستان فوټبال فډراسیون (PFF) لګېدلي بندیزونه لرې کړل.

د فیفا شورا دفتر په تېره فبرورۍ کې د پاکستان فوټبال فډراسیون او کانګو فوټبال فډراسیون فعالیتونه له مقرراتو څخه د سرغړونو له کبله ځنډولي وه.

پر پاکستان فوټبال فډراسیون لګول شوي بندیزونه؛ د فیفا شورا د اساسنامې د تعدیل شوې نسخې په تصویبولو کې د پاتې راتلو له کبله ول، چې د عادلانه او ډیموکراټیکو ټاکنو ترسره کول او د دې بهیر د یوې برخې په توګه پر فډراسیون د لګول شويو مکلفیتونو پلي کول تضمینوي.

د فیفا په خبرپاڼه کې ویل شوي، چې د پاکستان فوټبال فډراسیون د قوانینو د تعدیل شوې نسخې له تصویب سره د فیفا ټولې غوښتنې پوره کړې دي.

Continue Reading

لوبی

د افغانستان او اسټرالیا ترمنځ کرکټ لوبه بې پایلې پای ته ورسېده

د افغانستان د ۲۷۴ منډو هدف د ترلاسه کولو لپاره اسټرالیا په ۱۳ اوورونو کې د یوې وېکټې پر زیان ۱۰۹ منډې جوړې کړې؛ خو لوبه د باران له کبله ودرول شوه.

Published

on

(Last Updated On: )

د جمعې پر ورځ په لاهور کې د افغانستان او اسټرالیا ترمنځ د کرکټ لوبه د باران له کبله بې پلیلې پای ته ورسېده، چې له مکبله یې اسټرالیا د اتلانو جام نیمه پای لوبې ته لاره پیدا کړه.

د افغانستان د ۲۷۴ منډو هدف د ترلاسه کولو لپاره اسټرالیا په ۱۳ اوورونو کې د یوې وېکټې پر زیان ۱۰۹ منډې جوړې کړې؛ خو لوبه د باران له کبله ودرول شوه.

د آسټرالیا لوبډله د اتلانو جام دوه‌یم پړاو ته له څلورو نمرو سره ورسېده، چې دوه یې له دوه لغوه شویو لوبو څخه تر لاسه کړې وې.

د آسټرالیا لوبډلمشر سټیو سمیت ویلي: “دا یوه ښه پایله ده.” دا هغه څه دي، چې مونږ یې د سیالۍ په پیل کې په لټه کې وو. “تر اوسه پورې په دوه غوره لوبډلو کې شتون او نیمه پای لوبې ته تلل د قناعت وړ دي.”

هغه زیاته کړې: “زه فکر کوم، چې لوبغاړو ډېر ښه کار وکړ او دوی (د افغانستان لوبډله) تر ۲۷۳ منډو پورې محدوده کړه او ما فکر کاوه، چې کله لوبه لغوه شوه؛ نو مونږ په ډېر ښه حالت کې وو.”

افغانستان، چې انګلستان ته یې ماتې ورکړه او درې نمرې لري؛ اوس هم نیمه پای لوبې ته د تګ چانس لري. که انګلستان د نن ورځې په لوبه (شنبه) کې سویلي افریقا ته پر لوی توپیر ماتې ورکړي؛ نو افغانستان به نیمه پای لوبې ته لاړ شي، که نه، نو سویلي افریقا به دې مرحلې ته لاړه شي.

د افغانستان لړبډلمشر حشمت الله شهیدي ویلي: “کله، چې د لوبو خبره راځي؛ تاسې هیڅکله وړاندوینه نشئ کولی، چې څه به پیښ شي.” مونږ اوس هم هیله لرو. “مونږ راتلونکې لوبې ته سترګې پر لار یوو، زه هیله لرم، چې انګلستان یې پر لوی توپیر وګټي.”

هند او نیوزیلینډ د الف ګروپ څخه د څلورو غوره لوبډلو لپاره څلورم پړاو ته لارموندلې.

د جمعې پر ورځ د لاهور په لوبه کې، صدیق الله اتل ۸۵ منډې او عظمت الله عمرزي ۶۷ منډې وکړې.

د هېواد په ګوټ ګوټ کې د کرکټ مینه‌وال کولی شي د اتلانو جام ټولې لوبې پر ژوندۍ بڼه له آریانا ټلویزیون ATN څخه وګوري.

د دې سیالیو په اړه د معلوماتو لپاره د آریانا ټلویزیون او آریانا نیوز ATNN  ټولنیزو رسنیو پاڼې وګورئ.

Continue Reading
Advertisement

Trending

Copyright © 2024 Ariana News. All rights reserved!