تازه خبرونه
کوماندو ځواکونو په بادغیس کې د طالبانو یو زندان مات کړ
د دفاع وزارت د خبرپاڼې له مخې؛ کوماندو ځواکونو د بالامرغاب ولسوالۍ د بوکن په اړوند سیمه کې د ملي، امنیتي او دفاعي ځواکونو ۶۲ سرتېري، چې له طالبانو سره زنداني وه؛ راخوشې کړي دي.
له راخوشې شویو کسانو څخه ۵۵ د ملي اردو، ۴ د کوماندو ، ۲ پوله ساتي او ۱ پولیس سرتېري دي.
په دې عملیاتو کې ۵ وسلوال طالبان هم وژل شوي او یو شمېر نور یې ټپیان دي.
راخوشې شویو سرتېرو یو ځل بیا د وسلو پر کارولو ټینګار څرګند کړی او په ډاګه کوي، چې د خپلو خلکو له سر او مال څخه به ساتنه روانه ساتي.
