Connect with us

تازه خبرونه

کرونا رنځ؛ د روغتیایي سپارښتنو نه پلي کیدلو اندیښنې راپارولي

خپور شوی

د

(Last Updated On: غویی ۱۷, ۱۳۹۹)

خلکو لا هم د عامې روغتیا وزارت سپارښتنې نه دي پلي کړي او بازارونو کې په عادي ډول ګرځي را ګرځي.

د عامې روغتیا وزارت وایي، د کرونا وېروس خپل لوړ حد ته رسېدلی او ټولنه کې د دې وېروس په وړاندې جدیت نشته.

دیني عالمان هم کرونا وېروس وژونکی بولي، او له ټولو خلکو غواړي چې له خپلو کورونو ونه ووځي، خو کابل ښاریان وایي، د اقتصادي ستونزو له کبله له کورونو ووځي.

که څه هم کورنیو چارو وزارت وایي چې په کابل ښار کې په ګرځېدو کلک محدودیت دی، خو لا هم خلکو دا لارښوونه جدي نه ده ګڼلې. د عامې روغتیا وزارت وایي، د کرونا وېروس په تړاو د خلکو نه پاملرنې دوی اندېښمن کړي دي.

وحید مجروح، د عامې روغتیا وزارت مرستیال، وایي: “د خلکو نه پاملرنې د رغتیا وزارت اندیښمن کړې دې. د دغه ویروس ګواښ ډیر لوړ دې. خلک باید پام راوګرځوي.”

د ټولنیز واټن نه رعایت د کرونا وېروس د سرایت لوی دلیل یادیږي. دیني عالمان له خلکو غواړي چې له بې ځایه ګرځېدو څخه ډډه وکړي.

امين الدين مظفري، د ارشاد، حج او اوقافو وزارت مرستیال، وویل: “د کرونا ویورس کافر او مسلمان نه پیژني. ټول باید پام وکړي. دا ویروس په کلکه وژونکې دې.”

خو خلک وایی، اقتصادي ستونزو اړ کړي چې له کورونو ووځي. دوي وايي، که دا کار ونکړي، د کورنۍ نور غړي یې لوږه ګواښي.

ذبیح الله، د کابل اوسېدونکی، داسی وایي: “د دې لپاره چې زموږ د کورنې غړي ژوندي باتې شي، مجبور یو چې خپلو دندو ته دوام ورکړو.”

محمدسالم، د کابل یوتن بل اوسېدونکی هم وایي چې دوی یریږي چې د دوی د کورنې غړي له لوږې له منځه لاړ نشي، نو ځکه دوی کار کولو ته ادامه ورکوي.

کووېډ-۱۹ رنځ وژونکی دی. تر اوسه یې نه واکسین او نه هم درمل شته.

روغتیاپالان یې په وقایې ټینګار کوي او له خلکو په وار وار غواړي چې د ژوند ژغورلو لپاره په کورونو کې پاتې شي.

د کابل په ګډون نورو لویو ښارونو کې هم ګرځبندیز لګول شوی، خو بیا هم خلک دا لارښونه اړینه نه بولي او نه یې پلي کوي.

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

تازه خبرونه

تحول: په افغانستان کې د بریټانیا د پوځي ماموریت ارزونه

Published

on

(Last Updated On: وری ۹, ۱۴۰۳)

Continue Reading

Trending

Copyright © 2022 Ariana News. All rights reserved!