تازه خبرونه
ډیکسامیټازون د کرونا ویروس ناروغاتوته لومړني ګټور درمل دي
ډاکټرانو ویلي، چې ډیکسامیټازون ارزانه او د لاسرسي وړ درمل دي او کارولو یې د کرونا ناروغانو په رغیدو کې مرسته کړې؛ خو په بشپړه توګه د کرونا مخنیوی نشي کولی.
بریټانیاوي څانګوالو او متخصصینو ویلي؛ ډیکسامیټازون یوازني درمل دي، چې لږه اندازه یې کولی شي؛ پر کرونا اخته هغه ناروغان له مړینې وژغوري، چې د مصنوعي تنفس پر دستګاه ساه اخلي او روغتیایي وضعیت یې د اندېښنې وي.
د جراحۍ څانګوال سمیر بیات خبرداری ورکوي، چې د ډاکټرانو له سپارښتنې پرته د دغه درملو کارول ناروغان له نورو زیانونو سره مخ کولی شي.
د نوموړي د څرګندونو له مخې: ډیکسامیټازون کولی شي ناروغ د التهاب له بحران څخه وباسي، د ویټامین ای غلظت، چې د کرونا په درملنه کې مرسته کوي زیات کړي او سږو ته وینه ورسوي؛ خو له مشورې پرته او ډېر کارول یې هم خپل زیانونه لري.
د هرات د حوزوي روغتون د داخله څانګې مسوول محمد نبیل فقیریار ویلي: زیانونه هم لري؛ د وینې فشار او شکره لوړوي، د هډوکو پړسوب زیاتوي، ناروغ کمزوری کوي او د وجود د معافیت کچه راټیټوي.
د ډاکټرانو د څرګندونو له مخې؛ دا درمل باید هغو ناروغانو ته ورنکړ شي، چې په کور کې یې درملنه کیږي او د کرونا سپکې نښې لري.
ډاکټر اسدالله ژرفبین وایي: ډیکسامیټازون یوازې د معافیت سیستم بحراني کیدل څاري او هغو کسانو ته ورکول کیږي، چې د اندېښنې وړ روغتیايي حالت لري.
په کابل او ولایتونو کې ډېرې کورنۍ د خپلو ناروغانو درملنه په کورونو کې کوي؛ د یو لړ ستونزو له کبله پر عامې روغتیا وزارت نیوکې هم کوي او پر روغتونونو پوره بې باوره شوي دي.
دوی وایي، د کووید – ۱۹ د درملنې ځانګړي روغتونونه د ناروغانو د مړینې لامل شوي؛ ځکه هلته هیڅ زړه سوی نشته.
پر کرونا ویروس د اخته ناروغانو کورنۍ پر عامې روغتیا وزارت تورلګوي، چې د کرونا ویروس ناروغانو درملنې ته هیڅ برنامه نلري؛ د روغتیایی امکاناتو او اکسیجن نشتوالی د دې لامل شوی، چې خلک د خپلو ناروغانو د ژغورنې په موخه ډېرې پیسې ولګوي. ان ناروغ لرونکي د اکسیجن بالونونه له بازاره اخلي او دولتي روغتونو ته یې لیږدوي.
د عامې روغتیا وزارت دا څرګندونې ردوي او وایي؛ ډېرو ناروغانو ته یې لاسرسی کړې او دا، چې دا بهیر له ستونزو سره مخ نشي؛ خصوصي روغتونو ته یې هم د اړوند ناروغانو د درملنې اجازه ورکړې ده.
د عامې روغتیا وزارت د ویاند مرستیاله معصومه جعفري وایي: مونږ په روغتونونو کې پوره اکسیجن لرو او نن هم د عامې روغتیا وزیر عثماني د اسیجن له یوي کارخونې لیدنه وکړه.
د یاد وزارت د څرګندونو له مخې له تېرو څلییشت ساعتونو راپدیخوا په هېواد کې د کرونا ویروس۵۶۴ نوې مثبتې پیښې ثبت شوې دي.
د یو شمېر ډاکټرانو د څرګندونو له مخې ډیکسامیټازون د مړینې کچه له صفر اعشاریه پېنځه څخه صفر اعشاریه درې ته را ټیټه کړې؛ خو د کرونا د بحران مخه یې هیڅکله نده نیولې.
تازه خبرونه
تېر ۲۰۲۳ کال د افغانستان د خلکو لپاره د سترو ننګونو کال و -راپور
په ۲۰۲۴ کال کې به د افغانستان شاوخوا ۱۵ اعشاریه ۸ میلیون خلک د خوړو د خوندیتوب له بحران او بېړنۍ کچې سره مخ شي.
په افغانستان کې د ملګرو ملتونو ټولنې د ۲۰۲۳ کال د پایلو په کلني راپور کې ویلي، چې په افغانستان کې میلیونونه وګړي له لوږې او خوارځواکۍ سره مخ دي، چې ډېري یې خپلې لومړنۍ اړتیاوې پوره کولی نشي.
ملګرو ملتونو څرګنده کړې، چې بشري ناورین په ۲۰۲۳ کال کې هم دوام درلود او دغه هېواد یوه لسیزه شاه تګ کړی او دا مهال د افغانستان نیمايي وګړي په بې وزلۍ کې ژوند کوي.
د اقتصاد وزارت مسلکي مرستیال عبداللطیف نظري له افغانانو سره د بشري مرستو پر اړتیا ټینګار کوي او زیاتوي، چې دغه وزارت په هېواد کې د فقر او لوږې د ختمولو لپاره مناسب پلانونه لري.
ملګرو ملتونو په راپور کې راغلي، چې له ۲۰۲۱ کال راپدیخوا د اقتصادي تولیداتو کچه یو پر څلورمه راټیټه شوې او د نړیوال بانک د راپور له مخې دا مهال د افغانستان نیمايي نفوس په بېوزلۍ کې ژوند کوي.
دا په داسې حال کې ده، چې ملګرو ملتونو اندېښنه ښودلې او څرګندوي؛ دوی له افغانستان سره د مرستو د دوام لپاره د بودجې له کمښت سره مخ دي.
تازه خبرونه
ملګرو ملتونو تېر کال په افغانستان کې د اوبو ۴۷۰ کیلومټره کانالونه جوړ کړل
د خوړو نړيوال پروګرام ویلي، چې تېر کال يې په افغانستان کې د سيمهييزو ټولنو پر همکارۍ د شاوخوا ٤٧٠ کيلومټرو پر اوږدوالي د اوبو کانالونه جوړ کړي دي.
د دې پروګرام د افغانستان برخې د چارشنبې پر ورځ (د وري نههویشتمه ) په ایکس پاڼه کې لیکلي؛ په افغانستان کې کروندګر اوبو ته له لاسرسي پرته خپل ژوند روان ساتلی نشي.
دغه راز څرګنده شوې؛ د اوبو کانالونو له کروندګرو سره مرسته کړې، چې خپلو کورنیو ته خواړه برابر کړي او خپل اضافي تولیدات او محصولات وپلوري.
د خصوصي سکتورغړي هم وايي؛ د خوړو نړیوال پروګرام لهخوا په هېواد کې د اوبو د مدیریت لپاره د کانالونو له جوړولو هرکلی کوي او څرګندوي، چې د هېواد د اوبو مدیریت کولی شي افغانستان له فقر او اقتصادي بحران څخه وژغوري.
دا په داسې حال کې ده، چې له څو کلونو وچکالۍ وروسته؛ وروستیو اورښتونو د افغانستان کروندګر هیله من کړي، چې راتلونکی کال به ښه حاصلات ولري.
تازه خبرونه
په بیجینګ کې د چین او افغانستان درېیمه اقتصادي ناسته تر سره شوه
په بیجينګ کې د افغانستان اسلامي امارت او د چين ولسي جمهوريت د بهرنيو چارو وزارتونو د اړوند سياسي څانګو پر مشرۍ د بشري مرستو او اقتصادي بيارغونې پر ميکانيزمونو درېيمه ناسته ترسره شوه.
د افغانستان بهرنیو چارو وزارت ویاند عبدالقهار بلخي په ایکس پاڼه کې لیکلي، چې په دې ناسته کې د افغانستان د بهرنيو چارو وزارت پر استازیو سربېره د صنعت او سوداګرۍ، کانونو او پټروليم، د کډوالو او بېرته راستنېدونکیو چارو او د طبيعي پېښو پر وړاندې د امارت وزارت استازو ګډون کړی و.
دغه راز په دې ناسته کې د چين د سوداګرۍ، طبيعي سرچينو، د چين نړيوالې پراختيايي ادارې او نړيوالې همکارۍ ادارو استازو هم برخه اخیستې وه.
د بهرنیو چارو وزارت د څرګندونو له مخې؛ په دې ناسته کې له تېرو دوه نيمو کلونو راپدیخوا د طبيعي پېښو، جبري راستانه شویو کډوالو او روغتيا په برخه کې د مرستو پر میکانیزمونو بیا کتنه وشوه.
افغان پلاوي د چين د مرستو د ګټورتوب لپاره خپل وړانديزونه او سلا مشورې چينايي اړوند لوري ته وړاندې کړل.
چينايي لوري ژمنه کړې، چې له افغانستان سره به د چين بشري مرستې د افغان لوري د اړتياوو او لومړيتوبونو له پام کې نيولو سره تنظيم کړي. دغه راز به له افغانستان سره د جبري راستانه شویو کډوالو د مېشتېدو په برخه کې د چين د سل میلیون يوانو په مرستو کې د افغان لوري وړانديزونه هم په پام کې ونيول شي.
د چين سره صليب ټولنې ژمنه کړې، چې په چين کې به د افغان ماشومانو د زړه ناروغيو د درملنې د بيا پيل زمينه هم برابره کړي.
د عبدالقهار بلخي د څرګندونو له مخې؛ د افغانستان د اقتصادي بيارغونې ميکانيزم په چوکاټ کې د دواړو هېوادونو ترمنځ د سوداګرۍ پر زياتوالي په ځانګړي توګه چين ته د زیاتو افغان توکو د صادرولو د زمينې برابرولو، وړتیا لوړونې او په افغانستان کې د کانونو او معاصرې سوداګرۍ په برخه کې د چين د پانګونې د فرصتونو په اړه هر اړخیزې خبرې وشوې.
دواړو لوريو چين ته د افغانستان د جلغوزو له صادراتو وروسته د انارو د صادراتو زمينې د برابرولو د هرکلی ترڅنګ په افغانستان کې د نفتو د استخراج کچې لوړولو او د لوګر مس عینک کان د استخراج د پيلولو په برخه کې د وروستيو پرمختګونو په اړه خبرې وکړې او ټينګار وشو، چې د چارو د چټکتيا پر طرحو به غور وشي.
افغان لوري د چين پر ملاتړ د افغانستان د حکومت په ګڼو وزارتونو او ادارو کې د ملکي مامورينو د وړتیا لوړونې لپاره له روزنيزو پروګرامونو او افغانانو ته د سکالرشپونو د لړۍ له پراخولو هرکلی وکړ.
ویل کیږي، چې په دې ناسته کې د واخان اقتصادي دهلیز د اهميت او احتمالي ګټو او د دې کوريډور د پرانيستو پر امکاناتو هم بحثونه شوي دي.
-
لوبی5 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي4 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
نړۍ3 days ago
امريکا او متحدین یې پر ايران د نورو بنديزونو لګولو هڅې کوي
-
تازه خبرونه5 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
تازه خبرونه4 days ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
لوبی3 days ago
آریانا ټلویزیون د ۲۰۲۴ پاریس المپیک سیالیو د خپراوي حق ترلاسه کړ
-
سیمه ییز خبرونه3 days ago
سعودي عربستان به په پاکستان کې پر بېلابېلو پروژو پانګونه وکړي
-
تازه خبرونه4 days ago
پاکستان بلوچستان میشتو افغانانو ته د وتلو ګواښ وکړ