سوداگري
چین افغانستان ته له تعرفې پرته د سوداګرۍ وړاندیز وکړ
په افغانستان کې د چین سفیر ژاو ژینګ د پنجشنبې پر ورځ ناوخته په خپل رسمي اکاونټ کې لیکلي: چین به له افغانستان سره سوداګریزه تعرفه صفر کړي.
په افغانستان کې د بیجینګ سفیر ویلي؛ چین د افغانستان اسلامي امارت ته پخپلو پراخو ودانیزو، انرژۍ او لګښتیزو سکټورونو له تعرفې پرته د لاسرسي وړاندیز کوي.
په افغانستان کې د چین سفیر ژاو ژینګ د پنجشنبې پر ورځ ناوخته په خپل رسمي اکاونټ کې لیکلي: چین به له افغانستان سره سوداګریزه تعرفه صفر کړي.
بیجینګ په ۲۰۲۱ کال کې له اسلامي امارت سره د خپلو اړیکو د پراختیا هڅه پیل کړه؛ خو د ټولو حکومتونو په څېر یې د دوی د حکومت له رسمیت پېژندلو ډډه کړې ده.
که څه هم افغانستان یو بېوزله هېواد دی؛ کولی شي د بېجینګ لپاره د خپلو کاني زیرمو امنیت خوندي او کاري زمینه برابره کړي.
د افغانستان د لیټیم ، مسو او اوسپنې زیرمو پلورل به له اسلامي امارت سره مرسته وکړي، چې نه یوازې د افغانستان اقتصاد ته وده ورکړي او عاید ترلاسه کړي، بلکې د چین بټري جوړولو او ودانیزو صنعتونو وده به هم ورسره رامنځته شي.
د چین د ګمرکونو د څرګندونو له مخې؛ تېر کال افغانستان چین ته د ۶۴ میلیون ډالرو پر ارزښت توکي صادر کړي، چې نږدې ۹۰ سلنه یې جلغوزي دي.
تازه خبرونه
افغانستان سږ کال د تېر کال پر پرتله ۱۰ سلنه ډېر غنم تولید کړل
د احصائې او معلوماتو ملي ادارې د اټکل پر بنسټ په یاد کال کې د غنمو تر کښت لاندې ټوله ساحه ۲ اعشاریه ۱۲ میلیون هکټاره ده، چې ۱ اعشتریه ۳۸ میلیون هکټاره اوبیزه او ۷۳۶ زره نوره يې للمي ده. د دغو څرګندونو له مخې؛ د غنمو تر کښت لاندې ځمکه په روان کال کې شاوخوا ۷۰ سلنه د هېواد تر کښت لاندې ټوله کرنیزه ځمکه رانغاړي.
د احصائې او معلوماتو ملي ادارې ویلي؛ دې ادارې له ریموټ سنسینګ ټکنالوژۍ څخه پر ګټنه او د سپوږمکیزو انځورونو د شننې پر بنسټ د ټول هېواد پر کچه په ۱۴۰۳ لمریز لېږدیز کال کې د غنمو تر کښت لاندې سیمې تثبیت کړې، چې له مخې یې شاوخوا ۴ اعشاریه ۸۳ میلیون مټریک ټنه غنم تولید او د تېرکال پر پرتله ۱۰ سلنه زیاتوالی ښيي.
د احصائې او معلوماتو ملي ادارې د اټکل پر بنسټ په یاد کال کې د غنمو تر کښت لاندې ټوله ساحه ۲ اعشاریه ۱۲ میلیون هکټاره ده، چې ۱ اعشتریه ۳۸ میلیون هکټاره اوبیزه او ۷۳۶ زره نوره يې للمي ده. د دغو څرګندونو له مخې؛ د غنمو تر کښت لاندې ځمکه په روان کال کې شاوخوا ۷۰ سلنه د هېواد تر کښت لاندې ټوله کرنیزه ځمکه رانغاړي.
د دغو معلوماتو له مخې؛ په روان کال کې د تېر کال پر پرتله په ۲ اعشاریه ۸ سلنه تر کښت لاندې اوبیزو او ۲ اعشاریه ۸ سلنه تر کښت لاندې للمي ځمکو کې زیاتوالی راغلی، چې ستر لامل یې د کوکنارو پرځای د غنمو کښت او پر وخت د موسمي بارانونو زیاتوالی دی.
دې ادارې ویلي، چې تر ټولو زیات پر اوبیزو ځمکو د غنمو کښت په هلمند، کندهار، فراه او کندوز او ترټولو زیات للمي غنم په تخار، هرات، بادغیس او فاریاب ولایتونو کې کرل شوي دي.
د دې ادارې د څرګندونو له مخې؛ د نفوسو اټکل ته پر پاملرنه په ټول هېواد کې شاوخوا ۶ اعشاریه ۸۲ میلیون مټریک ټنو غنمو ته اړتیا ده، چې په ۱۴۰۳ ل. ل کال کې د غنمو تولید شاوخوا ۲ میلیون مټریک ټنه کموالی ښيي.
د یادولو ده، چې د احصائې او معلوماتو ملي اداره د جغرافیايي معلوماتو په سیسټم کې سپوږمکیز انځورونه د کښت له وخت تر محصول پورې تحلیل او تجزیه او ارقام یې وړاندې کوي.
سوداگري
په قزاقستان کې د افغانستان د تولیداتو او محصولاتو نندارتون پرانیستل شو
نورالدین عزيزي د دې نندارتون د پرانيستې په مراسمو کې دغه ډول نندارتونونه د دواړو هېوادونو ترمنځ د سوداګريزو اړيکو په پراختيا کې اغېزمن یاد کړل.
د صنایعو او سوداګرۍ وزارت ويلي؛ په الماتا کې د افغان تولیداتو او محصولاتو د نندارتون پر مهال د دې وزارت چارسمبالي نورالدین عزیزي او د قزاقستان لومړي وزیر مرستیال سیریک ژومنګارین هم حضور درلود.
نورالدین عزيزي د دې نندارتون د پرانيستې په مراسمو کې دغه ډول نندارتونونه د دواړو هېوادونو ترمنځ د سوداګريزو اړيکو په پراختيا کې اغېزمن یاد کړل.
د قزاقستان د لومړي وزیر مرستيال په دې مراسمو کې ويلي، چې استانه له کابل سره د سوداګريزو، اقتصادي، ټرانسپورټي، لوژستيکي او انرژۍ د خوندیتابه لپاره اړيکو ته لېواله ده.
باید وویل شي، چې په دې نندارتون کې به د درې ورځو لپاره په څه باندې ۷۰ کړکیو کې افغان تولیدات ، چې ۱۲ هغه یې میرمنو ته ځانګړي شوي نندارې ته وړاندې شي.
په نندارتون کې د افغانستان ګڼ شمېر محصولات لکه غالۍ، ګاڼې، ساختماني توکي، کورني او صنعتي کیمیاوي توکي، سابه، میوې او خوراکي توکي نندارې ته وړاندې شوي دي.
دغه نندارتون د اوکټوبر له شلمې څخه تر دوهویشتمې پورې د الماتا ښار د اتاکنټ نندارتون په مرکز کې پیل شوی، چې څه باندې ۲۵۰ افغان سوداګر په کې برخه لري.
قزاقستان په دې وروستیو کې له افغانستان سره د سوداګرۍ د پراختیا لپاره هڅې زیاتې کړي او د جون په میاشت کې یې ولسمشر قاسم جومارت توکایف اعلان وکړ، چې د هغه هېواد د اسلامي امارت نوم د وسلوالو ډلو له نوملړه ایستلی دی.
د اګست په وروستیو کې د قزاقستان د بهرنیو چارو وزارت بیا د دواړو هېوادونو ترمنځ د سوداګرۍ، مالي او بشري همکاریو د پراخولو په موخه د افغانستان سفارت چارسمبالی ومانه.
سوداگري
افغانستان سږ کال د نږدې ۸۰ میلیون ډالرو پر ارزښت د زعفران او انجې صادرات لرل
دغه راز د لغمان د کرنې، اوبو لګولو او مالدارۍ ریاست مسوولینو هم د دې ولایت د جلغوزیو په حاصلاتو کې له ۱۸ سلنه زیاتوالي خبر ورکړی دی.
د صنعت او سوداګرۍ وزارت ویلي، چې په تېرو ۶ میاشتو کې د ۷۷ اعشاریه ۵ میلیون ډالرو پر ارزښت انجه او زعفران له هېواده صادر شوي دي.
د ګلوبل ټایمز د څرګندونو له مخې؛ افغانستان ۱۸ ټنه زعفران او ۶۱۷ انجه صادرات لرل.
یادې سرچینې د صنعت او سوداګرۍ وزارت د ویاند جواد اخوندزاده د څرګندونو له مخې زیاته کړې، چې یاد صادرات پاکستان، چین، هند، متحده عربي اماراتو، ازبکستان او امریکا ته صادر شوي دي.
د زعفرانو د کارګرو ټولنې څرګنده کړې، چې د تېر کال پر پرتله سږ کال د زعفرانو په صادراتو کې زیاتوالی راغلی دی.
دغه راز د لغمان د کرنې، اوبو لګولو او مالدارۍ ریاست مسوولینو هم د دې ولایت د جلغوزیو په حاصلاتو کې له ۱۸ سلنه زیاتوالي خبر ورکړی دی.
د یاد ولایت د کرنې، اوبو لګولو او مالدارۍ ریاست د ځنګلونو د ساتنې آمر توریالي پیغام ویلي، چې تېر کال په دغه ولایت کې د جلغوزیو حاصلات ۱۴ ټنه ول؛ خو سږکال یې حاصلات ۲۵ ټنو ته رسېږي، چې دغه شمېر د تېر کال د همدومره وخت پر پرتله ۱۸ سلنه زیاتوالی ښيي.
نوموړي د یادو حاصلاتو د زیاتوالي لاملونه د ځنګلونو د ساتنې په اړه عامه پوهاوی ښودلی دی.
-
لوبی5 days ago
د افغانستان کرکټ بورډ د بنګله دېش پر وړاندې د یو ورځني لوبلړ نوملړ په ډاګه شو
-
لوبی5 days ago
د افغانستان کرکټ الف لوبډلې د هانګ کانګ پر وړاندې ماته وخوړه
-
تازه خبرونه4 days ago
د ایران او هند مشران د افغانستان په اړه وغږېدل
-
لوبی5 days ago
تاجکستان د افغانستان له والیبال ملي لوبډلې لوبه وګټله
-
سیمه ییز خبرونه3 days ago
د انقرې پر هوايي چلند او فضايي صنایعو د برید له کبله ۲۷ کسانو ته مرګ او ژوبله اوښتې
-
تازه خبرونه3 days ago
د بریکس غړیو هېوادونو د نجونو پر زدهکړو د بندیز لرې کولو غوښتنه وکړه
-
نړۍ4 days ago
اسرائیلو په ۴۸ ساعتونو کې د حزب الله درې قومندانان او ۷۰ جنګیالي ووژل
-
تازه خبرونه5 days ago
د بلخ ولایت د شادیان ځمکې له زورواکو راوګرځول شوې