Connect with us

تازه خبرونه

چارواکي د هلمند د نادعلي ولسوالۍ په عملیاتو کې له پرمختګه خبر ورکوي

خپور شوی

د

(Last Updated On: لړم ۲, ۱۴۰۱)

 دهلمند ولایت امنیه قومندان وايي؛ له  تېرو درې ورځو راپدیخوا په نادعلي ولسوالۍ کي پوځي عمليات پيل شوي، چي تر اوسه د چاه انجير او باباجي ځینې سیمې له طالبانو نيول شوې دي.

د هلمند نادعلي ولسوالۍ له مرکز پرته نورې ټولې سيمې له تېرو دوه کلونو څخه د وسلوالو طالبانو په واک کي دي؛ خو امنيتي مسوولين اوس د دې سيمو له نيولو خبر ورکوي.

د هلمند د امنیه قومندان سمونوال عبدالرزاق یعقوبي وايي، درې ورځي وړاندې د دې ولسوالۍ په باباجي او چاه انجير سيمو کې عمليات پيل شوي، چي په کي د چاه انجير ډېرې سيمې بېرته نيول شوي او د جګړې پر مهال په هوايي بريدونو کي ١٤ وسلوال طالبان وژل شوي.

هغه زیاتوي، په دې جګړه کې دوه سرتېرو هم ژوند له لاسه ورکړی او دوه نورټپيان دي.

د نوموړي د څرګندونو له مخې؛ د دې عملياتو لپاره د امنيتي ځواکونو تشکيلات او تجهيزات پوره شوي؛ خو لويه ستونزه ځمکني ماينونه دي، چي د چټکو عملياتو خنډ شوي دي.

د هلمند ولايتي شورا ریيس عطاالله افغان وايي، د نيول شويو سيمو ساتنه  که ونشي؛ نو دا عمليات له ناکامۍ سره مخ کيږي.

هغه زیاته کړې، چې اوس هم  د امنيتي ځواکونو تشکيل دومره لږ دى، چي د يوې سيمې ساتنه هم نشي کولى.

امنيه قومندان بيا د تشکيل د لږوالي خبره ردوي او وايي؛ په ځينو ولسواليو کي د وسلو له کموالي سره مخ دي، چې ډېر ژر به ياده ستونزه هم حل شي.

د هلمند پېنځه ولسوالۍ په بشپړ ډول د وسلوالو طالبانو په واک کي دي او د پېنځه نورو ولسواليو پر مرکزونو دولت حاکميت لري او نورې ټولې سيمې د وسلوالو طالبانو تر واک لاندې دي.

لالبانو تر دې دمه د دغو عملیاتو په اړه څه نه دي وبلي.

خبریال: بريالي رحيمي

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!