تازه خبرونه
په ۹ ولایتونو کې څه باندې ۲ زره جریبه ځمکه د کوکنارو له کښت پاکه شوه
کورنیو چارو وزارت د یکشنبې پر ورځ ( د غویی څلیریشتمه) ویلي، چې د کوکنارو کښتونو د اړولو او له نشهيي توکو سره د مبارزې پولیسو په ۹ ولایتونو کې ۲۱۸۳ جریبه د کوکنارو کښتونه له منځه وړي دي.
د دغه وزارت د څرګندونو له مخې، ۷۷۷ جریبه د فاریاب ولایت په پښتون کوټ، بلچراغ، المار، کوهستان او خیبر ولسوالیو کې، ۴۰۰ جریبه په پکتیا، ۲۹۲جریبه په ننګرهار، ۱۲۷ جریبه په تخار، ۳۸ جریبه په کونړ، ۱۳ جریبه په بغلان، ۱۱ په بلخ او ۵ جریبه ځمکه د غور ولایت په پسابند ولسوالۍ کې له کوکنارو پاکه شوې ده.
په کابل ولایت کې هم د کوکنارو کروندې ویجاړې شوې دي.
تېره ورځ د افغانستان اسلامي امارت د کورنیو چارو وزارت ویلي وه، چې د نشهيي توکو پر وړاندې د مبارزې پولیسو د هېواد په شپږ ولایتونو کې ۸۰۰ جریبه کوکنار له منځه وړي دي.
د اسلامي امارت ویاند ذبیح الله مجاهد ويلي، په هېواد کې د نشهیي توکو د له منځه وړلو لپاره د نشهیي توکو د کښت او قاچاق پر ضد جدي مبارزه روانه ده.
مجاهد ټینګار کړی، چې د نشهیي توکو د قاچاق د مخنیوي لپاره هڅې روانې دي او د ۲۰۲۱ ز. کال په اګست میاشت کې واک ته له بیا رسېدو وروسته اسلامي امارت د نشهیي توکو یو زیات شمېر قاچاق وړونکي نیولي او بندیان دي.
نوموړي دغه راز ګاونډيو او د سيمې هېوادونو ته ډاډ ورکړ، چې له افغانستان څخه د نشهيي توکو د قاچاق په اړه اندېښنه نهلري، بلکې له نشه يي توکو سره د مبارزې په برخه کې له دولت او خلکو سره همکاري او د کوکنارو د بديل کښت په موندلو کې مرسته کوي.
تازه خبرونه
د مالیې وزارت د بار وړونکیو موټرو لپاره د GPS لګولو تړون لاسلیک کړ
د مالیې وزارت چارواکو نن (چارشنبه) په کابل کې د یوې غونډې پر مهال ویلي، چې دا کار یې د پانګونې د جلبولو او د موټرو په ځانګړي ډول د بار وړونکیو موټرو د خوندي تګ راتګ لپاره کړی دی.
مالیې وزارت ویلي؛ د ټرانسپورټ او هوایي چلند وزارت، مالیې وزارت او افغان پُست امارتي شرکت تر منځ د ټرانزیټ د پراختیا او معیاري کولو لپاره په ټرانزیټي باروړنکیو وسایطو کې د ځیرک قفل (GPS Locker) لګولو تړون لاسلیک شو.
د مالیې وزارت چارواکو نن (چارشنبه) په کابل کې د یوې غونډې پر مهال ویلي، چې دا کار یې د پانګونې د جلبولو او د موټرو په ځانګړي ډول د بار وړونکیو موټرو د خوندي تګ راتګ لپاره کړی دی.
د مالیې وزارت مرستیال دوست محمد مخلص ویلي: د دې وسیلې (GPS ) له لګولو سره به د ټرانزیټ په برخه کې اسانتیا رامنځته او په بهرنۍ ټرانزیټي برخه کې به باور رامنځته شي.
د ترانسپورت او هوايي چلند وزارت د تدارکاتو رییس حبیب الرحمن طلحه هم وایي: دغه GPS به په بار وړونکیو موټرو کې نصب شي. په هره لارۍ کې، چې زمونږ هېواد ته راننوځي، جي پي اس لګول کېږي او کله، چې له افغانستان څخه وځي، جي پي اس به ترې لرې کېږي.
دغه راز د دولتي شرکتونو عمومي رییس احمد جان بلال وايي، د افغانستان پستي شرکت یو نوی شپږ عددي پستي کوډ او پُستي پتې د پراختیا ملي پروګرام پرانیست، چې د نړیوالې پُستي ټولنې لخوا تائید شوی او له دې وروسته به په ملي او نړیوالو پُستي خدمتونو کې له دغو کډونو څخه استفاده ترسره شي.
د یادولو ده، چې افغان پوست شرکت هڅه کوي په ټول هېواد کې د پوستي خدماتو ۴ زره ۱۰۵ مرکزونه جوړ کړي، چې خپل خدمات یې ټول هېواد ته وغځول شي.
تازه خبرونه
ګاونډ هېوادونه دې د افغان سوداګرو پر وړاندې خنډونه نه جوړوي
د رییس الوزار سیاسي مرستیال مولوي عبدالکبیر وایي، اسلامي امارت د افغانستان او د سیمې د هېوادونو ترمنځ د اقتصادي او سوداګریزو همکاریو په برخه کې هڅې کوي او له ګاونډ هېوادونو غواړي، چې د افغان سوداګرو پر وړاندې خنډونه لرې کړي.
د رییس الوزرا سیاسي مرستیال د افغان سوداګرو او پانګوالو او یو شمېر هېوادونو د سوداګریزو شبکو په کنفرانس کې ویلي؛ اسلامي امارت د افغانستان او سیمې د هېوادونو ترمنځ د اقتصادي او سوداګریزو همکاریو پر بنسټ اړیکې جوړول غواړي.
د رییس الوزار سیاسي مرستیال مولوي عبدالکبیر وایي، اسلامي امارت د افغانستان او د سیمې د هېوادونو ترمنځ د اقتصادي او سوداګریزو همکاریو په برخه کې هڅې کوي او له ګاونډ هېوادونو غواړي، چې د افغان سوداګرو پر وړاندې خنډونه لرې کړي.
مولوي عبدالکبیر زیاته کړې، چې اسلامي امارت له سیمې سره د اقتصادي اړیکو د پراخولو لپاره د بدیل سوداګریزو لارو په لټه کې دی او پرې پانګونه کوي.
د رییس الوزرا سياسي مرستيال زياته کړې، چې دوى له هېوادونو سره ښې اړيکې او مثبت تعامل غواړي؛ نه دا، چې له چا سره شخړې او ستونزې رامنځته کړي.
دغه راز هغه پر ګاونډ هېوادونو غږ کړی، چې د هوا له سړېدو سره د افغان کډوالو د جبري شړلو لړۍ ودروي .
د صنعت او سوداګرۍ وزارت چارسمبالي نورالدین عزیزي ويلي، چې اسلامي امارت له سوداګرو بشپړ ملاتړ کوي او د چابهار بندر د فعالولو لپاره یې له ایراني لوري سره ګټورې خبرې کړې دي.
په دې کنفرانس کې ایراني چارواکو د افغانستان او ایران ترمنځ د سوداګریزو اړیکو پر پراختیا او په چابهار بندر کې د د همکارۍ او اسانتیاوو د برابرولو ژمنه وکړه.
په دې کنفرانس کې د ایران، پاکستان، جاپان، ترکیې او چین د سوداګرۍ او صنایعو خونې چارواکو هم ګډون درلود.
تازه خبرونه
چین په اقتصادي، سوداګریزو او بشري مرستو کې د همکاریو ژمنه وکړه
د دې ادارې د خبرپاڼې له مخې؛ د چین سفیر ژاوشینګ، د افغانستان پکتيکا، هرات او نورو زیانمنو شویو سیمو ته د مرستو یادونه وکړه او په بشري مرستو کې یې د خپل هېواد ژمنتیا تازه کړه.
له پېښو سره د مبارزې چمتووالي ملي ادارې چارسمبالي نورالدین ترابي په خپل کاري دفتر کې د چین له سفیر ژاوشینګ او مل پلاوي سره ولیدل او د زیانمنو افغانانو لپاره یې د بشري مرستو په اړه د همکاریو ژمنه وکړه.
د دې ادارې د خبرپاڼې له مخې؛ د چین سفیر ژاوشینګ، د افغانستان پکتيکا، هرات او نورو زیانمنو شویو سیمو ته د مرستو یادونه وکړه او په بشري مرستو کې یې د خپل هېواد ژمنتیا تازه کړه.
نورالدین ترابي د چین ولسي جمهوریت له مرستو د مننې تر څنګ ویلي؛ افغانستان او چین ملګري هېوادونه دي او چین د هغو لومړنیو هېوادونو څخه دی، چې د سوداګریزو برخو ترڅنګ یې له اسلامي امارت سره بشري مرستې هم روانې ساتلې دي.
نورالدین ترابي وایي، چې زمونږ فعالیتونه تر ډېره بېوسو او زیانمنو خلکو ته ځانګړي شوي دي.
له پېښو سره د مبارزې چمتووالي ملي ادارې سرپرست د چین هېواد د اقتصادي او سوداګریزو همکاریو د یادونې تر څنګ په تخنیکي، ټرانسپورټي او نورو اړینو برخو کې هم له همکاریو مننه وکړه.
ویل کیږي، چې دواړو لوریو په ټولو برخو کې په ځانګړي توګه د پېښو مدیریت په اړه د نورو ډېرو همکاریو او همغږۍ په اړه ژمنه وکړه.
-
تازه خبرونه3 days ago
د منځني ختیځ له کړکېچ وروسته د افغانستان له هسک د نړیوالو الوتنو کچه مخ پر ډېرېدو شوه
-
تازه خبرونه2 days ago
د روان کال تر پایه به دوه میلیون ناقانونه کډوال له ایران وایستل شي
-
نړۍ3 days ago
د دوبۍ اماراتو ایرلاین پر واکي ټاکونو بندیز ولګاوه
-
تازه خبرونه3 days ago
بیات بنیاد د هرات حوزوي روغتون د ماشومانو څانګه بشپړه ورغوله
-
تازه خبرونه2 days ago
د خوړو نړیوال پروګرام له دوه میلیون ښځو سره نغدي مرسته وکړه
-
سوداگري1 day ago
له قرغزستان څخه افغانستان ته د تېلو په صادراتو کې زیاتوالی رامنځته شو
-
سیمه ییز خبرونه4 days ago
د پاکستان د پخواني لومړي وزیر عمران خان پلویانو لسګونه پولیس ټپیان کړل
-
سوداگري1 day ago
پاکستانیو سوداګرو د پاکستان او افغانستان د ټرانزیټي لارې پر پرانیستلو ټینګار وکړ