Connect with us

روغتيا

په ګمبیا کې د ماشومانو مړینه د ټوخي له هندي شربت سره تړاو لري – WHO

خپور شوی

د

(Last Updated On: )

د روغتیا نړیوالې ټولنې د چارشنبې پر ورځ ویلي؛ شونې ده، چې په ګمبیا کې د پښتورګو د ټپونو له کبله د لسګونه کوچنيو ماشومانو مړینه د ټوخي او زکام له هغه ککړ شربت سره تړاو ولري، چې د هندي درمل جوړوونکيو لخوا جوړ شوی.

د WHO عمومي رییس تدروس ادهانوم ګبریسوس ویلي؛ د ټوخي پر دغو شربتونو له څو ازموینو څرګنده شوې، چې د لویدیزې آفریقا په دې کوچني هېواد کې د ۶۶ ماشومانو د مړینې لامل همدا هندي درمل دي.

تدروس خبریالانو ته څرګنده کړې؛ د ملګرو ملتونو ادارې په نوي ډیلي کې له هندي تنظیموونکیو او میدین نومي شرکت سره، چې دغه شربتونه تولیدوي ګډې څېړنې پیل کړي دي. په داسې حال کې، چې میدین فارما او د هند د مخدره توکو عمومي څارونکي په دې اړه له څرګندونو او ځواب ویلو ډډه کړې ده.

رویترز څرګنده کړې؛ د روغتیا نړیوالې ټولنې د چارشنبه پر ورځ د طبي محصولاتو له تنظیموونکیو وغوښتل، چې د میدین فارما توکي له بازاره راټول کړي.

د روغتیا نړیوالې ټولنې په دې غوښتنه کې راغلي؛ شونې ده، چې دغه محصولات د نارسمي بازارونو له لارې توزیع شوي وي؛ خو تر دې دمه یوازې په ګمبیا کې پېژندل شوي دي.

دې غوښتنې یوازې څلور محصولاتو؛ Promethazine Oral Solution، Kofexmalin Baby Cough Syrup، Makoff Baby Cough Syrup او Magrip N Cold Syrup ته ګوته نیولې ده.

په ګمبیا کې طبي څارونکیو په جولای په میاشت کې له هغې وروسته د خطر زنګ وواهه، چې لسګونه ماشومان د پښتورګو له ستونزو مړه شول او له پېنځه کلونو څخه لږ عمره لسګونه ماشومان د ځایي پلورل شويو پاراستامولو پر شربت اخیستو له درې تر پنځو ورځو ناروغه شول.

د ګمبیا د روغتیایي خدماتو رییس مصطفی بیتای ویل، چې ورته ستونزې په نورو شربتونو کې هم موندل شوي؛ خو وزارت یې د پایلو تائید ته سترګې پر لار دی.

نوموړي زیاته کړې؛ له هغې وروسته، چې د میدین فارما محصولاتو پلور منع شوي؛ د ناروغانو په شمېر کې لږوالی راغلی دی.

د ګامبیا د درملو څارونکې ادارې د سې شنبې پر ورځ روغتیایي متخصصینو ته یو لیک واستاوه چې دوی ته یې امر وکړ چې د WHO لخوا لیست شوي کوم محصولات وپلوري.

میدین فارما په هند کې درمل تولیدوي او بیا یې په کور دننه پلوري، چې د دوی د اوبپاڼې د څرګندونو له دا درمل بیا د آسیا، آفریقا او لاتینې امریکا هېوادونو ته صادروي.

روغتيا

سعودي عربستان د ګوزڼ د له منځه وړلو لپاره ۵۰۰ میلیون ډالر لګوي

دې ټولنې د دوشنبې پر ورځ (د کب شپږمه) په خبرپاڼه کې لیکلي، چې دا بودجه د ۲۰۲۴ کال په اپریل کې د سعودي عربستان لخوا ژمنه شوې وه.

Published

on

(Last Updated On: )

د روغتیا نړیوالې ټولنې اعلان وکړ، چې سعودي عربستان په افغانستان او پاکستان کې د ګوزڼ یا پولیو د له منځه وړلو لپاره د ۵۰۰ میلیون ډالرو ژمنه کړې ده.

دې ټولنې د دوشنبې پر ورځ (د کب شپږمه) په خبرپاڼه کې لیکلي، چې دا بودجه د ۲۰۲۴ کال په اپریل کې د سعودي عربستان لخوا ژمنه شوې وه.

د روغتیا نړیوالې ټولنې ویلي، چې تېر کال په دې دوه هېوادونو کې د پولیو ۹۹ پېښې ثبت شوې دي.

دا کچه پیسې دې ویروس ته ځانګړې کیږي که څه هم په ۲۰۲۵ کال کې د پولیو لومړۍ قضیه درې ورځې وړاندې په بادغیس ولایت کې وموندل شوه.

پاکستان هم سږ کال د دې ناروغۍ درې پېښې تائید کړې دي.

افغانستان او پاکستان د هغو هېوادونو له ډلې څخه دي، چې تر اوسه په بشپړه توګه د پولیو په له منځه وړلو کې بریالي شوي ندي.

دا په داسې حال کې ده، چې تېره ورځ د هېواد په ختیځ زون کې د ګوزڼ د له منځه وړلو کمبیاین پیل شوی دی.

Continue Reading

روغتيا

د امریکا د مرستو ځنډېدا به په افغانستان کې د میندو د مړینې کچه لوړه کړي

 دوی وايي، چې که وضعیت په راتلونکو درې کلونو کې همداسې روان وي؛ نو په افغانستان کې به له ۱۰۰۰ څخه زیاتې میندې د زیږون پرمهال مړې شي.

Published

on

Maternal health
(Last Updated On: )

ملګرو ملتونو ويلي، چې له افغانستان سره د امریکا د مرستو کمول به په میلیونونه افغانان او میندې د زیږون روغتیایي خدماتو ته له لاسرسي بې برخې کړي.

 دوی وايي، چې که وضعیت په راتلونکو درې کلونو کې همداسې روان وي؛ نو په افغانستان کې به له ۱۰۰۰ څخه زیاتې میندې د زیږون پرمهال مړې شي.

د ملګرو ملتونو یوه چارواکی خبرداری ورکړی، چې له افغانستان سره د امریکا د مرستو له کمیدو سره به په راتلونکو درې کلونو کې د زیږون پرمهال ۱۲۰۰ میرمنې مړې شي.

دغه راز ویل شوي، چې که مرستې پرې شي؛ نو په افغانستان کې به له ۹ میلیون څخه ډېر خلک روغتیا او د خوندیتوب خدماتو ته لاسرسی له لاسه ورکړي او نږدې ۶۰۰ ګرځنده روغتیایی ډلې، کورني روغتیایي او مشورتي مرکزونه به وځنډول شي.

د ملګرو ملتونو د وګړو صندوق د آسیا او اوقیانوسیې سیمه‌ییز رییس پیو سمیت ویلي: “په افغانستان کې د ۲۰۲۵ او ۲۰۲۸ کلونو ترمنځ د امریکا د ملاتړ نشتوالی احتمال لري، چې له ۱۰۰۰ څخه زیاتو میندو د مړینې لامل شي. د غیر معمولي زیږونونو خطر به زیات شي. زه هیله لرم، چې د امریکا ولسمشر د نړیوال پرمختګ د مشر په توګه د ملګرو ملتونو د وګړو صندوق ته مرستې روانې وساتي.

د سمیت د څرګندونو له مخې؛ دلته په هرو دوه ساعتونو کې یوه مور له امیندوارۍ پورې اړوند د مخنیوي وړ پیچلتیاوو له کبله مري.

نوموړی وایيک “کله، چې زمونږ پروژې تمویل نشي؛ ښځې اړ کیږي، چې یوازې او په ناپاکو شرایطو کې زیږون وکړي. ماشومان د مخنیوي وړ لاملونو له کبله مري. دا خلک رښتیا هم په نړۍ کې ترټولو زیان منونکي خلک دي.”

د ملګرو ملتونو د وګړو صندوق سږکال په افغانستان، بنګله دېش او پاکستان کې د اړینو خدماتو د دوام لپاره له ۳۰۸ میلیون ډالرو څخه زیاتو ته اړتیا لري.

د کارپوهانو د څرګندونو له مخې؛ د افغانستان د روغتیا سکتور باید د روغتیایي خدماتو د ښه کولو او پر نورو د تکیه کمولو لپاره پر ځان‌بسیا شي او دا سکټور په روغتیایي بېخبنا (زیربنا ) کې د پانګونې زیاتوالي، د روغتیایي کارمندانو د روزنې او ظرفیت لوړولو، د درملو کورنی تولید، د روغتیا په سکټور کې څېړنې او نوښت ته اړتیا لري.

د هېواد د روغتیا سیسټم یوه برخه اوسمهال له بهرنیو مرستو سره تړلې ده او د عامې روغتیا وزارت تر اوسه ندي ویلي، چې که مرستې په بشپړه توګه ودرول شي؛ نو څه پلانونه لري.

Continue Reading

روغتيا

د روغتیا نړیواله ټولنه خپله بودجه ۴۰۰ میلیون ډالرو ته راټیټوي

رویټرز د دوشنبې پر ورځ (د سلواغې پر شپاړلسمه) د یو سند د څرګندونو له مخې راپور ورکړ؛ دا د ۷.۵ میلیارډ ډالرو بودجې یوه برخه ده، چې په پیل کې د ګوزڼ یا پولیو له منځه وړلو او د بېړنیو حالتونو سره د مقابلې لپاره وړاندیز شوې وه.

Published

on

(Last Updated On: )

د روغتیا نړیوالې ټولنې غړي هېوادونه د امریکا د ولسمشر ډونالډ ټرمپ له هغې پرېکړې وروسته، چې له دې ټولنې وځي؛ په پام کې لري، چې خپله بودجه ۴۰۰ میلیون ډالرو ته راټیټه کړي.

رویټرز د دوشنبې پر ورځ (د سلواغې پر شپاړلسمه) د یو سند د څرګندونو له مخې راپور ورکړ؛ دا د ۷.۵ میلیارډ ډالرو بودجې یوه برخه ده، چې په پیل کې د ګوزڼ یا پولیو له منځه وړلو او د بېړنیو حالتونو سره د مقابلې لپاره وړاندیز شوې وه.

په راپور کې دا هم راغلي؛ اجرائیوي بورډ د اصلي پروګرامونو لپاره د بودجې کمولو وړاندیز کړی، چې له ۵.۳ میلیارډ ډالرو څخه ۴.۹ ميلیارډ ډالرو ته راټیټه شي.

د دې ټولنې په سند کې لیکل شوي: “د تمویل د تر ټولو د لویې سرچینې له لاسه ورکولو سره بودجه نشي کولی، چې خپله عادي بڼه وساتي.”

د راپور له مخې، د دې کمښت په اړه به د مارچ له درېیمې څخه تر یوولسمې پورې د ژینیو په غونډه کې بحث وشي.

په دې غونډه کې به د غړو هېوادونو استازي د ۲۰۲۶ – ۲۰۲۷ کلونو لپاره د دې ټولنې د بودجې او راتلونکي کار په اړه بحث او خبرې وکړي.

دغه راز د نړیوالې روغتیا ټولنې عمومي رییس، ټډروس اډهانوم ګبریوس د دې ټولنې د کلنۍ اجرائیوي بورډ غونډې د پرانیستلو پرمهال له وروستیو اصلاحاتو دفاع وکړه او له ټرمپ څخه یې وغوښتل، چې د امریکا د وتلو په اړه له سره غور وکړي.

هغه زیاته کړې: “مونږ د امریکا او د ټولو غړو هېوادونو له وړاندیزونو هرکلی کوو، چې څنګه مونږ وکولی شو تاسې او د نړۍ خلکو ته ښه خدمت وکړو.”

امریکا په نړۍ کې د دې ټولنې یوه ملاتړې ده، چې له دې ټولنې څخه به یې د وتلو له پرېکړې سره پرې د دې هېواد ټول مالي ملاتړ بند شي.

Continue Reading
Advertisement

Trending

Copyright © 2024 Ariana News. All rights reserved!