نړۍ
په کوټه کې چاودنې ۱۴ پاکستانیو پولیسو ته مرګ و ژوبله اړولې
د پاکستان پولیسو رسنیو ته څرګنده کړې، چې تېر ماښام د کوټې ښار د سرینا هوټل مخې ته بمي چاودنه رامنځته شوې ده.
پولیسو ویلي؛ په دې پېښه کې څلور پاکستاني سرتېري وژل شوي او لس نور ټپیان دي. رسنیو په ډاګه کړې؛ د دې چاودنې له کبله څلور ملکیان هم ټپیان شوي دي.
ویل کېږي، چې چاودېدونکي توکي په یوه موټرسایکل کې ځای پر ځای شوي وه.
دغه راز څرګنده شوې، چې د چاودنې پر مهال په هوټل کې د عمران خان د حکومت مخالف بلاول بوټو هم و.
هغه په یوه ټویټ کې دغه برید غندلی او د پاکستان پر حکومت یې غږ کړی، چې د ترهګرو له پالنې لاس واخلي.
د ده په وینا دا چاودنې هغه ترهګر ترسره کوي، چې پاکستانی حکومت یې روزي او پالي.
دا پیښه په داسې حال کې رامنځته کیږي، چې د محرم نمانځلو لپاره امنیتي تدابیر سخت شوي او د پاکستان امنیتي ځواکونه د هرې پېښې په لټه کې دي.
په کوټه کې سرچینو رسنیو ته ویلي، چې د یو شمېر ټپیانو روغتیایي حالت د اندېښنی وړ دی او د وژل شویو کسانو شمېر د لوړېدو په حال کې دی.
تر اوسه کومې ډلې د چاودنې مسوولیت ندی منلی.
نړۍ
امريکا او متحدین یې پر ايران د نورو بنديزونو لګولو هڅې کوي
امریکا او متحدینو یې پر اسرائیلو د بېساري برید له کبله پر ایران د نويو بندیزونو لګولو هڅې پیل کړي، چې پرې د اسرائیلو لخوا د کړکېچ زیاتولو مخه ونیسي.
د رویټرز د څرګندونو له مخې؛ امریکا او اروپا پر ایران د اقتصادي او سیاسي بندیزونو د سختولو اعلان کړی او تمه ده، چې اسرائیل له پراخو غچ اخیستونکیو کړنو لرې وساتي.
د اسراییلو د پوځ ستر درستیز هرزي هالوی ویلي وه، چې پر اسرائیلو د ایران له ۳۰۰ ډېر توغندي او چاودېدونکې بې پلوټه الوتکې وتوغول شوې، چې بې ځوابه به پاتې نشي؛ خو په دې اړه یې له جزئیاتو وړاندې کولو ډډه وکړه.
د اسرائیلو یوې حکومتي سرچینې ویلي، چې د سې شنبې پر ورځ د جګړې کابینې غونډه وکړه؛ خو له توضیحاتو پرته چارشنبې ته وځنډول شوه.
د امریکا د ملي امنیت سلاکار جیک سلیوان د سې شنبې پر ورځ څرګنده کړې: امریکا په راتلونکیو ورځو کې د ایران د لرې ویشتونکیو توغندیو او بېپیلوټه الوتکو پر پروګرام د نويو بندیزونو د لګولو پلان لري او تمه ده، چې متحدین یې هم ومني.
له دې مخکې هم د امریکا خزانې وزیرې جانټ یلن ویلي، چې امریکا به بندیزونه ولګوي او له خپلو متحدینو سره به د ایران د “ناوړه او بېثباته کوونکیو فعالیتونو د مخنیوي لپاره کار وکړي.
هغې د واشنګټن په خبري کنفرانس کې زیاته کړې، چې د ایران د “ترهګرۍ د تمویل” د مخنیوي لپاره ټول غوراوي پر میز پراته دي، چې د ایران پرضد نور بندیزونه ژر اعلان شي.
د اروپايي ټولنې بهرنۍ تګلارې مشر جوزپ بورل په بروکسل کې د اروپايي ټولنې د بهرنیو چارو وزیرانو له بېړني ویډیويي کنفرانس وروسته څرګنده کړې؛ ځینو غړیو هېوادونو غوښتنه کړې، چې پر ایران دې بندیزونه وغځول شي او د اروپايي ټولنې ډیپلوماټیکه څانګه دې پدې وړاندیز کار پیل کړي.
د اسرائیلو بهرنیو چارو وزیر اسرائیل کاټز ویلي، چې د یوه ډیپلوماټیک برید مشري کوي؛ له ۳۲ هېوادونو څخه ته یې لیکلې غوښتنه کړې، چې د ایران د توغندیو پروګرام تحریم کړي.
نړۍ
امریکا به پر ایران د اسرائیلو په ځوابي برید کې برخه وانخلي
امریکا د یکشنبې پر ورځ ویلي؛ دوی به پر ایران د اسرائیلو په ځوابي برید کې برخه وانخلي او ولسمشر جوبایډن د اسرائیلو صدراعظم بنیامین نتانیاهو ته څرګنده کړې، چې د تاوتریخوالي د زیاتېدو په اړه دې له غور او فکر څخه کار واخلي.
سپینې ماڼۍ ویلی، چې بایډن نه غواړي پراخه جګړه وکړي.
د سپینې ماڼۍ د ملي امنیت شورا ویاند جان کربي انبيسي خبري سرچینې ته ویلي؛ مونږ له ایران سره د پراخې جګړې په لټه کې نهیوو.
هغه زیاته کړې؛ امریکا نه غواړي، چې له ایران سره دا جګړه پراخه شي.
کربي وایي: نتانیاهو د شنبې پر ورځ له بایډن سره په ټیلیفوني خبرو کې د هغه له احساساتو “ښه خبر” شو.
د اسرائیلو پوځ ویلي، ایران د شنبې پر ورځ ناوخته پر اسرائیلو له ۳۰۰ ډېرې بې پیلوټه الوتکې او توغندي وتوغول، چې ۱۲ کسان یې ټپیان کړل.
امریکايي چارواکو ویلي، چې امریکايي جنګي الوتکو شاوخوا ۷۰ بې پیلوټه الوتکې رانسکورې کړې او امریکايي کښتیو یې د څلورو او شپږو تر منځ بالستیک توغندي وویشتل.
د بایډن ادارې یوه جګپوړي چارواکي تائید کړې، چې بایډن نتانیاهو ته ویلي؛ واشنګټن به پر ایران د غچ اخیستنې لپاره پوځي ملاتړ ونکړي.
دغه چارواکي د نوم نهښودلو پر شرط خبریالانو ته په ټیلیفوني اړیکه کې ویلي: مونږ به د هر هغه ځواب برخه نشو، چې هغوی ( اسرائیل ) یې ترسره کوي. مونږ به په دې ډول عمل کې د ګډون تصور هم ونکړو.
د امریکا ولسمشر تېره شپه لومړي وزیر( نتانیاهو ) ته څرګنده کړې، چې مونږ باید د تاوتریخوالي د خطرونو په اړه د پام وړ غوراوی ولرو.
د شنبې پر ورځ ناوخته ایران د سوریې پر سفارت د اسرائیلو د برید په غچ کې پر اسرائیلي خاوره سلګونه چاودېدونکي ډرون او توغندي وتوغول.
ویل کیږي، چې اسرائیلو د یکشنبې پر ورځ د ایران له بې ساري برید وروسته د یوې پراخې جګړې وېره رامنځته کړې ده.
مهم خبرونه
مونږ د ایران پر ضد په یرغلیزو عملیاتو کې ګډون نکوو- بایډن
د امریکا یوه لوړپوړي حکوکمتي چارواکي سيانآن ته ویلي، چې د امریکا ولسمشر جوبایډن د اسرائیلو صدراعظم بنیامین نتنیاهو ته ویلي، چې امریکا به د ایران پر ضد په هیڅ ډول یرغلیزو عملیاتو کې برخه وانخلي.
دا پیغام د اسرائیلو پر ضد د ایران له غچ اخیستونکیو بریدونو وروسته په یوه ټیلیفوني اړیکه کې وړاندې شوی دی.
بایډن ویلي، چې د امریکا اوسنۍ ارزونه دا ده، چې د ایران بریدونه تر ډېره ناکامه ول او دې بریدونو د اسرائیلو پوځي وړتیا ثابته کړه.
ایران د شنبې پر ورځ ناوخته په خپل لومړي غچ اخستونکي برید کې
د شنبې پر ورځ ناوخته ایران د سوریې پر سفارت د اسرائیلو د برید په غچ کې پر اسرائیلي خاوره لږ تر لږه ۲۰۰ چاودېدونکي ډرون او توغندي وتوغول.
-
لوبی2 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي2 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
سیمه ییز خبرونه4 days ago
پر ایران به د اسرائیلو برید له سخت ځواب سره مخ شي
-
سیمه ییز خبرونه4 days ago
ایران پر اسرائیلو د بې پیلوټه الوتکو او توغندیو غچ اخیستونکی برید ترسره کړ
-
تازه خبرونه2 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
نړۍ3 days ago
امریکا به پر ایران د اسرائیلو په ځوابي برید کې برخه وانخلي
-
تازه خبرونه2 days ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
نړۍ21 hours ago
امريکا او متحدین یې پر ايران د نورو بنديزونو لګولو هڅې کوي