تازه خبرونه
په کاپیسا کې ناڅرګندو وسلوالو ښځینه پولیسه وژلې
(Last Updated On: )
د کاپیسا پولیسو ویلي، چې تېره شپه په خپل کور کې یوه ښځینه پولیسه وژل شوې ده.
د کاپیسا د پولیسو ویاند عبدالشایق شورش ویلي، چې دغه پېښه د یکشنبې پر شپه شاوخوا ۹ بجې د دغه ولایت د کوهستان ولسوالۍ د شیرک پیرک په سیمه کې رامنځته شوې ده.
د پولیسو د څرګندونو له مخې، دغه يولیس افسره په خپل کور کې وژل شوې ده.
د وژنې علت ناڅرګند دی؛ خو شورش وايي، چې پدې اړه يې پلټنې پيل کړي دي.
تر دې دمه کومې ډلې یا فرد د برید مسولیت ندی منلی.
