تازه خبرونه
په کابل کې ماین چاودنې ۸ کسانو ته مرګ و ژوبله اړولې
(Last Updated On: )
د کابل پولیسو نن (پنجشنبه د غبرګولي) په ډاګه کړې، چې د کابل ښار په شپږمه ناحیه کې یوې چاودنې څلور ملکي وګړي وژلي او څلور نور ټپیان دي.
پولیسو ويلي، نن له غرمې وروسته پاو کم دوه بجې پر یو ملکي موټر د ۶ ناحیې د چار کلا په اړوند سیمه کې ماین چاودنه رامنځته شوه.
پولیس وايي، په مړو کې دوه میرمنې هم شته.
د پولیسو د راپور له مخې؛ په پېښه کې د یوې ښځې او ماشوم په ګډون څلور کسان ټپیان شوي دي.
پولیسو ویلي، چې ټپیان د درملنې لپاره روغتون ته وړل شوي دي.
د داعش په ګډون هیچا د دې پېښې پړه پر غاړه نده اخیستې.
پولیسو پدې اړه څېړنې پیل کړي دي.
د چارشنبې پر شپه هم د کابل ښار په لویدیځه څنډه کې دوه کاسټر موټر د ماین چاودنو موخه ګرځېدلي وه، چې لس کسان یې وژلي او پېنځلس نور ټپیان دي.
