تازه خبرونه
په پکتیا کې د مولوي جلاالدین حقاني مدرسې د بنسټ ډبره کېښودل شوه

په پکتیا کې د مولوي جلال الدین حقاني د کورنۍ غړیو ویلي؛ په دې ولایت کې به د (حقاني مدرسې) له جوړېدو وروسته هېوادوال نور د دیني زدکړو لپاره ګاونډ هېوادونو ته نه ځي او دینې او عصري زدکړې به همدلته ترسره کیږي.
د مولوي جلال الدین حقاني مدرسه په مرکز ګردېز ښار کې د یوه سوداګر پر مالي لګښت په څلور جریبه ځمکه کې جوړیږي. د دې مدرسې له جوړېدو وروسته به نور افغانان اړ نه وي، چې دیني زدکړو لپاره پاکستان، ایران او سعودي عربستان ته ولاړ شي. په دې مدرسه کې به د دیني زدکړو تر څنګ عصري زدکړې هم ترسره کیږي.
د مولوي جلال الدین حقاني وراره اسحاق حقاني وایي: نور به زدکوونکي نه پاکستان ته ځي، نه ایران ته او نه هم سعودي عربستان ته. په دې مدرسه کې یو داسې بنیاد ږدو، چې انګلیسي، عربي او د نورو ژبو تدریس هم وشي. دلته کمپیوټري زدکړې هم غواړو او هڅه مو دا ده، چې عصري او دیني زدکړې په کې یو ځای شي.
د پکتیا اوسيدونکي د یادې مدرسې له جوړولو خوښ دي او وايي، چې راتلونکي ماشومان به مو وکولی شي په کور د ننه دیني زدکړو ته لاسرسی ومومي او د ټولنې لپاره د خدمت مصدر وګرځي.
د پکتیا اوسيدونکی لالي ځدراڼ ویلي: ډېري ځوانان بې کاره دي او په ټولنه کې د یوه داسې مرکز جوړېدل اړین ول. مونږ مسلمانانو یو او باید، چې دیني زدکړې تر لاسه کړو. نوي ځوانان په کې وروزل شي، چې ټولنې ته خدمت وکړي.
دپکتیا طارق نومی اوسېدونکی وایي: پکتیا ته د اسلامي امارت له راتګ وروسته دا یو لوی اقدام دی. مونږ په پکتیا کې داسې مدرسه نه لرله، چې مونږ په کې خپل ماشومان روزلي وای او نورو هېوادنو ته نه وای تللي. هرڅه مشکل، چې مونږ ته جوړېږي له ګاونډ هېوادونو را جوړېږي دا یو ډېر نیک کار وشو.
دینې عالمان له خلکو غواړي، چې دې مدرسې ته خپل اولادونه ولیږي، چې په هېواد کې دننه په ښه ډول زدکړې تر لاسه کړي.
د پکتیا عالم مولوي احمد وایي: دا یوه ډېره ښه زمینه برابره شوه؛ نور به مونږ د دیني زدکړو مسافر زدکوونکي ونلرو. د دې مدرسې له جوړېدو سره به هېوادوال خپل ماشومان دې مدرسې ته را ولېږي، چې ښې زدکړې تر لاسه کړي.
د مولوي جلاالدین حقاني دیني مدرسه د شمالي وزیرستان په میرانشاه سیمه کې ده، چې زرګونه دیني علمان یې روزلي دي. د حقاني د کورنۍ غړي وايي، چې د دې مدرسې څانګې به د هېواد ډېرو نورو ولایتونو ته هم وغزوي، چې راتلونکي نسلونه پر دینې زده کړو سمبال شي.
تازه خبرونه
په اسلامي امارت کې اطاعت شته او هیڅوک نشي کولی دا نظام ووېشي – متقي
بهرنیو چارو وزارت چارسمبالی(سرپرست) یوه کلتوري پروګرام ته د وینا پرمهال د اسلامي امارت په لیکو کې د هر ډول اختلاف شتون رد کړ او وايي، چې په اوسني نظام کې اطاعت شته او هیڅوک نشي کولی دا نظام ووېشي.

د بهرنیو چارو وزارت چارسمبالی(سرپرست) امیر خان متقي د اسلامي امارت په لیکو کې هر ډول اختلاف ردکړ او وايي، چې په اوسني نظام کې اجماع شته او هیڅوک باید د اختلاف تصور هم ونکړي؛ ځکه، نو هیڅوک نشي کولی دا نظام ووېشي.
بهرنیو چارو وزارت چارسمبالی(سرپرست) یوه کلتوري پروګرام ته د وینا پرمهال د اسلامي امارت په لیکو کې د هر ډول اختلاف شتون رد کړ او وايي، چې په اوسني نظام کې اطاعت شته او هیڅوک نشي کولی دا نظام ووېشي.
امیر خان متقي زیاته کړې؛ په ټولیزه توګه په هېواد کې امنیت شته او خلک باید د هغو کسانو تر اغېز لاندې را نشي، چې د نظام ویجاړول غواړي.
امیر خان متقي د کورنیو چارو وزارت چارسمبالي(سرپرست) سراج الدین حقاني او د اسلامي امارت د دوه نورو غړو پر سر د انعام لغوه کول هم د دوی د نهستړې کیدونکو هڅو پایله ګڼي.
نوموړي زیاته کړې؛ په ټول هېواد کې امنیت شته او مخالفان جغرافیاوي پولې نلري.
هغه ټینګار کوي، چې هېواد له څلورو لسیزو څخه ډېر وخت په بحران کې دی؛ بیا رغونه یې یو ستونزمن او وخت نیونکی کار دی؛ خو اسلامي امارت قوي اراده لري او هیڅوک باید د اسلامي رژیم د مخالفانو د تبلیغاتو تر اغېز لاندې را نشي.
ویل کیږي، چې دا مهال په بهر کې ۴۱ فعال ماموریتونه شتون لري او د نړۍ له بېلابېلو هېوادونو څخه پلاوي افغانستان ته سفر کوي.
تازه خبرونه
خصوصي سکټور د کابل په دهسبز ولسوالۍ کې د صنعتي پارک جوړولو غوښتنه وکړه
د دې وزارت د څرګندونو له مخې؛ په دې لیدنه کې د خصوصي سکټور غړو د کابل ولایت په دهسبز ولسوالۍ کې پر زر جریبه ځمکه د ۱۲ میلیون ډالرو پر پانګونه د خصوصي صنعتي پارک جوړولو ته خپله لېوالتیا څرګنده کړه.

د صنایعو او سوداګرۍ وزارت ویلي، چې د دې وزارت چارسمبالي(سرپرست) نورالدین عزیزي د خصوصي سکټور له یو شمېر غړو سره ولیدل.
د دې وزارت د څرګندونو له مخې؛ په دې لیدنه کې د خصوصي سکټور غړو د کابل ولایت په دهسبز ولسوالۍ کې پر زر جریبه ځمکه د ۱۲ میلیون ډالرو پر پانګونه د خصوصي صنعتي پارک جوړولو ته خپله لېوالتیا څرګنده کړه.
دغه راز ټینګار شوی، چې د دې صنعتي پارک جوړول او فعالول به سلګونو صنعتکارانو ته د فعالیت فرصتونه او زرګونو خلکو ته د کار زمینه برابره کړي.
نورالدین عزیزي د دغو پانګوالو له طرحې هرکلی وکړ او له هغوی یې وغوښتل، چې د صنعتي پارک طرحه د صنایعو او سوداګرۍ له وزارت سره شریکه کړي، چې د پلي کولو لپاره پرې یوه تخنیکي ډله کار وکړي.
د هوا حالاتو بدلونونه
په بیجینګ کې د نړیوالو کنوانسیونونو د چمتووالي په غونډه کې افغان پلاوي ګډون وکړ
دا غونډه د درې اړخیزو کنوانسیونونو له رسمي کنفرانس څخه مخکې د نظرونو د تبادلې او همغږۍ لپاره جوړه شوه، چې ټاکل شوې د ۲۰۲۵ کال د اپریل له اتهویشتمې څخه د می تر دولسمې پورې د سویس په ژنیو کې ترسره شي.

د افغانستان چاپېریال ساتنې ملي ادارې یوه پلاوي، چې مشري یې د دې ادارې مالي او اداري مرستیال سعدالدین سعید لرله؛ د چین په بیجینګ کې د آسیا-پسیفیک سیمهییزې او د باسل، روټرډام او سټاکهولم نړیوالو کیمیاوي کنوانسیونونو د کنفرانسونو د چمتووالي په غونډه کې ګډون وکړ.
دا غونډه د درې اړخیزو کنوانسیونونو له رسمي کنفرانس څخه مخکې د نظرونو د تبادلې او همغږۍ لپاره جوړه شوه، چې ټاکل شوې د ۲۰۲۵ کال د اپریل له اتهویشتمې څخه د می تر دولسمې پورې د سویس په ژنیو کې ترسره شي.
د غونډې په بهیر کې د سټاکهولم کنوانسیون د ملي تطبیقي پلان وړاندې کول، د کنوانسیون صمیمو ته د ۱۰ نویو مادو د اضافه کولو پر وړاندیز غور کول او د کیمیاوي موادو د نړیوال مدیریت په اړه د ملګرو ملتونو د راپور پر تحلیل بحث وشو.
د افغانستان اسلامي امارت پلاوي په خپلو خبرو کې د نړیوالې همکارۍ پر ارزښت ټینګار وکړ او د کنوانسیونونو غړو او د ملګرو ملتونو له چاپېریال پروګرام څخه یې د تخنیکي او مالي ملاتړ د پیاوړتیا غوښتنه وکړه، چې په افغانستان کې د کنوانسیونونو د مقرراتو د پلي کولو بهیر ډېر اغېزمن شي.
همدارنګه پلاوي د باسل، روټرډام او سټاکهولم کنوانسیونونو پر راتلونکو پروګرامونو او په غونډو کې د افغانستان د فعال ګډون پر اړتیا ټینګار وکړ او د نړیوالو چاپېریالي ژمنو پر مسوولیت د پلي کولو لپاره یې خپله ژمنه اعلان کړه.
-
سیمه ییز خبرونه5 days ago
د اټومي انرژۍ په اړه د خبرو ناکامېدا به له ایران سره جګړه شونې کړي – فرانسه
-
سوداگري4 days ago
په تورخم کې د سکینر د تخنیکي ستونزې له کبله پاکستان ته صادرات ودرول شول
-
تازه خبرونه2 days ago
په کاپیسا کې د باغدرې برښنا بند د جوړولو چارې پیل شوې
-
تازه خبرونه4 days ago
پاکستان بنسټیزو اصلاحاتو ته اړتیا لري – خلیلزاد
-
تازه خبرونه4 days ago
د پاکستان کورنیو چارو وزیر د افغان کډوالو په اړه شهباز شریف ته راپور ورکړ
-
نړۍ2 days ago
په امریکا او اروپاکې کې د ټرمپ ضد لاریونونه وشول
-
تازه خبرونه1 day ago
د اختر په ۳ ورځو کې ۱۲ زره ۲۱ سیلانیانو بلخ ته سفر وکړ
-
سیمه ییز خبرونه1 day ago
له افغانستان څخه پاکستان ته دې د غیرقانوني وسلو د قاچاق مخه ونیول شي