Connect with us

تازه خبرونه

په ټوله نړۍ کې سږ کال له ۷۰ ډېر خبریالان وژل شوي

خپور شوی

د

د خبریالانو پر وړاندې د جرمونو د معافیت د پای ته رسولو د نړیوالې ورځې په مناسبت د ملګرو ملتونو عمومي منشي انتونیو ګوترش یوه تویت کړی، چې سږ کال له ۷۰ ډېر خبریالان په ټولنه کې د خپل مهم رول له بله وژل شوي دي.

د نومبر دوه یمه د خبریالانوپر وړاندې د تر سوه شویو جرمونو د معافیت د ختمولو له نړیوالې ورځې سره برابره ده.

ګوترش زیاته کړې؛ د دغو جرمونو ډېرې دوسیې له څېړلو پاتې دي.

د ملګرو ملتونو سرمنشي دا هم ویلي، چې د معافیت اوسنی دود باید پای ته ورسېږي، چې خبریالان وکولی شي خپل لومړیتوبونه پلي او ترسره کړي.

دغه راز په افغانستان کې د ملګرو ملتونو مرستندویه پلاوي یا یوناما ویلي، چې په افغانستان کې رسنۍ له خطر سره مخ دي.

یوناما نن چهارشنبه د لړم ۱۱ تویت کړی: راځئ، چې د خبریالانو پر وړاندې د جرمونو د معافیت د پای ته ورسولو د نړیوالې ورځې په پلمه د رسنیو کارکوونکیو ته درناوی وکړو او د ټولو له حق، عدالت او بشري حقونو څخه دفاع وکړو.

په کابل کې د ملګرو ملتونو مرستندویه دفتر یوناما څرګنده کړې: د ۲۰۲۱ کال له اګست میاشتې راپدیخوا یوناما په افغانستان کې له ۲۰۰ څخه د زیاتو خبریالانو سره د تاوتریخوالي او د هغوی د بشري حقونو څخه د سرغړونې پېښې ثبت کړي دي. په دې کې خپلسري نیول، ناوړه چلند او ګواښونه شامل دي سربېرزه پر دې په افغانستان کې رسنۍ له خطر سره مخ دي.

اسلامي امارت په وار وار د دا ډول څرګندونو په غبرګون کې ویلي، چې اسلامي امارت د رسنیو ملاتړی دی او په کابل کې د اسلامي امارت له واکمنېدو را وروسته په افغانستان کې هیڅ خبریال ندی وژل شوی.

د افغانستان د آزادو خبریالانو د ټولنې مشر حجت الله مجددي ويلي، چې په تېرو شل کلونو کې ۱۲۰ خبریالان وژل شوي او له اسلامي امارت هیله ده، چې د دغو وژنو عاملین د عدالت منګولو ته وسپاري او د رسنیو لپاره د کار خوندي چاپېریال رامنځته کړي.

د یادونې ده، چې تېره ورځ د کابل نیوز تلویزیون له یوې لسیزې وروسته د قتصادي ستونزو له کبله خپلې خپرونې بندې کړې دي.

تازه خبرونه

د حکومت او رسنیو ترمنځ باید واټن نه‌وي –  ستانکزی

شېرمحمد عباس ستانکزي په کابل کې د اسلامي نظام په ټینګښت کې د رسنیو رول تر سرلیک لاندې په یوه سیمینار کې زیاته کړې؛ رسنۍ د نړۍ په تبلیغاتي جګړه کې بنسټیز رول لوبوي او پر اسلامي امارت لازمه ده، چې پرې له فشارونو ډډه وکړي او پرېږدي، چې رسنۍ د هېواد په پرمختګ او هوساینه کې خپل رول په آزاده توګه ولوبوي.

Published

on

د بهرنیو چارو وزارت سیاسي مرستیال شېرمحمد عباس ستانکزي ويلي، له رسنیو باید داسې ملاتړ وشي، چې د حکومت او دوی ترمنځ واټن رامنځته نشي.

شېرمحمد عباس ستانکزي په کابل کې د اسلامي نظام په ټینګښت کې د رسنیو رول تر سرلیک لاندې په یوه سیمینار کې زیاته کړې؛ رسنۍ د نړۍ په تبلیغاتي جګړه کې بنسټیز رول لوبوي او پر اسلامي امارت لازمه ده، چې پرې له فشارونو ډډه وکړي او پرېږدي، چې رسنۍ د هېواد په پرمختګ او هوساینه کې خپل رول په آزاده توګه ولوبوي.

نوموړي په دې اړه ویلي: " د دوی (رسنیو) ستونزې باید واورېدل شي، د دوی غږ باید واورېدل شي، د دوی لپاره باید داسې چاپېریال برابر شي، چې په ازاده توګه خپل کارونه ترسره کړي."

ستانکزي زیاته کړې، د هېواد د رسنیو په اړه باید داسې نظر وي، چې دواړه لوري یو بل ته د اجنبی په سترګه ونه‌ګوري او اسلامي امارت پر رسنیو له فشار راوړلو ډډه وکړي او رسنیو ته اجازه ورکړي، چې په خلاص لاس کار وکړي.

د اطلاعاتو او فرهنګ وزارت مسوولينو هم په دې سيمينار کې ويلي، چې له ازادو رسنيو سره يې د ټکر لار نده غوره کړې او دغه وزارت له دوى سره هر راز همکارۍ ته ژمن دى.

د سیمینار برخه‌والو له رسنیو هم وغوښتل، چې نړۍ ته د افغانستان د مثبت انځور په ځلولو او انعکاس کې له هیڅ راز هڅې ډډه ونکړي.

دا سیمینار په داسې حال کې جوړیږي، چې رسنۍ د ملي ګټو او اسلامي ارزښتونو په چوکاټ کې د بیان ازادۍ او مثبتو فعالیتونو انعکاس ته ژمنې دي.

Continue Reading

تازه خبرونه

له ازبکستان سره د ۲۰۲۵ ز.کال لپاره د برښنا د پېرودلو تړون لاسلیک شو

دغه تړون تاشکند ته د دغه شرکت د عمومی رییس عبدالباری عمر پر مشرۍ د اسلامی امارت د پلاوي له سفر او د دغه هېواد له چارواکو سره له خبرو اترو وروسته لاسلیک شو.

Published

on

د افغانستان برښنا شرکت څرګنده کړې، چې له ازبکستان سره د ۲۰۲۵ ز. کال لپاره د برښنا د پېرودلو تړون لاسلیک شوی دی.

دغه تړون تاشکند ته د دغه شرکت د عمومی رییس عبدالباری عمر پر مشرۍ د اسلامی امارت د پلاوي له سفر او د دغه هېواد له چارواکو سره له خبرو اترو وروسته لاسلیک شو.

د افغانستان برښنا شرکت ویاند حکمت الله میوندي ویلي: " د افغانستان برښنا شرکت عمومي رییس د یوه پلاوي پر مشرۍ ازبکستان ته تللی و او په ازبکستان کې یې د برښنا له مسوولانو سره په کتنه کې د ۲۰۲۵ ز.کال لپاره د برښنا د پېرودلو تړون لاسلیک کړ."

یو شمېر پانګوال له اسلامي امارت څخه غواړي؛ د ۵۰۰ کیلو ولټ برښنا په اړه دې له ازبکستان سره خبرې وکړي او دغه پروژه ژر تر ژره بشپړه کړي، چې په هېواد کې د برښنا د کمښت ستونزې یوه برخه اواره شي.

د افغانستان برښنا شرکت ویلي، چې افغان پلاوي له ازبکستاني چارواکو سره د ۵۰۰ کیلو ولټ برښنا د لېږد پروژې په اړه، چې د سرخان- پلخمري- دشت الوان څخه د کابل تر ارغندي او د ننګرهار شیخ مصري ته، چې د ۸۰۰ څخه تر ۱۰۰۰ میګاواټه برښنا د لېږد ظرفیت لري په اړه هم خبرې کړې دي.

Continue Reading

تازه خبرونه

څار: د مهاجرو نولواله ورځ

Published

on

Continue Reading
Advertisement

Trending

Copyright © 2024 Ariana News. All rights reserved!