تازه خبرونه
په هلمند کې د القاعده ۱۱ غړي بمبارد شوي
(Last Updated On: )
د افغانستان د ملي دفاع وزارت ویلي، چې په هلمند ولایت کې د افغان ځواکونو په هوایي برید کې لږ تر لږه د القاعده ۱۱ او د طالبانو دوه جګپوړي غړي وژل شوي دي.
د یاد وزارت د څرګندونو له مخې، دا هوایي بریدونه په ناوه ولسوالۍ کې ترسره شوي دي.
دغه وزارت دا هم ویلي، چې په هلمند کې د القاعده دغو جنګیالیو طالبانو ته د بمونو د جوړولو روزنه تر سره کوله.
وزارت ویلي؛ مسعود احمد نومي په هلمند کې د القاعده جنګیالیو لپاره مرسته کوونکی و، چې د هوایي برید په پایله کې یو وژل شوی هم همغه دی.
طالبانو تر دې دمه په دې اړه څه ندي ویلي.
دا په داسې حال کې ده، چې وزارت د شنبې پر ورځ څرګنده کړې وه، چې د هلمند ولایت په ناوه ولسوالۍ کې ۴ القاعده او ۱۵ طالب جنګیالي وژل شوي دي.
