تازه خبرونه
په ننګرهار کې ناڅرګندو وسلوالو خبریاله ملاله میوند او د هغې موټر چلوونکی وژلي
په ننګرهار کې د ناپېژاندو وسلوالو لخوا د خصوصي تلویزیون خبریاله ملاله میوند له خپل موټر چلوونکي سره وژل شوي دي.
ملاله میوند د انعکاس خصوصي رادیو تلویزیون خبریاله نن سهار( پنجشنبه د لیندۍ ۲۰) د ننګرهار ولایت د مرکز جلال آباد ښار د درېیمې ناحیې د عربانو په اړوند سیمهکې کې د ناپېژندو وسلوالو لخوا وژل شوې ده.
د ننګرهار سیمه ییزو چارواکو د پېښې پخلی کړی او وایي، چې ملالۍ میوند او د هغې موټر چلوونکی نن سهار د نامعلومو کسانو لخوا هغه مهال ووژل شول، چې د دندې پر لوري روان ول.
د کورنیو چارو وزارت ویاند طارق آرین په یوه ټویټ کې ویلي: له بده مرغه په تېره یوه نیمه لسیزه کې د طالبانو لخوا ډېري خبریالان وژل شوي دي.
تر دې دمه هیچا د برید مسوولیت ندی منلی.
دا په داسې حال کې ده، چې یوه میاشت مخکې د آزادۍ راډیو خبریال الیاس داعي د هلمند ولایت په مرکز لښکرګاه کې د نښلیدونکي ماین پر چاودنه شاوخوا یوه اوونۍ وروسته ترې یما سیاوش پخوانی خبریال په ورته چاودنه کې وژل شوي، چېپړه یې تر دې دمه چا پر غاړه نده اخیستې.
