تازه خبرونه
په ننګرهار کې له ترافيکي پېښې ۱۰ کسانو ته مرګ و ژوبله اوښتې
(Last Updated On: )
د ننګرهار ولايت د مرکز جلال آباد ښار د شپږمې ناحیي د اړوند سیمې په حلقوي سړک کې له ترافيکي پېښې ۸ کسان مړه شوي او دوه نور ټپیان دي.
امنیتي سرچینو ویلي؛ د دوشنې پر ماښام شاوخوا شپږ بجې د کرولا او ډاټسن موټر د جنګيدو په پېښه کې څلور میرمنې، درې نرينه او يو ماشوم مړه شوي او د يو نرينه او يوې ميرمن په ګډون دوه نور ټپیان دي.
د جلال آباد ښار د ترافيکو مدير جواد شېرزاد زیاته کړې؛ ټپيان د درملنې لپاره حوزوي روغتون ته لېږدول شوي دي.
د عامې روغتيا مسوولينو ويلي؛ د پېښې له ځايه ورته درې جسدونه او دوه ټپيان وروړل شوي دي.
