په ننګرهار کې د تازه مېوو او سابو صادروونکي پاکستان ته د صادراتو له بهیره اندېښمن دي

د ننګرهار د تازه مېوو او سابو صادرونکي وايي، پاکستان ته د خپلو توکو د صادرولو په برخه کې له ګڼو ستونزو سره مخ دي.

په ننګرهار ولايت کې د ميوو او سابو سوداګر او کاروباریان نيوکه کوي، چې د پاکستان حکومت د حاصلاتو د صادریدو پرمهال خنډونه جوړوي، چې کبله يې افغانان زیان ويني. 

د تورخم دروازې بندیدل او وخت ناوخت په غیر قانوني ډول پر افغان صادراتو د لوړو ټکسونو وضع کول هغه څه دې، چې دوی یې له سرخوږي سره مخ کړي دي.

د ختیځې سیمې او د هېواد د يو شمېر نورو ولایتونو تازه میوې او سابه ډېر کله د ننګرهار اړوند د تورخم له لارې پاکستان ته صادریږي.

 په ننګرهار کې سوداګرد پاکستان پر حکومت نیوکه کوي، چې د اپټا د قانون خلاف د سوداګريزو مالونو د راکړي ورکړې پر وړاندي خنډونه جوړ وي او وخت ناوخت د سياسي کشمکشونو له کبله د تورخم لار د وارداتو او په ځانګړي ټوګه د تازه میوو او سایو د صادراتو پرمهال تړي، چې له کبله يې سوداګر او کاروباریان ميليونه افغانۍ زيان ويني.

دوی همدراز له حکومته غواړي، چې د دغو زیانونو د مخنيوي لپاره پر کور دننه سړې خونې جوړي کړي.

دغه سوداګرو تل له حکومتونو غوښتي؛ سوداګري دې له سیاست څخه جلا کړي، چې د دواړو خواوو سوداګر او ځایي خلک له زیاننېدو وژغورل شي.

د سابو او میوو د اتحاديې مسوولین د پاکستان د حکومت له دې کړنو سرټکوي او وايي؛ وخت ناوخت د حاصلاتو پرمهال د تورخم دروازې د بندیدو له کبله ورته مالي زیان اوړي.

د ننګرهار د اطلاعاتو او کلتور رياست د اطلاعاتو آمر صدیق الله قریشي بدلون مسوولين تریوه بریده د سوداګرو له لورې ياده شوې  دغه  ستونزه مني او زیاتوي هر کله، چې کومه ستونزه رامنځته شوې دوی پروخت لازم اقدامات ترسره کړي دي.

نوموړي زیاته کړې؛ ولایتي اداره هڅه کوي، چې کورنیو سابو او میوو د ساتنې لپاره به سړې خونې جوړي کړي.

د نوموړي د څرګندونو له مخې؛ په دې اړه ولایتي چارواکو له يو شمېر سوداګرو سره ګډې ناستې هم کړي، چې پانګونه وکړي او د زون پر کچه درې یا څلور سړې خونې جوړي کړي.

ویل کیږي، چې پاکستان تل هڅه کوي د تورخم دروازې څخه پر افغان حکومت د فشار د الې په توګه ګټه واخلي.

ادوند خبرونه: 

پاکستان له افغانستان څخه د کرنیزو محصولاتو پر وارداتو ټینګار څرګند کړ

پاکستان پر افغان مېوو خپله ګمرکي تعرفه کمه کړه