د صنایعو او سوداګرۍ وزارت اعلان کړې، چې د دې وزارت چارسمبالي د خصوصي سکټور د ملاتړ صندوق د رهبرۍ کمیټې په لومړۍ ناسته کې د هېواد په بندرونو کې د سکنرونو پر لګولو ټینګار کړی دی.

د افغانستان د صنایعو او سوداګرۍ وزارت د سې شنبې (د چنګاښ پېنځمه) په خبرپاڼه کې خبر ورګړی، چې د خصوصي سکټور د ملاتړ لومړنۍ غونډه په کابل کې جوړه شوه.

په دې غونډه کې د صنايعو او سوداګرۍ وزارت چارسمبالي نورالدين عزيزي د ​​دغې کميټې پر عملي فعاليتونو د ټينګار تر څنګ ويلي، چې زمونږ لومړيتوب د هېواد په بندرونو کې د سکنرونو پېرودل او لګوول دي، چې د توکو د وارداتو او صادراتو په برخه کې اسانتياوې رامنځته شي.

په دې کتنه کې د خصوصي سکټور د ملاتړ صندوق د تمویل پر میکانیزم او د لګښت څرنګوالي، د وارداتو او صادراتو د فیسونو د راټولولو لپاره په ګمرکونو کې د ځانګړي کوډ جوړولو او د دې صندوق لپاره د بانکي حسابونو پرانیستلو بحث وشو.

دغه راز په دې ناسته کې د اړوند څانګو او سکټوري خونو له‌خوا رهبري کميټې ته د ورپېژندل شويو غړیو پر دايمي غړيتوب د ټينګار تر څنګ د پروژو د پيلولو پرېکړه هم وشوه.

د دې وزارت د خبرپاڼې په پای کې راغلي، چې د خصوصي سکټور د ملاتړ صندوق د تمویل میکانیزم او د لګښت بڼه په څلورو فصلونو او ۱۷ مادو کې ترتیب او وروستۍ شوې ده.

اړوند خبرونه: 

د خصوصي سکتور د ملاتړ صندوق پرانستل شو

د افغانستان په ۱۲ ګمرکي بندرونو کې د برښنایي سکنرونو لګولو طرحه و منل شوه

د صنایعو او سوداګرۍ وزارت چارسمبالي ويلي؛ د صنعتي پارکونو قانون د اسلامي امارت د رهبر له لوري لاسلیک شوی او په نږدې راتلونکي کې به خصوصي سکټور ته د ځمکو د وېش بهیر پیل شي.

د ” پر ننګونو او فرصتونو د خصوصي سکټور خبرې ” تر سرلیک لاندې پروګرام کې نورالدین عزیزي له ملګرو ملتونو وغوښتل، چې په افغانستان کې د لویو او نیمګړو پاتې پروژو د بنسټیزو کارونو او پانګونې په اړه فکر وکړي او له نړیوالې ټولنې سره د افغانستان بانکي ستونزې حل کړي.

نوموړی د نړۍ بشردوستانه مرستې د افغانستان د ستونزو د حل لار نه‌ګڼي او دا یو ډول سوداګري ګڼي، چې د افغانانو بې‌وزلي زیاتوي.

نورالدین عزیزي ویلي: ملاتړ دا ندی، چې مونږ راشو، راټول شو او انځورونه واخلو او نړیوالې ټولنې ته یې وړاندې کړو، چې مونږ کار وکړو؛ دا کار ندی. باید بنسټیز ملاتړ وکړو.

د صنایعو او سوداګرۍ وزارت چارسمبالي ویلي؛ د صنعتي پارکونو قانون د اسلامي امارت د رهبر له لوري لاسلیک شي او په نږدې راتلونکي کې به خصوصي سکټور ته د ځمکو د وېش بهیر پیل شي.

هغه ویلي؛ دا د خصوصي سکټور لپاره ښه خبر دی. ان‌شاالله په راتلونکي کې به د ځمکې وېش پیل شي. شاوخوا ۶۰۰ غوښتونکي غواړي، چې په بېلابېلو زونونو کې فابریکې جوړې کړي.

د ملګرو ملتونو د عمومي منشي د مرستیالۍ دفتر یا یوناما ویلي، چې له تېرو درې کلونو راپدیخوا افغانستان له اقتصادي رکود سره مخ دی. د یوناما مرستیال د افغانستان د ځان‌بسیاینې لپاره د خصوصي سکټور ملاتړ اړین ګڼي. هغه په ​​دې کتنه کې له نړيوالې ټولنې وغوښتل، چې د افغانستان له خصوصي سکټور څخه تر بشپړ برياليتوبه ملاتړ وکړي.

په افغانستان کې د ملګرو ملتونو د بشري مرستو همغږي کوونکې انډریکا رټواټه ویلي: د افغانستان خلک باید د ځان‌بسیاینې پر لوري حرکت وکړي او پخپلو پښو ودریږي. خصوصي سکټور زمونږ لپاره د ځان‌بسیاینې پر لور مهم رول لوبوي. له بده مرغه مونږ وینو، چې افغانستان له تېرو درې کلونو راپدیخوا له اقتصادي رکود سره مخ دی. دا زمونږ د ټولو مسوولیت دی، چې د افغانستان خصوصي سکټور د بریا لوړو پوړیو ته ورسوو.

د خصوصي سکټور استازو هم په افغانستان کې د ملګرو ملتونو له‌خوا په لویو او بېخبنایي پروژو کې پر پانګونې ټینګار وکړ. دوی له ملګرو ملتونو وغوښتل، چې د بانکي ستونزو ترڅنګ د افغانستان د خصوصي سکټتور ستونزې له هېواده بهر حل کړي.

د سوداګرۍ او پانګونې خونې مرستیال یونس مومند ویلي: راځئ، چې د پیسو د لېږد په برخه کې زمونږ بانکي ستونزې اوارې شي؛ ځکه له ګاونډ هېوادونو څخه ته ۱۰۰ زره ډالر پر ۲۰۰ دالرو لېږدول کیږي. په افغانستان کې دا لګښت ۲۰۰۰ ډالر دی. دغه راز د کوچنیو پورونو په برخه کې هم باید له مونږ سره بشپړه همکاري وشي.

ویل کیږي، چې څه باندې ۱۰۰۰ خصوصي شرکتونو ته د فعالیت جوازونه وېشل شوي دي.

اړوند خبرونه:

د صنایعو او سوداګرۍ وزارت چارسمبالي د تاتارستان له ولسمر سره وکتل

ماليزيايي پانګوال دې په افغانستان کې پانګونه وکړي – عزيزي

نن دوشنبه د چنګاښ څلورمه د جنوبي افریقا یوشمېر پانګوالو، عالمانو او د روغتیا برخې متخصصینو په کابل کې د ریاست الوزراء له اقتصادي مرستیال ملا عبدالغني برادر اخوند سره وکتل.

 د ریاست الوزراء اقتصادي مرستیالۍ ویلي، چې د دې لیدنې پر مهال د جنوبي افریقا پانګوالو د کانونو په سکټور کې پانګونې ته لېوالتیا وښوده او وایي، چې دوی به د پرمختللې ټکنالوژۍ پر مرسته کانونه استخراج اود پروسس چارې ترسره کړي.

دغه راز د جنوبي افریقا روغتیایي څانګوالو ویلي؛ دوی د افغانستان له عامې روغتیا وزارت سره د همغږۍ له مخې غواړي، چې په افغانستان کې د روغتیایي سکټور د ملاتړ لپاره یو معیاري او مجهز روغتون جوړ کړي، چې افغانانو ته په ښه ډول روغتیايي خدمتونه وړاندې شي.

همدارنګه د ریاست الوزراء اقتصادي مرستیال ملا عبدالغني برادر اخوند د جنوبي افریقا پانګوالو، عالمانو او روغتیایي څانګوالو ته د هر ډول همکارۍ او ملاتړ ډاډ ورکړ او وایي، چې اوسمهال په افغانستان کې د پانګونې لپاره ښه زمینه برابره شوې او ټول کورني او بهرني پانګوال کولی شي له دې فرصت څخه ګټه پورته کړي.

دغه راز تېره ورځ روسي پانګوالو د کانونو او پټرولیم وزارت چارسمبالي شهاب الدین دلاور سره په لیدنه کې د افغانستان د بلخاب پر مسو پانګونې ته لېوالتیا ښکاره کړې ده.

په دې کتنه کې روسي پانګوالو د پانګونې لپاره فرصتونه مناسب وګڼل او د افغانستان د بلخاب د مسو په کان کې یې د پانګونې لپاره له دې وزارت څخه د همکارۍ غوښتنه وکړه.

په دې ناسته کې د کانونو وزارت چارسمبالي ویلي؛ اسلامي امارت د بهرنیو پانګوالو د پانګې د جلب او جذب لپاره خوندي امنیت او مناسب کاري چاپېریال هغه اسانتیاوې یادې کړې، چې اسلامي امارت ورته برابرې کړي او دوی کولی شي د افغانستان په کاني زېرمو کې د پانګونې له شرایطو سره سمه پانګونه وکړي.

دا په داسې حال کې ده، چې اسلامي امارت په کانونو کې د بهرنۍ پانګونې د راجلبولو لپاره خپلې هڅې ګړدۍ کړې دي.