تازه خبرونه
په نايجریا کې وسلوالو بريدکوونکیو لسګونه کسان وژلي
د نایجریا پر دوه کلیو د وسلوالو په برید کې لږ تر لږه ۷۹ کسان وژل شوي دي.
دا پېښه پرون له مالي سره د نایجریا په سرحدي سیمو کې رامنځته شوې ده.
رویټرز د نایجریا د یوې امنیتي سرچینې د څرګندونو له مخې ویلي، چې د دغه هېواد د چومبنګو په اړوند کلي کې شاوخوا ۴۹ کسان وژل شوي او ۱۷ نور ټپیان دي. په داسې حال کې، چې د دوه یم کلي زارومدري د اړوند سیمې لږ تر لږه ۳۰ کسان وژل شوي دي.
د نایجریا حکومت ویلي، چې پوځ په دواړو سیمو کې ځای په ځای شوی دی.
تر دې دمه هیچا د برید پړه نده منلې.
دغه راز د بي بي سي د څرګندونو له مخې؛ تېره اوونۍ په مالي کې د القاعدې جنګیالیو پر فرانسوي سرتېرو برید کړی و.
په کابل کې د فرانسې سفارت ویلي، چې له تېرو څو ورځو راپدیخوا د آفریقا د ساحلي سیمې لږ تر لږه پېنځه فرانسوي سرتېري وژل شوي دي.
فرانسه اوسمهال د ساحل په شاوخوا سیمو کې د افراطي ډلو پر وړاندې د لویدیځې آفریقا او آروپایي هېوادونو د ائتلاف مشري پر غاړه لري.