لوبی
په قطر ۲۰۲۲ نړیوال جام کې د کروشیا ملي لوبډلې درېیم ځای خپل کړ
د قطر د ۲۰۲۲ نړیوال جام د غوراوي په سیالیو کې د کرویشیا د فوتبال ملي لوبډلې وکولی شول، چې د مراکش لوبډلې ته ۲:۱ پر توپیر ماتې ورکړي.
دا سیالي د شنبې پر ورځ د دسمبر ۱۷ د خلیفه په نړیوال لوبغالي کې د ماښام پر ۷ بجو پیل شوه.
د کروشیا لوبډلې غړي ګواردیول د لوبې په اوومه دقیقه کې لومړی ګول وواهه او بیا په نهمه دقیقه کې “دري” د مراکش لپاره ګول ترسره کړ.
لوبه د لومړۍ نیمايي تر وروستیو دقیقو پورې مساوي روانه وه؛ خو اورسیچ په ۴۲ دقیقه کې د کروشیا لپاره دوه یم ګول وواهه.
لوبه په دوه یمه نیمايي کې هم له همدې پایلې سره پای ته ورسیده او کروشیا وکولی شول، چې د ۲۰۲۲ کال په نړیوال جام کې درېیم ځای خپل کړي او مراکش بریالی شو، چې د نړیوال جام څلورمه لوبډله اعلان شي.
د یادولو وړ، چې د ۲۰۲۲ ز. کال د قطر فوتبال نړیوال جام وروستۍ لوبه سبا شپه د ارجنتاین او فرانسې د فوتبال ملي لوبډلو ترمنځ ترسره کیږي.
