تازه خبرونه
په عشق آباد کې د افغانستان سفارت ته نوی چارسمبالی وروپېژندل شو
(Last Updated On: )
د افغانستان بهرنیو چارو وزارت څرګنده کړې؛ پرون د ترکمنستان په پلازمېنه، عشق آباد ښار کې د اسلامي امارت د سفارت نوی چارسمبالی فضل محمد صابر خپلو همکارانو ته وروپېژندل شو.
د سرچینې د څرګندونو له مخې؛ په دې مراسمو کې د سفارت پر ډیپلوماټانو او ځايي عامو افغانانو او سوداګرو سربېره د ترکمنستان د بهرنیو چارو وزارت مرستیال محترم وفا حاجیوف او همکارانو یې هم ګډون کړی و.
ښاغلي حاجیوف ویلي؛ مونږ راغلي یو، چې له اسلامي امارت سره خپله دوستي او ورورګلوي ثابته او ترې ملاتړ څرګند کړو. مونږ سترې پروژې لرو؛ ټاپ، ټاپي او کاسا زر، چې د سفارت په همکارۍ به یې پلي کولو ته هڅې کوو.
فضل محمد صابر د کوربه هېواد استازیو او افغانانو ته ډاډ ورکړ، چې افغان سفارت به په ټول توان ټول هغه خدمات، چې د سفارت د دندو په لایحه کې دي په بشپړ تعهد او اخلاص تر سره کړي.
