سوداگري
په روان کال کې د ډالرو پر وړاندې د افغانۍ ارزښت ۱۵ اعشاریع ۴۲ سلنه لوړ شوی
(Last Updated On: )
د افغانستان بانک لومړي مرستیال ويلي، د تېر کال پر پرتله سږ کال د ډالر پر وړاندې د افغانیو بیه ۱۵ اعشاریه ۴۲ سلنه لوړه شوې ده.
د افغانستان بانک لومړي مرستیال نوراحمد اغا زیاته کړې، چې سږ کال نوي بانکنوټونه چاپ شوي او ډېري یې هېواد ته رالېږدول شوي او د بازار د اړتیاوو او پولي سیاستونو له مخې به وړاندې شي.
د نوموړي د څرګندونو له مخې؛ له تېر يوه کال راپدیخوا د هېواد په پېنځه زونونو کې د څلور اعشاریه اووه ميليارډ افغانيو پر ارزښت زاړه بانکنوټونه له منځه وړل شوي دي.
