تازه خبرونه
په دوحه کې د افغانستان په اړه درېیمه ناسته پیل شوه
د ملګرو ملتونو د عمومي منشي مرستیاله روزماري ډیکارلو ویلي: زه خوشاله یم، چې په دې غونډه کې له مونږ سره اړوند پلاوي شته او واکمنو چارواکو د لومړي ځل لپاره له مونږ ګډون کړی دی.
![](https://www.ariananews.af/wp-content/uploads/2024/06/Doha-meeting.jpg)
نن یکشنبه د چنګاښ لسمه د ملګرو ملتونو پر کوربتوب د یو شمېر هېوادونو د ځانګړو استازو پر ګډون د دوحې درېیمه ناسته پیل شوه او دوه ورځې به روانه وي.
د ملګرو ملتونو په دې دوه ورځنۍ غونډه کې به د بانکي او مالي وضعیت او له نشهيي توکو سره پر مبارزه خبرې وشي.
د ملګرو ملتونو د عمومي منشي مرستیاله وايي، خوشاله ده، چې په دې غونډه کې د اسلامي امارت استازو ګډون کړی دی.
د دې ناستې په څنډه کې د اسلامي امارت د مرکچي پلاوي مشر ذبیح الله مجاهد د روسیې، ازبکستان او هند له استازو سره وکتل او دغو هېوادونو د اسلامي امارت له دریځه خپل ملاتړ څرګند کړ.
د ملګرو ملتونو د عمومي منشي مرستیاله روزماري ډیکارلو ویلي: زه خوشاله یم، چې په دې غونډه کې له مونږ سره اړوند پلاوي شته او واکمنو چارواکو د لومړي ځل لپاره له مونږ ګډون کړی دی.
د ملګرو ملتونو په دې دوه ورځنۍ ناسته کې به د افغانستان لپاره د یو شمېر هېوادونو ځانګړي استازي د اسلامي امارت له پلاوي سره د خصوصي سکټور د پیاوړتیا او له نشهیي توکو سره د مبارزې په برخه کې خبرې وکړي.
په قطر کې د اسلامي امارت د سیاسي دفتر مشر سهیل شاهین ویلي: له کابل څخه رښتیني حقایق نه ځلیږي. اوس هم که کابل ته لاړ شئ وبه ګورئ، چې نجونې په دارالعلومو کې زدهکړې کوي.
دغه راز د دې ناستې په څنډه کې د اسلامي امارت د مرکچي پلاوي مشر ذبیح الله مجاهد د روسیې، ازبکستان او هند له استازو سره وکتل او دغو هېوادونو د اسلامي امارت له دریځه خپل ملاتړ څرګند کړ. په دغو ناستو کې د افغانستان او دغو هېوادونو ترمنځ د اړیکو پر پراختیا خبرې وشوې.
د ریاست الوزراء سياسي مرستيال هم د اسلامي امارت ګډون د یوه مسوول حکومت په توګه د ارزښت وړ یاد کړ او وایي؛ دا ډول غونډې له نړۍ سره د خبرو اترو او تعامل یو ښه فرصت دى.
اړوند خبرونه:
ډېري هېوادونه له اسلامي امارت سره د اړیکو پراختیا ته لېواله دي
تازه خبرونه
ډېري هېوادونه له افغانستان سره د مرستې او همکارۍ اراده لري – ذبیح الله مجاهد
د اسلامي امارت ویاند وايي، چې د دوحې په درېیمه ناسته کې پر دوه مسایلو خبرې وشوې؛ له خصوصي سکټور سره څنګه مرسته او همکاري وشي، په کومو برخو کې همکاري وشي او دا، چې په دې برخه کې ننګونې څه دي؟ او همدارنګه د نشهیي توکو پر وړاندې د مبارزې او د نشهیي توکو د مخنیوي په برخه کې، چې څه شوي، کومې لاسته راوړنې لري او کومې ننګونې شتون لري.
![](https://www.ariananews.af/wp-content/uploads/2023/07/zabiullah-mujahid.jpg)
د اسلامي امارت ویاند ذبیح الله مجاهد د دوحې د درېیمې ناستې له پای ته رسېدو وروسته آریانانیوز ته د دې ناستې د پایلې په اړه ویلي، چې په دې ناسته کې یو درک شو، چې اکثره هېوادونه له افغانستان سره د مرستې او همکارۍ اراده لري.
ذبیح الله مجاهد زیاته کړې؛ هیچا ته به اجازه ورنکړو، چې زمونږ په کورنیو چارو کې لاسوهنه وکړي.
هغه په دې اړه ویلي: د افغانستان پر هوايي حریم د الوتکو ګزمه ښکاره تېری دی او مونږ یې غندو او پر هر دلیل، چې وي نه یې منو.
د مجاهد د څرګندونو له مخې: د هېواد ځینې داخلي مسایل شته او پر وینا یې خلک حق لري، چې له خپل نظام او حکومت څخه یې وغواړي او موږ نه غواړو، چې دا غوښتنې د نورو هېوادونو له لوري مطرح شي.
د اسلامي امارت ویاند وايي، چې د دوحې په درېیمه ناسته کې پر دوه مسایلو خبرې وشوې؛ له خصوصي سکټور سره څنګه مرسته او همکاري وشي، په کومو برخو کې همکاري وشي او دا، چې په دې برخه کې ننګونې څه دي؟ او همدارنګه د نشهیي توکو پر وړاندې د مبارزې او د نشهیي توکو د مخنیوي په برخه کې، چې څه شوي، کومې لاسته راوړنې لري او کومې ننګونې شتون لري.
نوموړي زیاته کړې: د بدیل کښت مسله، چې یوه ډېره اړینه موضوع ده خلکو ته وړاندې کیږي؛ ځکه، چې افغانانو د نشهیي توکو پر وړاندې په مبارزه کې ډېر زیان لیدلی او خلکو ته میلیونونه ډالر زیان اوښتی دی. افغانان بېوزله خلک دي او په ټولنه کې بېکاري ډېره ده، چې دې هدف ته د رسېدو لپاره باید یو اقتصادي میکانیزم جوړ شي.
دغه راز په قطر کې د اسلامي امارت د سیاسي دفتر مشر سهیل شاهین ویلي، چې د دوحې د درېیمې ناستې اجنډا له مخکې معلومه وه.
د سهیل شاهین د څرګندونو له مخې: په اجنډا کې د خصوصي سکټور د ملاتړ څرنګوالی او د نشهیي توکو د کښت او قاچاق په مخنیوي کې مرسته شامله وه او پر دې دواړو بحث وشو.
شاهین زیاته کړې، چې د دوحې د درېیمې ناستې ګډونوالو له یادو موضوعاتو خپل ملاتړ اعلان کړ.
اړوند خبرونه:
د اسلامي همکاریو ټولنې له اسلامي امارت سره د رغنده تعامل غوښتنه وکړه
د پالیسیو په اړه اختلاف طبیعي دی او لګېدلي بندیزونه باید لرې شي – ذبیح الله مجاهد
تازه خبرونه
په کانکور ازموینه کې د ګډون لپاره د هلمند ولایت یو ۵۶ کلن خپل نوم ثبت کړ
د هلمند پوهنتون اداري مرستیال سمیع الله سعید آریانانیوز ته ویلي؛ په سږنۍ کال د کانکور ازموینې ترټولو ډیر عمر لرونکي ګډوال به همدا سیدولي اکا وي.
![](https://www.ariananews.af/wp-content/uploads/2024/07/Kankor-Helmand.jpg)
د ازموینې ملي ادارې ویلي؛ په هلمند ولایت کې سیدولي نومی، چې د بست کلا د سیمې اوسېدونکی دی تازه له ښونځي فارغ شوی او د لوړو زدهکړو لپاره یې کانکور ازموینې ته خپل نوم ثبت کړ.
د هلمند پوهنتون اداري مرستیال سمیع الله سعید آریانانیوز ته ویلي؛ په سږنۍ کال د کانکور ازموینې ترټولو ډیر عمر لرونکي ګډوال به همدا سیدولي اکا وي.
نوموړی په ۵۶ کلنۍ کې د شپې ښوونځي څخه فارغ شوی او وایي خوښ یم، چې اوس راته د لوړو زدهکړو زمینه برابره شوې او غواړم خپلې زدهکړې بشپړې کړم.
د دې ادارې رییس عبدالباقي حقاني ويلي، چې د کانکور ازموینه په شفاف ډول اخیستل کېږي او هڅه کوي، چې پوهنتونونو ته نور ډېر فارغان جذب کړي.
د کانکور په سږنۍ ازموینه کې د کابل له مرکز او ولسواليو څخه د دولسمو ټولګيو ١٥زره فارغانو برخه اخيستې وه؛ خو نجونو په ګډون نه درلود.
په کابل کې د کانکور ازموینې یو شمېر ګډونوال له اسلامي امارت څخه غوښتنه کوي، چې د نجونو لپاره هم د زدهکړو او تعلیم زمینه برابره کړي.
له دې وړاندې د ازموینو ملي کمېټې اعلان کړی و، چې د ۱۴۰۳ ملي کانکور ازموینه په پېنځه پړاوونو کې اخیستل کېږي.
په کابل کې له دوه یم پړاو وروسته درېیم پړاو د سرطان پر اوومه او اتمه، څلورم پړاو یې د همدې میاشتې پر څوارلسمه او د ازموینې وروستی پړاو متفرقه ازموینه ده، چې له داوطلبانو څخه اخیستل کېږي.
تازه خبرونه
په دوحه کې د مدني ټولنو د ګډونوالو نومنه پټ وساتل شول
سرچينو ویلي، چې زهرا بهمن او مېرمن سبا د دوحې د درېيمې غونډې په څنډه کې له ډیپلوماټیک استوکنځي څخه څو کيلومټره لرې لیدل شوي، چې په اړوند ناسته کې به ګډون ولري.
![](https://www.ariananews.af/wp-content/uploads/2024/07/Doha-Meeting.jpg)
ملګرو ملتونو د دوحې د درېیمې غونډې په څنډه کې د مدني ټولنې د غړیو د نومونو له په ډاګه کولو ډډه کړې.
سرچينو ویلي، چې زهرا بهمن او مېرمن سبا د دوحې د درېيمې غونډې په څنډه کې له ډیپلوماټیک استوکنځي څخه څو کيلومټره لرې لیدل شوي، چې په اړوند ناسته کې به ګډون ولري.
د دوحې درېیمې غونډې ته د رابلل شویو هېوادونو لوی اکثریت هم د افغانستان د مدني ټولنې غړیو په دې غونډه کې له ګډون څخه ډډه کړې ده.
تر دې دمه رسنیو ته هم د مدني ټولنې له غړیو څخه د لیدنې اجازه ورکړ شوې نده.
اړوند خبرونه:
د ښځو د حقونو په اړه د م.م وروستی راپور د ذهنونو د خرابولو یوه بله هڅه ده
-
لوبی4 days ago
هند او سویلي افریقا د کرکټ ۲۰ اوریز نړیوال جام پایلوبې ته لار پیدا کړه
-
لوبی3 days ago
د افغانستان فوټسال لوبډله په دوستانه سیالیو کې له مراکش سره لوبیږي
-
تازه خبرونه4 days ago
له افغانستان څخه د امریکايي ځواکونو وتل امریکا ته له شرمه ډکه تاریخي پېښه وه – ټرمپ
-
لوبی2 days ago
کوهلي په ۲۰ اوریز نړیوال جام کې د هندوستان له اتلولۍ وروسته استعفا وکړه
-
سیمه ییز خبرونه4 days ago
د ایران ولسمشریزې ټاکنې رسماً پیل شوې
-
تازه خبرونه2 days ago
د چین او ترکمنستان چارواکو د سیمې د بهرنیو چارو وزیرانو پر راتلونکې غونډه خبرې وکړې
-
تازه خبرونه1 day ago
د ښځو له بشپړې ونډې پرته افغانان موخې ته رسېدلی نشي – کاناډا
-
تازه خبرونه21 hours ago
له ابو نصر فراهي بندر څخه افغانستان ته د مالونو لېږد اته برابره زیات شوی – ایران