لوبی
په خوست ولایت کې د زرغون افغانستان جام دوهیم پړاو یو ورځنۍ سیالۍ پیلېږي
د افغانستان کرکت بورد ویلي؛ دغه سیالۍ به په خوست ولایت کې د مهالوېش له مخې د غویی له ۹ تر ۲۷ / د اپریل میاشتې پر ۲۹ نېټه پیل شي، چې د راتلونکې مې میاشتې تر ۱۷مې نېټې پورې به روانې وي.
د یادو سیالیو په لومړي پړاو کې، چې تېر کال ترسره شو، درې لوبډلو هندوکش سترایکرز، پامیر لیجیندز او میوند دیفیندرز ګډون درلود؛ خو د افغانستان کرکت بورد د جونیر چیمپینز په نوم څلورمه لوبډله هم یادو سیالیو ته اضافه کړه، چې په کې به د هېواد د نولس کلنې کرکت ملي لوبډلې لوبغاړي برخه ولري او د هېواد د ملي لوبغاړیو ترڅنګ ولوبېږي او د نولس کلنو کم عمره لوبغاړیو ترمنځ راتلونکیو سترو د آسیا او نړیوال جام سیالیو ته چمتووالی ونیسي.
د تېر کال په څېر دغه سیالۍ یو ځل بیا په یو ورځنۍ بڼه ترسره کېږي، چې په کې به یې هره لوبډله په لومړي پړاو کې دوه ځلې له نورو لوبډلو سره مخ شي او د ۱۹ ورځو په موده کې به یې ترمنځه ټولې ۱۳ سیالۍ وشي، چې وروستۍ پایلوبه یې د مې میاشتې پر ۱۷مه نېټه ترسره کیږي.
د نولس کلنې کم عمره لوبډلې ترڅنګ به په درې نورو ګډون کوونکیو لوبډلو کې د ملي لوبډلې ګڼ شمېر لوبغاړي ولوبېږي، چې راتلونکیو نړیوالو یو ورځنیو سیالیو ته ښه چمتو شي. دغه راز د هېواد ځوانو لوبغاړیو ته د پوره پرمختګ او غوره لوبیزو فرصتونو برابرولو په موخه د کورني کرکت یو شمېر ځوانو لوبغاړیو ته هم په یادو لوبډلو کې ځای ورکول کېږي، چې د خپلو ملي لوبغاړیو ترڅنګ به په دغو سیالیو کې ولوبېږي.
د افغانستان کرکټ بورډ اجرائیوي رییس نصیب خان په دې اړه وایي، چې د یادو سیالیو لومړی پړاو په کامیابه بڼه ترسره شو او د نړیوالو سیالیو لپاره یې د ملي لوبډلې په چمتو کولو کې اغېزمن رول درلود، چې پرمټ یې افغان لوبډلې د زمبابوی په سفر خپلې شپږ واړه لوبې وګتلې او ډک لاسونه هېواد ته راستانه شول. دا، چې افغان لوبډله په نږدې راتلونکي کې نړیوالې سیالۍ لري؛ نو د افغانستان کرکت بورد غوره وګڼله، چې د یادو سیالیو دوهیم پړاو هم ترسره کړي، چې د راتلونکیو سیالیو لپاره افغان اتلان په ښه توګه چمتو کړي.
نوموړي زیاته کړې: دغه راز مونږ د لوبډلو شمېر هم څلورو ته لوړ کړ او د ځوانو اتلانو په نوم مو د نولس کلنې ملي لوبډلې د لوبغاړیو لپاره یوه جلا لوبډله جوړه کړه، چې له ملي اتلانو ترڅنګ ولوبېږي او راتلونکیو آسیا جام او نړیوال جام سیالیو ته بشپړ چمتووالی ولري.
د یادونې ده، چې د زرغون افغانستان جام سیالۍ تېر کال د افغانستان د کورني کرکت په جوړښت کې ځای پر ځای شوي. د کورني کرکت په جوړښت کې د زونونو پر کچه د غازي امان الله خان لیست اې او د وزیر محمد اکبر خان ولایتي یو ورځنۍ سیالۍ له وړاندې ځای لري او په یاد جوړښت کې د دې سترو لوبو شاملول به د کورني کرکت سیالیو ته نوره تنوع ور وبښي، چې ورسره به د کورنیو یو ورځنیو سیالیو او په ټوله کې د کورني کرکت کیفیت نور هم لوړ شي.
لوبی
د افغانستان او زمبابوې کرکټ لوبه د باران له کبله لغو شوه
د افغانستان کرکټ بورډ ويلي، چې د کرکټ ملي لوبډلې لوبغاړي به سبا پنجشنبه ( د لیندۍ تههویشتمه) د دغو سیالیو په دوهیمه لوبه کې بیا سره مخامخ شي.
د افغانستان او زمبابوې ترمنځ لومړۍ یو ورځنۍ لوبه د پرلهپسې باران له کبله بې پایلې پای ته ورسېده.
د افغانستان کرکټ بورډ ويلي، چې د کرکټ ملي لوبډلې لوبغاړي به سبا پنجشنبه ( د لیندۍ تههویشتمه) د دغو سیالیو په دوهیمه لوبه کې بیا سره مخامخ شي.
ټاکل شوې وه،، چې دا لوبه د سېشنبې پر ورځ ( د لیندۍ اووه ویشتمه ) د کابل پر وخت شاوخوا ۱۲ بجې پیل شي.
د افغانستان کرکټ ملي لوبډلې پچه وګټله او لومړی یې د توپاچونې پرېکړه وکړه.
د Iaspian Creek Info د معلوماتو له مخې، د افغانستان او زمبابوې ترمنځ لومړۍ ۵۰ اوریزه لوبه د باران له کبله ۲۸ اورونو ته راکمه شوه.
حشمت الله شهیدي د زیمبابوې خلاف په یو ورځنیو سیالیو کې د هېواد د کرکټ ملي لوبډلې لوبډلمشر دی.
دا لوبې د زیمبابوې په پلازمېنه هرارې کې ترسره کېږي.
لوبی
آریانا زاډیو ټلویزیون د IPL سیالیو د خپرولو تړون لاسلیک کړ
دا سیالۍ د ۲۰۲۵ کال د مارچ پر څوارلسمه پیلیږي او د می تر بېنځهءویشتمې به روانې وي
د آریانا راډیو ټلویزیون (ATN) یو ځل بیا په افغانستان کې د هند غوره لیګ (IPL) زړه راکښونکیو سیالیو د ژوندۍ ځانګړې خپرونې حق ترلاسه کړ.
دا سیالۍ د ۲۰۲۵ کال د مارچ پر څوارلسمه پیلیږي او د می تر بېنځهءویشتمې به روانې وي
د هند کرکټ بورډ تر اوسه د دغو سیالیو مهالویش نه دی اعلان کړی.
د تېر کال ته ورته د راتلونکي کال په سیالیو کې به ۱۰ لوبډلې په ۷۴ لوبو کې برخه واخلي.
د کلکته نایټ رایډرز لوبډله دفاعي اتلولي لري. دې لوبډلې په ۲۰۲۴ کال کې په وروستۍ لوبه کې سن رایزرز حیدرآباد ته پر ماتې ورکولو درېیمه اتلولي خپله کړه.
لوبډلې دا دي:
- چینای سوپر کینګز
- ډیلي کپیټلز
- ګجرات ټایټنز
- کلکته نایټ رایډرز (دفاعي اتل)
- لکنو سوپر جایانټز
- ممبی انډیینز
- د پنجاب کینګز
- راجستان رویالز
– رایل چیلنجرز بنګلور
سنرایزرز حیدرآباد
د هند ۲۰۲۵غوره لیګ به د لوبډلو زړهراکښونکیو بدلونونو، د لوبډلو د لوبغاړو په جوړښت کې بدلون او د لوبغاړو ستراتیژیکې داوطلبۍ شاهد وي.
د بېلګې په توګه، ریشاب پنټ په جده کې د لوبغاړو د داوطلبۍ په لومړۍ ورځ د ترټولو قیمتي لوبغاړي ریکارډ مات کړ. کله، چې لکنو سوپر جایانټز دا ستوری پر ۳ اعشاریه ۲۰ میلیون ډالرو وپېرو.
همدارنګه پنجاب کینګز شریاس آییر په ۳ اعشاریه ۱۷ میلیون ډالرو واخیست.
د هند غوره لیګ د لوبغاړو د داوطلبۍ په مراسمو کې د تر ټولو ځوان لوبغاړي د اخیستو شاهد و.
د هند یو دیارلس کلن لوبغاړی وییهاو سوریاوانشي د راجستان رویلز سره پر ۱۳۰ زره ۵۰۰ ډالرو یوځای شو.
اووه افغان لوبغاړي هم د دغو سیالیو لپاره غوره شوي او راشد خان هم په کې شته، چې د ګجرات ټایټاینز لخوا پر ۲ اعشاریه ۱ میلیون ډالرو وساتل شو.
کریم جنت به د لومړي ځل لپاره د هند غوره لیګ کې ولوبېږي. نوموړی د ګجرات ټایټنز لخوا پر ۸۸ زره ډالرو اخیستل شوی.
نور احمد د چنای سوپر کینګز لخوا پر ۱ اعشاریه ۱۸ میلیون ډالرو اخیستل شوی.
عظمت الله عمرزی پر ۲۸۴ زره ډالره پنجاب کینګز اخیستی.
رحمان الله ګربز د کلکتې نایټ رایډرز لخوا د ۲۳۶ زره ډالرو په بدل کې وټاکل شو.
فضل الحق فاروقي پر ۲۳۶ زره ډالرو راجستان رویالز سره یوځای شو.
۱۸ کلن ځوان الله محمد غضنفر د ممبۍ انډینز لخوا پر ۵۶۸ زره ډالرو وپېرل شو.
په داسې حال کې، چې تر اوسه د دغو سیالیو جزئیات ندي اعلان شوي؛ د هېواد پر کچه د کرکټ مینهوال کولی شي د سیالیو په اړه د خبرونو او معلوماتو لپاره آریانا راډیو تلویزیون او ټولنیزې رسنۍ وګوري.
تلویزیون آریانا مسابقات جام قهرمانان کریکت ۲۰۲۵ را نشر میکند
لوبی
آریانا ټلویزیون د ۲۰۲۵ کال د کرکټ اتلانو جام خپروي
دا به د اتلانو جام نهم پړاو وي، چې د فبرورۍ له نولسمې څخه به د مارچ تر نهمې د پاکستان پر کوربتوب تر سره شي.
آریانا راډیو او ټلویزیون د خوښۍ زیری وړاندې کوي، چې په افغانستان کې یې د راتلونکي ۲۰۲۵کال د فبرورۍ د میاشتې د کرکټ اتلانو جام سیالیو د ژوندۍ خپرونې حق ترلاسه کړی دی.
دا به د اتلانو جام نهم پړاو وي، چې د فبرورۍ له نولسمې څخه به د مارچ تر نهمې د پاکستان پر کوربتوب تر سره شي.
په دې سیالیو یا ټورنمنټ کې به د ۲۰۲۳ کال د کرکټ نړیوال جام د غوراوي اته غوره لوبډلې برخه واخلي. پاکستان، چې په تېر ۲۰۱۷ کال کې یې د اتلانو اتلولي ګټلې وه، دفاعي اتل دی.
د کرکټ اتلانو جام یوه پنځوس اوریزه لوبه ده، چې هر څلور کاله وروسته ترسره کیږي.
د راتلونکي کال سیالۍ به له ننګونو پرته نهوې؛ ځکه، چې د هند کرکټ بورډ د امنیتي اندېښنو له کبله پاکستان ته د هندي لوبډلې د سفر په اړه اندېښنه ښودلې ده.
د راپورونو له مخې؛ هندۍ لوبډله به خپلې لوبې له پاکستان څخه بهر کوي.
که هند فاینل ته لار پیدا نهکړي، لاهور به د دې لوبې کوربه وي.
پر ځای به یې د پاکستان لوبډله به د هند ۲۰۲۶ کال په شل اوریز نړیوال جام کې خپلې لوبې ونکړي او ښايي سریلانکا د دغو لوبو کوربه وي.
د راپورونو له مخې؛ داسې ښکاري، چې متحده عربي امارات به په اتلولانو جام کې د هند د سیالیو کوربه وي.
آریانا ټلویزیون به د کرکټ ټول مینهوال د د دغو سیالیو له تازه خبرونو څخه خبر ساتي او مهالوېش به یې له بشپړیدو وروسته خپور کړي؛ ځکه، نو ډاډه اوسئ او د تازه خبرونو لپاره زمونږ ټولنیزې شبکې ګورئ.
تحول: د اسلامي امارت د رسمیت پېزندنې لپاره هڅې
د حکومت او رسنیو ترمنځ باید واټن نهوي – ستانکزی
له ازبکستان سره د ۲۰۲۵ ز.کال لپاره د برښنا د پېرودلو تړون لاسلیک شو
څار: د مهاجرو نولواله ورځ
آریانا ټلویزیون د کرکټ ټست نړیوالې اتلولۍ د پایلوبې د خپراوي حق ترلاسه کړ
آریانا نیوز په افغانستان کې IPL ته د داوطلبۍ مراسم پر ژوندۍ او ځانګړې بڼه خپروي
بایډن او ماکرون د اسرائیلو او حزب الله اوربند اعلانوي -لبناني سرچینې
په کابل کې د ۲۰۲۵ کال کرکټ اتلولۍ څلی نندارې ته وړاندې شو
د لبنان حزب الله له اسرائیلو سره د اوربند لپاره د امریکا وړاندیز ومانه
حزب الله او اسرائیلو اعلان شوی اوربند ومانه
-
لوبی2 days agoآریانا ټلویزیون د ۲۰۲۵ کال د کرکټ اتلانو جام خپروي
-
تازه خبرونه2 days agoاروپايي ټولنې په افغانستان کې د اقتصادي ودې لپاره نږدې ۲۰ میلیون یورو ځانګړي کړل
-
نړۍ2 days agoد سوریې په یوه ډلهییز قبر کې لږ تر لږه ۱۰۰ زره جسدونه براته دي – راپور
-
نړۍ3 days agoټرمپ او نتانیاهو پر غزه او سوریه خبرې وکړې
-
سیمه ییز خبرونه2 days agoپه مسکو کې د روسیې د اټومي دفاعي ځواکونو قومندان د یوې چاودنې له کبله ووژل شو
-
تازه خبرونه2 days agoد کابل په دارالامان سیمه کې د ډیپلوماټیک ښارګوټي توپوګرافیکه سروې بشپړه شوه
-
لوبی1 day agoآریانا زاډیو ټلویزیون د IPL سیالیو د خپرولو تړون لاسلیک کړ
-
تازه خبرونه3 days agoاسلامآباد اوس له کابل سره خبرو ته چمتو شو