Connect with us

تازه خبرونه

په تاجکستان کې د آسیا زړه هېوادونو، د سولې پر چټک بهیر ټینګار څرګند کړ

خپور شوی

د

(Last Updated On: وری ۹, ۱۴۰۰)

د آسیا زړه هېوادونو استازیو په تاجکستان کې د غونډې پر لومړۍ ورځ د افغانستان د سولې بهیر پر چټکتیا بحث او خبرې کړي دي.

د تاجکستان په پلازمېنه دوشنبه کې د آسیا زړه هېوادونو یا استانبول بهیر نهمه غونډه پیل شوه او د غونډې پر لومړۍ ورځ د دې هېوادونو د بهرنیو چارو د وزیرانو مرستیلانو د افغانستان د سوې خبرو پر [ټکتیا ټینګار کړې دی.

دوی د افغان سولې د بریا لپاره د سیمه ییزې اجماع جوړیدل او په وسلوالو طالبانو د اوربند لپاره فشار مهم وباله.

د بهرنیو چارو وزارت سیاسي مرستیال میرویس ناب ویلي: نړیواله اجماع پر افغان سوله سربیره د سیمه ییز پیوستون لپاره ګډ نظر هم رامنځته کوي. مونږ د کابل په غونډه کې پدې خبری وکړې، چې د افغانستان سوله د سیمې د پیوستون او پراختیا لپاره یو ښه فرست دی او باید ګټه تری واخلو.

د تاجکستان د بهرنیو چارو وزارت سیاسي مرستیال  د سیمې له هېوادونو وغوښتل، چې پدې نازکو شرایطو کې افغانستان یوازې پرې نږدي.

د تاجکستان د بهرنیو چارو وزارت سیاسي مرستیال  خسرو ناظري ویلي:  موږ د دې غونډې ګډونوال د افغان سولې ملاتړ کوو. د استانبول پروسه دې ته لار اواروي، چې د سیمې هېوادونه په افغان سوله کې رغنده ونډه واخلي.

د آسیا زړه هېوادونو د غونډې پر لومړۍ ورځ د تړلیو دروازو تر شا د ګډې اعلامیې د خپرولو لپاره خبرې وشوې.

د سې شنبې پر ورځ به د آسیا زړه هېوادونو د بهرنیو چارو وزیرانو ته افغان ولسمشر محمد اشرف غني هم وینا وکړي

خلیلزاد د استانبول د غونډې په درشل کې ترکیې ته روان شو

د افغانستان د سولې د غونډې په درشل کې د امریکا د بهرنیو چارو وزارت ترکیې او د سیمې هېوادونو ته د زلمي خلیلزاد له سفره خبر ورکوي.

دغه وزارت په په ډ اګه کړې، چې د افغانستان د سولې لپاره د امریکا ځانګړی استازی خلیلزاد تېره پنجشنبه له امریکا څخه د ترکیې پر لوري سفر کړی دی.

دغه وزارت زیاته کړې، چې د دې لیدنې موخه په افغانستان کې شخړو ته د دواړو خواوو هڅول دي، چې د جګړې د پای ته رسیدو لپاره خبرې چتکې کړي.

 په خبرپاڼه کې راغلي: هغه به دواړه اړخونه سیاسي هوکړې ته وهڅوي، چې تلپاتی اوربند او عادلانه سوله رامنځته کړي.

 د سرچینې د څرګندونو له مخې؛ زلمی خلیلزاد به د سیمې او نړیوالې ټولنې لخوا د سولې خبرو اترو د آسانتیا لپاره په افغانستان کې له ښکېلو اړخونو سره هم وګوري.

ترکیه به په راتلونکې میاشت کې د افغانستان د سولې بهیر په اړه د یوه نړیوال کنفرانس کوربه وي.

په دې ناسته کې به پر حکومتي پلاوي او طالبانو سربېره امریکا، روسیه، چین او د نړۍ شاوخوا یو شمېر هېوادونه برخه واخلي.

دغه راز رویټرز تېره اوونۍ راپور ورکړی و، چې ټاکل شوې د افغانستان ولسمشر محمد اشرف غني به د استانبول په دې غونډه کې له وخت مخکې د ولسمشریزو ټاکنو د ترسره کیدو پلان وړاندې کړي.

تازه خبرونه

د ټاپي ګاز شرکت اجرائیه رییس د پروژې له پرمختګه خوښ شو

Published

on

(Last Updated On: وری ۹, ۱۴۰۳)

د کانونو او پټرولیم وزیر شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګ په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه ډخوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

تازه خبرونه

تحول: په افغانستان کې د بریټانیا د پوځي ماموریت ارزونه

Published

on

(Last Updated On: وری ۹, ۱۴۰۳)

Continue Reading

تازه خبرونه

په فاریاب او سرپل کې سېلابونو ځاني او مالي زیانونه اړولي

Published

on

(Last Updated On: وری ۹, ۱۴۰۳)

سیمه‌ییزو چارواکو ویلي؛ د سېلابونو له کبله دوه کسانو خپل خوږ ژوند له لاسه ور کړی او د مالي زيانونو تر څنګ د دې دوه ولايتونو د يو شمېر ولسواليو د تګ راتګ لارې هم تړل شوې دي.

دوی زياته کړې، چې پر کرنيزو ځمکو، استوګنې کورونو، د ښار او کلي تر منځ د پلونو پر نړېدو سربېره سېلابونو د خلکو ژوند له ستونزو سره مخ کړى دى.

د يادونې ده، چې د سېلابونو له کبله زيانمنې شوې کورنۍ له دولت او مرستندويه ادارو څخه د بېړنیو مرستو غوښتنه کوي.

Continue Reading

Trending

Copyright © 2022 Ariana News. All rights reserved!