تازه خبرونه
په بغلان کې سېلابونو ۱۹۴۵ کسانو ته مرګ او ژوبله اړولې
(Last Updated On: )
د کډوالو او راستنیدونکیو چارو وزارت تائید کړې، چې په بغلان ولایت کې د سیلابونو له امله ۳۱۵ کسان مړه شوي او ۱۶۳۰ نور ټپیان دي.
دغه وزارت نن (یکشنبه د غویی رویشتمه ) څرګنده کړې، چې ۶۶۵ کورونه بشپړ او یه لږ څه ویجاړ شوي او ۱۰۰۰ څاروي له منځه تللي دي.
په خبرپاڼه کې راغلي، چې د مالي او ځاني زیانونو د زیاتوالي شونتیا هم شته.
دغه راز د ریاست الوزراء اقتصادي مرستیال بغلان ته په خپل سفر کې ویلي، چې اسلامي امارت به له سیلاب ځپلیو سره له هرې ممکنې لارې مرسته وکړي.
ملا عبدالغني برادر په دې ولايت کې د يوې غونډې پر مهال زياته کړې، چې د وژل شويو، ټپيانو او اړمنو کسانو کورنيو ته به پاملرنه کېږي.
ویل کیږي، چې د کډوالو چارو وزارت د بغلان له سېلاب ځپلیو سره د مرستو د لېږلو اعلان کړی، چې په کې جامې، خېمې او ترپالونه شامل دي.