Connect with us

تازه خبرونه

په امریکا کې یو ځانګړی کمیسیون د افغانستان ۲۰ کلنه جګړه ارزوي

خپور شوی

د

(Last Updated On: )

د امریکا ولسمشر جو بایډن په افغانستان کې د شل کلنې جګړې د څېړلو او ارزولو لپاره د یوه کمیسیون د جوړولو فرمان صادر کړی، چې په کې ۱۶ جمهوري غوښتونکي او ډیموکراټ سناتوران غړیتوب لري.

امریکا غواړي، چې له افغانستان څخه د ځواکونو له بشپړ وتلو څلور میاشتې وروسته په افغانستان کې خپله شل کلنه جګړه بیا وارزوي.

د سپینې ماڼۍ د یوې اعلامیې له مخې، نوی جوړ شوی کمیسیون اوس هم د ۲۰۰۱ کال د جګړې د پیل او د سپټمبر د یوولسمې د بریدونو څرنګوالی ارزوي؛ د دې جګړې د ښکاره او پټو ماموریتونو، رازونه او اړخونه به وڅيړي او پایلې به یې په ډاګه کړي.

سپینه ماڼۍ وايي، ولسمشر بایډن د ۲۰۲۲ زېږدیز کال د ملي دفاع د جواز ورکولو له قانون سره سم په افغانستان کې د امریکا د ناکامۍ د لاملونو د ارزونې لپاره د ۱۶ کسیز کمېسیون د جوړولو پلان هم لاسلیک کړی دی.

د دغه کمیسیون د جوړولو په پلان کې راغلي: کمیسیون په افغانستان کې د جګړې هر اړخیزه ارزونه کوي او د ځواکونو د زیاتوالي او کمیدو د اغېزو په ګډون به د ټاکلي مهالوېش له تاکتیکي او سټراټیژیکو درسونو د راتلونکیو عملیاتو د خبرتیا لپاره سپارښتنې وکړي.

د دې کمیسیون غړي د امریکا د دوه مهمو ګوندونو له خوا ټاکل کیږي.

د دې کمیسیون غړیو ته وخت ورکړ شوی، چې له لومړۍ غونډې وروسته د یو کال په موده کې لومړنی راپور او په درې کلونو کې وروستنی راپور وړاندې کړي.

دغه ۱۶ کسیز کمیسیون به د جورج ډبلیو بوش په مشرۍ په افغانستان کې د جګړې د پیل، له ۲۰۰۱ کال مخکې د افغانستان په اړه د امریکا د تګلارې او د سپټمبر د یوولسمې د بریدونو په اړه، چې پر افغانستان د امریکا د برید لامل شول، هم وڅېړي.

د اسلامي امارت د ویاند مرستیال بلال کریمي ویلي؛ امریکا افغانستان اشغال کړی و او زیان یې په جګړه کې لیدلی زیانمنه هم پخپله امریکا ده.

د امریکا د ولسمشر مرستیالې له افغانستان څخه د ټولو امریکايي پوځیانو د ایستلو په اړه د خپل هېواد له پرېکړې دفاع وکړه.

هغې له سي بي ایس ټلویزیون سره په مرکه کې ویلي، چې د امریکايي ځواکونو د وتلو پرېکړه پخوانۍ ادارې کړې وه.

د امریکا ولسمشر مرستیاله کاملا هاریس ویلي؛ په یاد ولرئ، چې د امریکا پخوانۍ ادارې له طالبانو سره د معاملې خبرې کړې وې؛ خو افغان حکومت ته یې د خبرو بلنه نه وه ورکړې. په خبرو او هوکړې کې دا ژمنه شوې وه، چې د مې میاشتې تر پایه به له افغانستان څخه ټول ځواکونه وباسو.

له افغانستانه د ټولو بهرنیو ځواکونو د وتلو په اړه د امریکا له لوري د دوحې د هوکړې له عملي کېدو وروسته، په افغانستان کې د امریکا شل کلنه جګړه پای ته ورسېده او د خپلو ځواکونو له وتلو سره اسلامي امارت د کابل واک بېرته ترلاسه کړ.

تازه خبرونه

د معاشونو د نورم او اجراء په اړه خپاره شوي لیستونه او اوازې ناسمې دي

د ماليې وزارت په خبرپاڼه کې راغلي؛ د تېرو څو ورځو راپدېخوا په یو شمېر رسنيو او ټولنیزو پاڼو کې، چې د امارتي ادارو د معاشونو د نورم د بدلون په اړه کوم لیستونه او اوازې خپرېږي؛ مطلق ناسم دي.

Published

on

(Last Updated On: )

‏د افغانستان ماليې وزارت د معاشونو د نورم او اجراء په اړه په يوه خبرپاڼه کې ویلي، چې د معاشونو د نورمونو د بدلون په تړاو خپرې شوې اوازې او ليستونه ناسم او درواغ دي.

د ماليې وزارت په خبرپاڼه کې راغلي؛ د تېرو څو ورځو راپدېخوا په یو شمېر رسنيو او ټولنیزو پاڼو کې، چې د امارتي ادارو د معاشونو د نورم د بدلون په اړه کوم لیستونه او اوازې خپرېږي؛ مطلق ناسم دي.

ماليې وزارت په همدې اوونۍ کې د معاشاتو د اجراء خبر هم ورکړی او زياتوي:« دا وزارت هېوادوالو ته ډاډ ورکوي، چې د امارتي ادارو معاشات به په دې اوونۍ کې د پخوا په څېر اجراء شي».

دا په داسې حال کې ده، چې د حکومت مامورینو د سلواغې او کب میاشتو معاشونه ندي اخیستي.

Continue Reading

تازه خبرونه

د بهرنیو چارو وزارت د غزې پر تړانګه د اسرائیلو تازه بریدونه وغندل

د دې وزارت د خپرې شوې خبرپاڼې له مخې: “د صهیونستي یرغلګرو دا وحشیانه عمل نه یوازې له بشري حقونو او نړیوالو قوانینو سرغړونه ده، بلکې د انسانیت له بنسټیزو ارزښتونو سره هم ښکاره تضاد لري”.

Published

on

(Last Updated On: )

د بهرنیو چارو وزارت ویلي؛«د اسرائیلي اشغالګر رژیم په تازه بریدونو کې، چې له کبله یي له ۳۰۰ ډېر بې گناه فلسطینیان د میرمنو او ماشومان په ګډون “شهیدان” او ټپیان کړل» پر کلکو ټکو غندي.

د دې وزارت د خپرې شوې خبرپاڼې له مخې: “د صهیونستي یرغلګرو دا وحشیانه عمل نه یوازې له بشري حقونو او نړیوالو قوانینو سرغړونه ده، بلکې د انسانیت له بنسټیزو ارزښتونو سره هم ښکاره تضاد لري”.

دغه راز بهرنیو چارو وزارت یو ځل بیا له ذیدخله هېوادونو وغوښتل، چې د فلسطین له مظلومو خلکو خپل ملاتړ څرګند کړي او د اشغال د پای ته رسولو لپاره عملي او پرېکنده ګامونه واخلي.

اسلامي امارت ویلي، چې دوی “د فلسطینیانو حقه مبارزه او مشروع مقاومت د هغو یو ثابت حق ګڼي او ملاتړ یې کوي.”

Continue Reading

تازه خبرونه

له افغانستان څخه د امریکا د وتلو په پرېکړه او پلي کولو کې ټول ښکېل کسان مسوول دي ـ شان پارنیل

 د وزارت ویاند د جو بایډن په مشرۍ د امریکا د پخوانۍ ادارې پر ستراتیژۍ نیوکه وکړه او وایي؛ ټول هغه کسان، چې له افغانستان څخه د امریکا د وتلو په پرېکړه او پلي کولو کې ښکېل دي باید مسوول وګڼل شي.

Published

on

US defense dept Parnell
(Last Updated On: )

د امریکا دفاع وزارت ويلي، چې په ۲۰۲۱ کال کې له افغانستان څخه د امریکايي ځواکونو وتل “نامسؤلانه” او شرموونکي وه.

 د وزارت ویاند د جو بایډن په مشرۍ د امریکا د پخوانۍ ادارې پر ستراتیژۍ نیوکه وکړه او وایي؛ ټول هغه کسان، چې له افغانستان څخه د امریکا د وتلو په پرېکړه او پلي کولو کې ښکېل دي باید مسوول وګڼل شي.

د امریکا د دفاع وزارت ویاند په خپل لومړني مطبوعاتي کنفرانس کې له افغانستان څخه د امریکا د وتلو پر ستراتیژۍ نیوکه وکړه او اسلامي امارت ته یې د افغانستان تسلیمېدل ستونزمن وبلل.هغه د امریکا د ګډوډ وتلو مسوولانو ته د حساب ورکولو پر اړتیا ټینګار وکړ.

د امریکا د دفاع وزارت ویاند شان پارنیل وايي: “زما هېواد په افغانستان کې د ۲۰ کلونو لپاره په جګړه کې و او ما د خپل ژوند یوه لویه برخه هلته تېره کړه.” زمونږ سرتېرو هلته ډېر ښه ماموریت ترسره کړ؛ خو زما لپاره دا ډېره سخته وه، چې د طالبانو (اسلامي امارت) ته د افغانستان د تسلیمېدو صحنې ووینم. د ټرمپ اداره به هرې جګړې ته د ننوتلو، ګټلو او وتلو لپاره یوه روښانه ستراتیژي ولري.”

له دې مخکې د ټرمپ ادارې نورو چارواکو له افغانستان څخه د امریکايي ځواکونو د وتلو پر څرنګوالي نیوکه کړې وه او د حساب ورکولو پر اړتیا یې ټینګار کړی و.

دغه راز د امریکا بهرنیو چارو وزارت ویاند اعلان کړی، چې په افغانستان کې د پخوانیو امریکایي سرتېرو د همکارانو لیږد او بیا میشتېدنه د هېواد د پالیسۍ یوه برخه ده.

د بهرنیو چارو وزارت ویاند ټامي بروس ویلي: “مونږ د دې اشخاصو د لېږدولو لپاره ترتیبات نیولي دي. د امکان تر حده مونږ د ډېرو هغو خلکو د بېرته ستنولو هڅه کړې، چې په شخړو کې ښکېل ول. په ځانګړي توګه هغه کسان، چې له مونږ سره یې همکاري کړې او تل زمونږ د پالیسۍ برخه وه. دا بهیر له پخواني حکومت څخه روان دی او مونږ اوس هم پدې کار کوو.”

سپینې ماڼۍ ته د ټرمپ له راستنېدو سره سم له افغانستان څخه د پخوانیو امریکایي سرتېرو د ایستلو بهیر هم په ناڅرګندتیا کې ډوب شوی دی. په زرګونه خلک اوس په افغانستان، پاکستان، قطر او د سیمې په نورو هېوادونو کې بې برخلیکه ژوند کوي. داسې رپوټونه هم شته چې ښايي پر افغان اتباعو امریکا ته پر سفر بندیز ولګول شي.

Continue Reading
Advertisement

Trending

Copyright © 2024 Ariana News. All rights reserved!