تازه خبرونه
په امریکا کې زرګونه کسانو د ترمپ پر پلوۍ لاریون وکړ
رویترز څرګنده کړې، چې د ولسمشر دونالد ترمپ په زرګونه پلویانو د شنبې پر ورځ ( د لړم ۲۴) په واشنګتن ښار کې د ټاکنیزو درغلیو پر وړاندې لاریون وکړ او رامنځته شوې درغلۍ یې وغندلې.
د امریکا ولسمشر دونالد ترمپ د ولسمشریزو ټاکنو په لومړۍ اوونۍ کې ویلي وه، چې د ټاکنو پایلې ورته د منلو ندي او هغه به پدې اړه قانوني هڅې تر سره کړي.
د امریکا ټاکنیزو چارواکو ویلي، چې په ټاکنو کې د درغلیو د ثابتولو لپاره هیڅ سند نشته.
د ترمپ پلویانو، چې د امریکا بیرغ یې لېګداوه په واشنګتن کې یې د سترې محکمې مخې ته خپل اعتراضي غږ پورته کړ.
د لاریونوالو له غوښتنو او پوښتنو وروسته، ترمپ تویت وکړ، چې د هغه ملاتړي به په ټاکنو کې له رامنځته شویو درغلیو ملاتړ ونکړي.
رویترز زیاته کړې، چې د لاریونکوونکیو تر منځ برسېرنې شخړې هم رامنځته شوي؛ خو وضعیت بېرته عادي حالت ته راګرزېدلی دی.
د رویترز د څرګندونو له مخې؛ یو تن په لاریونونو کې ټپي شوی او ۱۰ نور د پولیسو لخوا نیول شوي دي.
