تازه خبرونه
په افغانستان کې د فساد پروړاندې مبارزه باید لومړیتوب وي– م.م
ملګروملتونو په خپل راپور کې، چې نن خپور شوی؛ څرګنده کړې؛ په افغانستان کې د اداري فساد پر وړاندې پرلپسې او اغېزمنې هڅې د دغه هېواد د راتلونکي لپاره اړینې دي.
د ملګرو ملتونو سازمان په افغانستان کې د( د سولې او نیکمرغۍ لپاره د فساد پروړاندې مبارزه اړینه ده) ترسرلیک لاندې په خپل څلورم راپور کې د فساد پروړاندې د حکومت هڅو ته نغوته کړې او څرګندوي، چې اړوند مبارزې د افغانستان د خلکو په ژوند کې کوم مثبت بدلون ندی راوستی.
“Anti-corruption efforts and integrity reforms must be key priorities for #Afghanistan’s leadership, especially so given the country’s pressing challenges and opportunities around peace and development.” – UN envoy @DeborahLyonsUN. Read more: https://t.co/d0b1NBprX4. pic.twitter.com/bEMLj6TYWS
— UNAMA News (@UNAMAnews) June 18, 2020
په تېر میلادي کال کې د فساد پر وړاندې د مبارزه لپاره د اصلاحي ګامونو کموالی او د فساد پروړاندې د مبارزې په موخه د افغانستان د ۲۰۱۷ کال تګلارې ناکامي د دغه راپور اړینې برخې دي.
د رپوټ په بله برخه کې راغلي، چې تراوسه هم د فساد پروړاندې د مبارزې بنسټونه لکه د اداري فساد پروړاندې د مبارزې عدلي او قضایي مرکز د زورواکانو او لوړ پوړیو چارواکو د محاکمې وس نلري.
ملګري ملتونه د افغانستان حکومت ته وړاندیز کوي، چې د تېرو لاس ته راوړنو پر بنسټ یوه اوږدمهاله او رښتیني تګلاره ژر تر ژره جوړه او په عدلي برخه کې اصلاحات عملي کړي.
د افغانستان لپاره د ملګرو ملتونو د سرمنشي ځانګړې استازې ډیبرا لاینز په ډاګه کړې: په ځانګړي توګه د سولې او پرمختګ ننګونو او فرصتونو ته په کتو د فساد پر وړاندې هڅې او د روڼتیا اصلاحات باید د افغانستان د مشرتابه لپاره مهم لومړیتوبونه وي.
دغه راز هغې زیاته کړې: د کوویډ ۱۹بحران ته لاسرسی او د یوه سوکاله، هوسا او سالم افغانستان رامنځته کول روڼتیا او حساب منلو ته اړتیا لري، چې د هر ملت د راتلونکي لپاره بنسټونه جوړوي.
Fighting corruption in #Afghanistan must remain a priority. It’s crucial for peace & prosperity. New UN report reviews progress in reform, provides analysis & recommendations to tackle the blight. UN committed to back concerted government efforts. More: https://t.co/d0b1NBprX4. pic.twitter.com/2K3MZdBukA
— UNAMA News (@UNAMAnews) June 18, 2020
د افغانستان پر شفافیت د څار بنسټ څېړونکی ناصر تیموري ویلي: د فساد پر وړاندې حکومت ټولې هڅې ننداریزې وې.
د مشرانو جرګې غړې ګلالۍ اکبري وایي، چې له فساد سره مبارزې د خلکو بې باوره نوره ډېره کړې ده.
د جمعیت ګوند کشر صلاح الدین رباني وایي: نړیواله ټولنه د افغانستان په حکومت جوړونه کې ناکامه ده.
د ملګروملتونو د دغه راپور په اړه د ولسمشر ویاند صدیق صدیقي ویلي، چې د افغانستان د حکومت لومړیتوب له فساد سره مبارزه ده او په تېرو ۵ کلونو کې ډېرې لاسته راوړنې لرو.
دا په داسې حال کې ده، چې نړیوالې ټولنې به د جنیوا په جوړیدونکې ناسته کې له افغانستان سره د راتلونکیو مرستو په اړه غور کوي؛ خو د ملګر ملتونو په راپور کې راغلي، چې دا مرستې به د فساد پروړاندې له مبارزې سره تړلې وي او ښایي د اقتصادي ستونزو له کبله افغانستان ته د نړیوالې ټولنې پاملرنه لږ شي.
تازه خبرونه
افغانستان ۱۴۰۲ کال هم له نړیوال مشروعیت پرته تېر کړ
اسلامي امارت په ۱۴۰۲ لمزیز لېږدیز کال کې هم د نړیوال مشروعیت له بحران سره و او ونه توانید، چې په ملګرو ملتونو کې د یوه مشروع حکومت په توګه خپل ځای ترلاسه کړي.
نړیوالې ټولنې د افغان میرمنو او نجونو په وړاندې د چارسمبالي حکومت د چلند او سختو قوانینو له کبله پر اسلامي امارت خپل بندیزونه روان ساتلي او خبرداری یې ورکړی، چې اسلامي امارت د نړیوالې ټولنې د غړي په توګه خپله تګلاره بدله نکړي؛ پر رسمیت به ونهپېژندل شي.
د نړیوال مشروعیت له ستونزو سره – سره په ۱۴۰۲ لمریز لېږدیز کال کې اسلامي امارت له نورو هېوادونو سره په ډیپلوماټیکو اړیکو کې پرمختګ وکړ او چین د لومړي هېواد په توګه په کابل کې خپل رسمي سفیر معرفي کړ او په بیجینګ کې یې د اسلامي امارت رسمي سفیر ومانه.
اسلامي امارت ۱۴۰۲ لمریز لېږدیز کال له لاسته راوړنو ډک بولي او څرګندوي، چې له نورو هېوادونو سره یې د اړیکو د پراخولو په برخه کې پرمختګونه کړي دي.
په دې کال کې له اسلامي امارت سره د افغان سفارتونو تعامل روان وساتل شو او په هالینډ او هسپانیه کې د افغانستان سفارتونو هم د بهرنیو چارو له وزارت سره خپل تعامل اعلان کړ.
د دې کال په اوږدو کې له اسلامي امارت سره همغږې ډیپلوماتیکې ډلې په هند کې د افغانستان سفارت او قونسلګرۍ چارې تر لاسه کړې.
دغه راز د افغانستان لویدیځ ګاونډ ایران په ۱۴۰۲ لمریز لېږدیز کال کې له اسلامي امارت سره د هلمند سیند د اوبو پر سر ناندرې د خبرو له لارې پای ته ورسولې.
پاکستان په افغانستان کې د تحریک طالبان پاکستان د حضور او فعالیت ادعاوې روانې وساتلې او له همدې کبله د کابل او اسلامآباد اړیکې تتې او ترینګلې پاتې شوې. دا اړیکې هغه وخت نورې هم کړکېچنې شوې، چې د پاکستان لنډمهالي حکومت د میلیونونو افغانانو د وهلو، سپکولو او جبرې شړلو پرېکړه وکړه.
سیاسي شنونکي پدې باور دي، چې ګاونډيان او د سیمې هېوادونه ندي توانېدلي، چې له اسلامي امارت سره د تعامل لپاره پر یوې مشخصې تګلارې هوکړه وکړي.
په ۱۴۰۲ لمریز لېږدیز کال کې د اسلامي امارت کابینه چارسمبلې پاتې شوه. په دې کال کې له بهره د افغان سیاستوالو او سیاسي مخالفانو راتګ راتګ هم روان پاتې شو.
اسلامي امارت ۱۴۰۲ لمریز لېږدیز کال له لاسته راوړنو ډک بولي او څرګندوي، چې په دغه کال کې له نورو هېوادونو سره اړیکې پراخې او یو لړ پرمختګونه شوي دي.
د اسلامي امارت ویاند ذبیح الله مجاهد د نړیوال مشروعیت نشتوالی د یو شمېر هغو هېوادونو سلیقوي چلند ګڼي، چې ملګري ملتونه یې په خپل واک کې اخیستي دي.
اسلامي امارت دا مهال په ۳۸ هېوادونو کې فعال ډیپلوماټیک ماموریتونه لري او آذربایجان هم غواړي، چې په کابل کې خپل سفارت پرانیزي.
ولیدل شي، چې په ۱۴۰۳ لمریز لېږدیز کال کې به اسلامي امارت د نړیوال مشروعیت بحران پای ته ورسوي او که نه؟! دا هغه پوښتنه ده، چې وخت به یې ځواب کړي.
تازه خبرونه
په کابل ولایت کې د بیات بنیاد د روژې د مرستو لړۍ روانه ده
د کابل په لویدیځ کې لسګونه بېوزله کورنۍ د بیات بنیاد د روژې له مرستو برخمنې شوې.
د دغه بنسټ مسوولین ويلي، د روژې په مبارکه میاشت کې هم له اړو کسانو سره د دغه بنسټ مرستې روانې دي او له غواړي، چې د اړمنو لاس ونیسي او مرستې هم ورسره ترسره شي.
مرسته ترلاسه کوونکي د بیات بنیاد له مرستې مننه کوي.
په دې مرستو کې خوراکي توکي شامل دي.
دغه راز یو شمېر اړمن کسان، چې د بیات بنیاد له مرستو برخمن شوي خوښ دي او له نورو بنسټونو هم د ورته مرستې غوښتنه کوي.
بیات بنیاد په هېواد کې یو له مهمو خیریه بنسټونو څخه شمېرل کیږي، چې له تېرو ۲۰ کلونو راپدیخوا له بېوزلو او د طبیعي پېښو له قربانیانو سره مرستې کوي او په بېلا بېلو برخو کې ټول ګټې پروژې پلې کوي.
تازه خبرونه
۱۴۰۲ لمریز لېږدیز کال د افغان ښځو او نجونو لپاره یو ستونزمن کال و
۱۴۰۲ لمریز لېږدیز کال په داسې حال کې پای ته رسیږي، چې د نجونو پر زدهکړو لګول شوي محدودیتونه لرې نشول او له شپږم ټولګي څخه پورته د نجونو او میرمنو پرمخ د ښوونځیو او پوهنتونونو دروازې خلاصې نشوې.
۱۴۰۲ لمریز لېږدیز کال د افغان ښځو او نجونو لپاره یو ستونزمن کال و، ځکه په دې کال کې دوی تمه درلوده، چې د ښوونځیو او پوهنتونونو دروازې به د دوی پرمخ پرانستل شي او دوی به خپلو ټولګیو ته ستنې شي؛ خو له یو کال تمې وروسته هم د دوی دا هیله پوره نشوه او اسلامي امارت د دوی لپاره د ښوونځيو او پوهنتونونه دروازې خلاصې نکړې.
د اسلامي امارت چارواکو په وار وار ویلي، چې د نجونو لپاره به د ښوونځیو او پوهنتونونو د پرانستلو طرحه وروستۍ شي؛ خو تر اوسه وروستۍ شوې نده.
په بېلا بېلو ملي او نړیوالو ناستو کې غوښتل شوي: ښځو او نجونو ته دې اجازه ورکړ شي، چې کار او زدهکړو ته ستنې شي؛ خو د اسلامي امارت امر ثاني پخپل حال پاتې دی او په دې اړه بل حکم صادر نشو.
د ملګرو ملتونو او د نړۍ د هېوادونو استازو په ځلونو ټینګار کړی چې ښځو او نجونو ته دې د تعلیم حق ورکړ شي؛ خو اسلامي امارت یې غوښتنې منلې ندي.
د امریکا بهرنیو چارو وزیر انټوني بلینکن ویلي: د ښځو او نجونو له حقونو ملاتړ زمونږ د بهرنۍ تګلارې برخه ده؛ په تېرو درې کلونو کې مو د ټولې نړۍ د ښځو او نجونو د ملاتړ لپاره تګلارې او پروګرامونه وړاندې کړي دي.
د اسلامي امارت ویاند ذبیح الله مجاهد څو څو ځله له رسنیو سره په ګڼو مرکو کې د نجونو لپاره د ښوونځیو او پوهنتونونو د پرانیستلو په اړه خبرې کړي؛ خو دا یې ندي ویلي، چې د نجونو انتظار به کله پای ته رسیږي.
دغه راز پوهنتونونو او کار ته د نجونو او میرمنو پرتګ هم د بندیزونو یو کال کیږي؛ هیلې دادي، چې په نوي تعلیمي کال کې د نجونو او میرمنو د کار او زدهکړو په اړه د اسلامي امارت تګلاره بدلون وکړي او د افغان نجونو لپاره د تړلیو ښوونځیو د زدهګړو د پیل زنګ ووهل شي.
-
لوبی5 days ago
راشدخان د ایرلینډ پروړاندې د ۲۰ آوریزو نړیوالو سیالیو لوبډلمشر شو
-
تازه خبرونه2 days ago
د هند د یوه پوهنتون په لیلیه کې پر لمونځ کوونکیو برید شوی
-
تازه خبرونه1 day ago
په نوي تعلیمي کال کې دې د نجونو ښوونځي او پوهنتونونه پرانیستل شي – حامد کرزی
-
نړۍ2 days ago
د آیسلینډ اورشېندنې یو ځل بیا سرراپورته کړ
-
تازه خبرونه2 days ago
په بدخشان کې د سرو زرو کان د نړېدو له کبله دوه کارګر مړه شوي
-
نړۍ1 day ago
شمالي کوریا یو بالسټیک توغندی وتوغاوه
-
تازه خبرونه7 hours ago
امریکا په افغانستان کې له هوايي بریدونو وروسته له پاکستان څخه د زغم غوښتنه وګړه
-
لوبی9 hours ago
د افغانستان کرکټ ملي لوبډله د ۲۰ اوریز لوبلړ ګټونکې شوه