تازه خبرونه
په اسلامي امارت کې د هرې ژبې، توکم او سمت استازي وجود لري
![](https://www.ariananews.af/wp-content/uploads/2023/03/foreign-ministry-1.jpg)
د بهرنیو چارو وزارت په افغانستان کې د یوه ټولګډونه حکومت د جوړولو لپاره د شانګهای همکاریو ټولنې د غوښتنې او پوښتنې په غبرګون کې څرګنده کړې؛ په اسلامي امارت کې د هرې ژبې، توکم او سمت استازي شتون لري.
یاد وزارت په هغه خبرپاڼه کې، چې د چارشنبې پر ورځ (د چنګاښ پر ١٤ نېټه ) خپره شوې؛ ټينګار کړى، چې د افغانستان د حکومت د جوړښت په اړه د شانګهاى همکاريو ټولنې د غړیو هېوادونو اندېښنې دې د واقعيتونو پر پوهېدو حل شي.
د بهرنیو چارو وزارت د دغې ټولنې د پرېکړه لیک هغه برخه، چې په کې د یوه آزاد، باثباته، متحد، له جنګ او له نشهیي توکو څخه د پاک افغانستان ملاتړ او د کډوالو د راستنیدو لپاره د بشري مرستو او اسانتیاوو برابرولو ډاډ څرګندوي؛ ستاینه کوي او څرګندوي، چې په دې برخه کې هر ډول همکاریو ته چمتو دي.
دغه راز د افغانستان بهرنیو چارو وزارت ویلي، چې د شانګهای همکاریو ټولنې په غونډو کې ګډون، چې افغانستان یې څارونکی غړی دی؛ د اسلامي امارت بشپړ حق دی او په داسې غونډو کې د اسلامي امارت نه حضور د هر اړخیزې همغږۍ، ناامنیو او مخدره توکو د قاچاق د مخنیوي، د بشردوستانه مرستو چمتو کولو، بېخبنایی پروژو پلي کولو، اسانتیاوو برابرلو، هر اړخیزو همکاریو او د سیمې د اقتصادي پیوستون لپاره د دوه اړخیز ډاډ پر وړاندې لوی خنډ دی.
د افغانستان د بهرنیو چارو وزارت ټینګار کړی، چې د شانګهای همکاریو ټولنې د مشرانو په راتلونکې غونډه کې، چې ټاکل شوې په قزاقستان کې جوړه شي؛ د افغان حکومت د ګډون لپاره باید شرایط برابر شي.
تازه خبرونه
اسلامي امارت د کانونو وزارت او د مرکزي بانک چارسمبالي بدل کړل
د افغانستان بانک مرستیال والي نوراحمد اغا د افغانستان بانک چارسمبالی وټاکل شو.
![](https://www.ariananews.af/wp-content/uploads/2024/07/Delawar-Badri.jpg)
د افغانستان اسلامي امارت د ویاند د څرګندونو له مخې؛ د اسلامي امارت د رهبر پر فرمان د شنبې پر ورځ د چنګاښ شپاړلسمه د کانونو او پټرولیم وزارت چارسمبالی شهاب الدین دلاور له دندې لرې شو او پر ځای یې د افغانستان بانک چارسمبالی هدایت الله بدري وټاکل شو.
دلاور د افغاني سرې میاشتې ټولنې د چارسمبالي په توګه د مطیع الحق خالص پر ځای ټاکل شوی او خالص به د چاپېریال ساتنې د ملي ادارې د رییس په توګه دنده ترسره کوي.
د افغانستان بانک مرستیال والي نوراحمد اغا د افغانستان بانک چارسمبالی وټاکل شو.
په تازه اعلان شویو ګمارنو کې د افغاني سرې میاشتې ټولنې پخوانی مرستیال نورالدین ترابي هم د طبیعي پېښو پر وړاندې د مبارزې د ملي ادارې د چارسمبالي په توګه ټاکل شوی دی.
د صنعت او سوداګرۍ وزارت پخوانی مرستیال قدرت الله جمال د اطلاعاتو او کلتور وزارت د مالي او اداري مرستیال په توګه وټاکل شو.
د استخباراتو ادارې له فساد سره د مبارزې پخوانی چارسمبالی احمدالله زاهد د صنایعو اوسوداګرۍ وزارت د نوي مرستیال په توګه وټاکل شو.
د افغانستان د چاپېریال ساتنې ادارې پخوانی چارسمبالی حافظ عزیزالرحمن د افغاني سرې میاشتې ټولنې د مرستیال په توګه وټاکل شو.
په مالي او اداري چارو کې د اطلاعاتو او کلتور پخوانی مرستیال سعدالدین سعید د چاپېریال ساتنې ملي ادارې په مالي او اداري چارو کې د مرستیال په توګه ټاکل شوی دی.
تازه خبرونه
تحول: په افغانستان کې د ټولګډونه حکومت د جوړولو غوښتنې
تازه خبرونه
د روسیې او چین ولسمشرانو د شانګهای غونډې په څنډه کې وکتل
د شانګهای همکاریو ټولنه په ۲۰۰۱ کې د چین او روسیې لهخوا د منځنۍ آسیا د امنیت لپاره جوړ شوه؛ خو اوس یې اصلي او ناظر غړي زیات شوي او په یوه ډول یې لويدیځ ضد دریځ غوره کړی دی.
![](https://www.ariananews.af/wp-content/uploads/2024/07/rs.png)
ولادمیر پوتین او شي جین پینګ پرون د دواړو هېوادونو د اړیکو پر پیاوړتیا خبرې وکړې. لوېدیځو خبري سرچینو ویلي، دا په تېرو شاوخوا دوه میاشتو کې دوهیم ځل دی، چې پوتین او شي سره مخامخ لیده کاته کوي.
د سیمې د دوه قدرتونو دغو مشرانو د قزاقستان په پلازمېنه استانه کې د شانګهای د دوه ورځنۍ غونډه پرانیسته.
د شانګهای همکاریو ټولنه په ۲۰۰۱ کې د چین او روسیې لهخوا د منځنۍ آسیا د امنیت لپاره جوړ شوه؛ خو اوس یې اصلي او ناظر غړي زیات شوي او په یوه ډول یې لويدیځ ضد دریځ غوره کړی دی.
اړوند خبرونه:
د شانګهای هېوادونو استازیو په تاجکستان کې د افغانستان په اړه د همغږۍ ګډه هوکړه وکړه
د شانګهای ټولنې د اړیکو ډله دې د افغانستان لپاره پخپل حال پاتې شي – پاکستان
-
د هوا حالاتو بدلونونه5 days ago
په هلمند ولایت کې هوا بېساري توده ده
-
تازه خبرونه3 days ago
استرالیا د افغانستان لپاره ځانګړې استازې وټاکله
-
تازه خبرونه5 days ago
په دوحه کې د مدني ټولنو د غونډې ګډونوالو نومونه پټ وساتل شول
-
سوداگري4 days ago
افغانستان او ازبکستان د ګډې سوداګرۍ خونې پر جوړولو هوکړه وکړه
-
سوداگري3 days ago
د ازبکستان او افغانستان خصوصي سکټورونو ترمنځ سوداګریز تړونونه لاسلیک شول
-
تازه خبرونه4 days ago
د پاکستان دفاع وزیر د افغانستان پروړاندې د بریدونو ګواښ وکړ
-
تازه خبرونه3 days ago
د روسیې او چین ولسمشرانو د شانګهای غونډې په څنډه کې وکتل
-
تازه خبرونه5 days ago
د اسلامي همکاریو ټولنې له اسلامي امارت سره د رغنده تعامل غوښتنه وکړه