Connect with us

تازه خبرونه

په ارګ کې د سرو زرو باختري خزانه نندارې ته وړاندې شوه

خپور شوی

د

(Last Updated On: سلواغه ۲۳, ۱۳۹۹)

په ارګ کې دچارشنبې پر ورځ( د سلواغې ۲۲) د ولسمشر اشرف غني په امر د افغانستان د سرو زرو باختري خزانه  نندارې ته وړاندې شوه، چې نه یوازې افغانستان ته مالي، بلکې معنوی ارزښت هم لري.

د افغانستان دا خزانه د مستند تاریخ یوه روښانه بېلګه ده، چې نړۍ ته د دې ټاټوبي لرغونی تمدن او فرهنګ په ډاګه کوي. په دې باختري خزانه کې ۲۱ زره او شپږ سوه اتلس ټوټې زر دي، چې د جوزجان ولایت په طلا تپه غونډۍ کې له شپږ قبرونو څخه د روسيې نومیالي لرغون پېژندونکي ویکتورسیریانیدي د افغان لرغونپوهانو پر ملاتړ کشف او تر لاسه شول.

د باختري خزانې د موزیم مشر فهیم رحیمي د دې ګام موخه د دې خزانې په تړاو را ټوکېدلې اندېښنې لرې کېدل بولي، او ټینګار کوي، چې دا اثرونه ؛ نه یوازې د افغانستان مالي ملاتړ، بلکې د هېواد معنوي ارزښت هم دي.

د سرو زرو تاج د باختري پېر له یوې ښځې سره دوه زره کاله په قبر کې ښخ و؛ خو د دې تاج د پاڼو په څېر ټوټې اوس هم د هغه مهال ځلاند او فرهنګي تاریخ څرګندوي.

د ملي موزیم د کوشاني دورې موزیم ساتوونکی عبدالبصر کامجو وایي: باختري خزانه د کشف له مهاله په تېرو څلور څلوېښت کلونو کې له خطرونو ډک حالت تېر کړی دی او تر وسه د دې خزانې اثرونه، چې سکې، ښکلې شوې غاړکۍ، قیمتي ډبرې، ملا بند، مډالونه او تاجونه دي؛ د اروپایي او آسیایي هېوادونو په ۲۹ موزیمونو کې نندارې ته وړاندې شوي دي.

د ولسمشرۍ د عامه او ستراتیژیکو اړیکو د ادارې مشر وحید عمر ویلي: له هغې وروسته، چې د افغانستان د باختري خزانې په تړاو اندېښنې ډېرې شوې؛ ولسمشر غوښتنه وکړه، چې د دې تاریخي او لرغونو آثارو د نندارې له لارې یې خلکو ته د خوندیتوب ډاډ ورکړي.

د ډاکټر نجیب الله د حکومت له پېره تر دې دمه دا دوه یم ځل دی، چې په افغانستان کې باختر خزانه نندارې ته وړاندې کیږي؛ خو ځینې سیاستوال وایي، چې باید د دې اثرونو د ثبت د څرنګوالي په اړه حکومت سپیناوی ورکړي.

له دې مخکې د ولسي جرګې مشر ویلي، چې د باختر ګنجینه خوندي نده او باید یوه معتبر هېواد ته ولېږل شي.

 

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!