تازه خبرونه
پر امرالله صالح د چاودنې بڼه د حقاني شبکې بریدونو ته ورته ده – اندرابي
د کورنیو چارو وزارت چارسمبالي مسعود اندرابي ویلي؛ د ولسمشر پر لومړي مرستیال امرالله صالح د چاودنې بڼه د لومړنيو معلوماتو له مخې هغو چاودیدونکیو توکو ته ورته ده، چې حقاني شبکې په خپلو تېرو بریدونو کې کارولي.
معلومات ابتدایی نشان میدهد که از آر دی اکس+ اچ ام اس( RDX-HMS + Nitroglycerin) در حمله به جان محترم امرالله صالح معاون اول ریاست جمهوری استفاده شده است. نوعیت مواد و حمله، مشابه به سایر حملاتی است که شبکه حقانی در گذشته مسوولیت میگرفت.
— Masoud Andarabi (@andarabi) September 9, 2020
له چاودنې یو ساعت وروسته طالبانو په یوه خبرپاڼه کې په ډاګه کړه، چې وسلوال طالبان په دې برید کې لاس نلري.
دغه چاودنه نن سهار د کابل ښار د تایمني په اړوند سیمه کې هغه مهال رامنځته شوه، چې د ښاغلي صالح د موترو کاروان د تېریدو په حال کې و.
د ولسمشر لومړي مرستیال امرالله صالح ويلي، چې په دې پېښه کې یې کیڼ لاس لږ څه ټپي شوی او د هغه یو شمېر ساتونکي هم ژوبل شوي دي.
د امنیتي چارواکو د څرګندونو له مخې په دې چاودنه کې، چې ګاز بالونونه هم ورسره چاودیدلي لږ تر لږه ۱۰ کسان وژل شوي او له ۱۵ ډېر نور ټپیان دي.
