Connect with us

تازه خبرونه

پاکستان دوه نور طالب زندانیان خوشې کړل

خپور شوی

د

(Last Updated On: لړم ۲, ۱۴۰۱)

په کابل کې د وسلوالو طالبانو پخواني غړيو هم منلې، چې عبدالصمد ثاني او صلاح الدین دوه طالب قومندانان تازه د پاکستان له بنده خلاص شوي دي.

په افغانستان کې د سولې ټينګښت هغه موضوع ده، چې په دې وروستیو کې په کور د ننه او بهر پرې سیاسي تودې خبرې روانې دي.

د پاکستان خبري رسنیو او اسوشیتید پرس خبري آژانس خبر ورکړی، چې پاکستان دوه طالب قومندانان له بند څخه خوشې کړي دي.

د سرچینې د څرګندونو له مخې؛ عبدالصمد ثاني هغه طالب قومندان دی، چې نوم یې د امریکا په تور نوملړ کې شامل دي. ثاني د طالبانو د واکمنۍ پر وخت د افغانستان بانک رييس و.

دغه راز صلاح الدین یو بل ټيټ پوړی طالب قومندان هم د پاکستان له زندان څخه خوشې شوی دی.

سیاسي کارپوه حسن حقیار وایي: د دغو دواړو طالب مشرانو خوشې کیدل د زلمي خلیلزاد له هڅو سره تړاو لري. طالبانو ترې غوښتي وه، چې یاد طالب مشران دې خوشې کړي.

د پاکستان له بند څخه د دوه طالب قومندانانو د خوشې کیدو راپورونه په داسې حال کې خپريږي، چې امریکا او د سیمې هېوادونه د وسلوالو طالبانو او افغان حکومت د مخامخ خبرو غوښتونکي شوي دي.

یو پخوانی طالب چارواکی وايي، چې د پاکستان له بنده د دوه طالب چارواکو خوشې کیدل د سولې له اوسنیو هڅو سره تړاو نلري.

کابل میشتی پخوانی طالب سید اکبر آغا د دغو دواړو طالب قومندانانو خوشې کیدل تائیدوي؛ خو وایي، چې زما په اند دا کار د خلیلزاد په وړاندیز ندی شوی. دغه کار د باور رامنځته کولو لپاره شوی او د افغانستان د سولې له بهیر سره مرسته کوي.  

له دې مخکې پاکستان طالب مشر ملا عبدالغني برادر له اته کلن بند وروسته خوشې کړی دی.

د افغانستان د سولې عالي شورا هیله ښودلې، چې د پاکستان له بند څخه د طالب قومندانانو له خوشې کیدو سره به د سولې بهیر نور هم ګړندی او ژوندی شي.

د سولې عالی شورا مرستیال عبدالخبیر اوچقون ویلي: فکر کوم، چې پاکستان غواړي د افغانستان د سولې په بهیر کې همکاري وکړي او دغه کسان که د سولې له بهیر ملاتړ څرګند کړي؛ کیدی شي، چې د سولې له بهیر سره مرستندوی شي.

په همدې حال کې د افغانستان د سولې لپاره د امریکا ځانګړي استازی زلمي خلیلزاد هم سیمې ته بیا سفر کړی او په پام کې ده، چې یو ځل بیا به پاکستان، عربي متحده اماراتو او قطر ته سفر وکړي.

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!