Connect with us

تازه خبرونه

پاکستان ومنله، چې له خاورې يې طالبان پر افغانستان د بریدونو لپاره کار اخلي

خپور شوی

د

(Last Updated On: لړم ۲, ۱۴۰۱)

دوه لوړ پوړیو امنیتي چارواکو، چې اسلام آباد ته تللي وه؛ د پاکستان په خاوره کې یې د وسلوالو طالبانو د حضور، د ترهګرو د مرکزونو او د اړوند مدرسو په اړه پاکستاني لوري ته اسناد وړاندې کړي، چې له همدې سیمو پر افغانستان بریدونه پلانیږي.

په کابل کې وروستیو خونړیو پېښو ارګ بې صبره کړ او کورنیو چارو وزیر او ملي امنیت رییس یې د چارشنبې پر ورځ (د سلواغې ۱۱) پاکستان ته ولیږل، چې د طالبانو او ترهګرو د مرکزونو او حضور  په تړاو پاکستاني لوري ته اسناد وړاندې کړي.

پاکستان نه منله، چې په خاوره کې یې ترهګر شتون لري؛ خو دا ځل یې منلې، چې له خاورې یې د طالبانو لخوا پر افغانستان د بریدونو لپاره  کار اخیستل کیږي.

د ملي امنیت لوی رییس محمد معصوم ستانکزی وایي، د پاکستان چارواکو نه منله، چې طالبان په کې خوندي او ډاډمنې ځالې لري او له دغه ځایه یې هڅې رهبري کیږي؛ خو داځل یې رد نکړه، بلکې ومنل شوه.              

د وروستیو بریدونو په تړاو څلور نیول شویو کسانو ملي امنیت ته یو لړ معلومات وړاندې کړي، چې ښیي دوی په پاکستان کې له ترهګرو ډلو سره په اړیکه کې دي او د ملي امنیت په خبره دغه شواهد داسې دي، چې اسلام آباد ترې انکار نه شي کولی.

ستانکزی زیاتوي؛ مونږ په دې وروستیو کې له یو شمېر نیول شویو کسانو څخه، چې له وسلوالو مخالفینو سره  تړلي دي بشپړ معلومات تر لاسه کړي وه، چې له ترتیب وروسته پاکستانیو چارواکو ته وسپارل شول.              

کورنیو چارو وزیر وایي، له پاکستان غوښتل شوي، چې په خپله خاوره کې د ترهګرو پر ضد جدي اقدام وکړي.

د کورنیو چارو وزیر ویس احمد برمک وایي، مونږ له پاکستانیو چارواکو سره په لیدنه کې له هغو وغوښتل، چې د افغانستان د خلکو حوصله نوره پای ته رسیدلې ده.        

ښاغلي برمک ویلي؛ ټاکل شوې، چې راتلونکې اوونۍ یو پاکستانی پلاوی کابل ته راشي او افغان چارواکو ته د پاکستان د اقداماتو په تړاو معلومات وړاندې کړي.

 په کابل کې د پاکستان سفارت وایي، کوم پلاوی، چې کابل ته راځي؛ له ترهګرۍ سره پر مبارزه، سولې او د کډوالو په اړه له افغان چارواکو سره خبرې کوي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!