Connect with us

تازه خبرونه

پاکستان پر طالبانو د بندیز لګولو هڅې پیل کړي

خپور شوی

د

(Last Updated On: )

پاکستان د جمعې پر ورځ د خړ نوملړ د ځانګړیو مالي مرستو FATF د بندیز ماتولو لپاره په قطر کې د طالبانو د سیاسي دفتر د مشر ملا عبدالغني برادر په ګډون پر “ترهګرو” او “ترورستانو پورې اړوند ډلو” بندیزونه ولګول.

په قطر کې د طالبانو د سیاسي دفتر مشر ملا برادر د روان کال د فبرورۍ پر ۲۹ د افغانستان د ۱۹ کلنې جګړې د پای ته رسولو او سولې رامنځته کولو لپاره په دوحه کې له امریکایي پلاوي له مشر زلمي خلیلزاد سره د سولې تاریخي تړون لاسلیک کړی دی.

د پاکستاني رسنیو د راپورونو له مخې؛ حکومت د ترهګرو اړوند بانکي حسابونه او جایدادونه هم ضبط کړي دي او په دې تحریم او بندیز کې پرې نړیوال سفرونه هم بند شوي دي.

د دان نیوز د څرګندونو له مخې؛ پاکستان پر هغو ۸۸ کسانو بندیزونه لګولي، چې د ملګرو ملتونو لخوا یې هم په تور نوملړ کې نومونه راغلي دي.

د پاکستان د بهرنیو چارو وزارت څرګنده کړې: پاکستان د ملګرو ملتونو د امنیت شورا له پرېکړو سره سم پرې بندیزونه لګوي او هیله من یو، چې نور هېوادونه هم دغه کار وکړي.

دغه لارښود په “قانون خبرتیا” نومې ټولګه کې شته، چې د بهرنیو چارو وزارت لخوا په روانه اوونۍ کې خپلې اوبپاڼې ته پورته شوی؛ خو د جمعې تر ورځې پورې یې د خلکو پام ځانته نه و رااړولی.

په دې خبرتیا کې راغلي؛ فدرالي حکومت خوښ دی، چې د ملګرو ملتونو امنیت شورا د ۲۲۵۵ “۲۰۱۵” پرېکړې د پلي کولو امر کوي… په ځانګړي توګه د پورته ذکر شويو اشخاصو او ادارو شتمنۍ باید ضبط،  پر تګ راتګ او آسانتیاوو یې بندیز ولګول شي.

دا اعلامیه د FATF له مهمې غونډې مخکې؛ ځکه خپره شوې، چې د پیسو مینځلو او ترهګرۍ په تمویل کې د پاکستان پرمختګ وارزول شي.

پاکستان له ډېر وخت راپدیخوا د طالب مشرانو په مرسته او ملاتړ تورن دی؛ خو اسلام آباد تل دغه تورونه رد کړي دي.

د یادونې ده، چې پاکستان د ۲۰۱۸ کال له جون راپدیخوا د FATF په خړ نوملړ کې راغلی او ۷ میاشتې مخکې هم وروستی ګواښ ورته شوی دی.

تازه خبرونه

اسلامي امارت له هیچا سره د هیچا پر وړاندې جګړه نه‌غواړي- امیرخان متقي

امیرخان متقي په عمان کې له افغان سوداګرو سره په لیدنه کې ټینګار وکړ؛ اسلامي امارت د نړۍ له ټولو هېوادونو سره ښې اړیکې لري او غواړي، چې افغانستان د منفي سیالۍ د ډګر پر ځای د اقتصاد او ټرانزیټ مرکز شي.

Published

on

(Last Updated On: )

د بهرنیو چارو وزارت چارسمبالی(سرپرست) امیر خان متقي ويلي، چې اسلامي امارت متوازن سیاست خپل کړی او د یو هېواد د راضي کولو لپاره د بل هېواد پر وړاندې جګړه نه‌کوي.

امیرخان متقي په عمان کې له افغان سوداګرو سره په لیدنه کې ټینګار وکړ؛ اسلامي امارت د نړۍ له ټولو هېوادونو سره ښې اړیکې لري او غواړي، چې افغانستان د منفي سیالۍ د ډګر پر ځای د اقتصاد او ټرانزیټ مرکز شي.

هغه وایي: “مونږ يو متوازن سياست لرو.” متوازن سیاست پدې معنا دی، چې مونږ د یو هېواد د خوشحاله کولو لپاره د بل هېواد سره جګړه نه‌ کوو. مونږ د یو هېواد د خوښۍ لپاره د بل هېواد مخالفت نه‌کوو. “مونږ له هرچا سره عادي اړیکې غواړو.”

امیر خان متقي په عمان کې له میشتو سوداګرو او افغانانو سره د خبرو پر مهال ټینګار کړی، چې اسلامي امارت به په داسې ډول امنیت تامین کړي، چې د بهرنیو استخباراتي سازمانونو ته د مداخلې زمینه برابره نشي.

متقي د نظام دننه د اختلافاتو شتون هم ردوي او په دې اړه خبرې مبالغه ګڼي.

نوموړي ویلي: “د شخړو، ګډوډۍ او ناامنۍ شتون رښتیا ندی. که هر څومره تبلیغات وي؛ په عمل کې تاسې ګورئ، چې په کابل، کندهار، مزار، جلال‌آباد او هرات کې هیڅ پېښه نه‌کیږي.”

د اسلامي امارت د ډيپلوماټيکو خدماتو مشر دا هم ويلي، چې عمان ته یې په خپل سفر کې هڅه وکړه، چې د کابل او مسقط ترمنځ د سوداګرۍ او د سوداګريزو اړيکو د پراختيا لپاره لار اواره کړي.

هغه همدارنګه ټینګار کړی؛ د اسلامي امارت له بیا واک ته رسیدو وروسته د نشه‌يي توکو د روږدي کیدو پر وړاندې جدي مبارزه شوې او دوی توانیدلي، چې د ۴۰۰ زره روږدو کسانو درملنه وکړي او ورته کاري زمینې برابرې کړي.

Continue Reading

تازه خبرونه

په امریکا کې سختو توپانونو مرګ او ژوبله رامنځته کړه

د ای‌بي‌سي نیوز د راپور له مخې؛ دغو توپانونو او بوړبړکیو د امریکا په میزوري، آرکانزاس، ټکزاس، اوکلوهوما، کانزاس او میسیسیپي ایالتونو کې ۲۹ کسان ټپیان کړي دي او پراخ مالي زیانونه یې هم رامنځته کړې دي.

Published

on

(Last Updated On: )

امریکایي رسنیو راپور ورکړی، چې د لومړنیو څرګندونو له مخې د دې هېواد په لویدیځو او سویلي سیمو کې سختو توپانونو ۳۳ کسان مړه کړي او ۲۹ نور ټپیان دي.

د ای‌بي‌سي نیوز د راپور له مخې؛ دغو توپانونو او بوړبړکیو د امریکا په میزوري، آرکانزاس، ټکزاس، اوکلوهوما، کانزاس او میسیسیپي ایالتونو کې ۲۹ کسان ټپیان کړي دي او پراخ مالي زیانونه یې هم رامنځته کړې دي.

په راپور کې زیاته شوې، چې تر دې دمه له ۱۲۷ ډېرې توپاني څپې او بوړبړکۍ راغلي، چې سرعت یې په ساعت کې له ۱۳۰ کیلومټرو ډېر ښودل شوی دی.

په راپور کې راغلي؛ توپانونو ۵۰۰ ودانۍ نړولي، د برښنا سیسټم یې خراب کړی او ځنګلي اورونه یې رامنځته کړي دي.

ویل کیږي، چې توپان اوس هم چټک روان دی او میلیونه خلک یې له مالي او ځاني زیانونو سره مخ دي.

Continue Reading

تازه خبرونه

د ملګرو ملتونو امنیت شورا د یوناما ماموریت د غځولو لپاره رایې اچوي

دا په داسې حال کې ده، چې څه وخت مخکې د اسلامي امارت ویاند په افغانستان کې د یوناما ماموریت “ناکام” یاد کړی دی.

Published

on

(Last Updated On: )

د ملګرو ملتونو امنیت شورا نن یکشنبه (د کب شپږویشتمه) څرګنده کړې؛ ټاکل شوې، چې سبا، دوشنبه (د مارچ اووه‌لسمه) په افغانستان کې د ملګرو ملتونو د مرستندویه پلاوي یا یوناما د ماموریت غځولو لپاره د یوې مسودې پر پرېکړه لیک رای اچونه وشي.

دې شورا په یوه راپور کې ویلي: که دا مسوده تصویب شي، نو د یوناما ماموریت به د یو بل کال لپاره پرته له دې، چې خپلې دندې او لومړیتوبونه بدل کړي وغځوي.

د راپور له مخې؛ په دې مسوده کې د یوناما له یو کلن ماموریت سره د بشري حقونو، په ځانګړي توګه د ښځو او نجونو حقونو، ښځې، سوله او امنیت، په افغانستان کې اقتصادي او بشري وضعیت، ترهګري، د مخدره توکو قاچاق، سپکې وسلې، داخلي بې ځایه شوي کډوال او د طبیعي پېښو اغېزې خوندي پاتې دي.

د ملګرو ملتونو امنیت شورا ویلي؛ تمه ده، چې د شورا ټول ۱۵ دایمي او غیر دایمي غړي به ترې ملاتړ وکړي.

دا په داسې حال کې ده، چې څه وخت مخکې د اسلامي امارت ویاند په افغانستان کې د یوناما ماموریت “ناکام” یاد کړی دی.

د اسلامي امارت ویاند ذبیح الله مجاهد د یوناما ماموریت تورن کړی، چې د افغانستان د وضعیت په اړه “منفي او ناسم” راپورونه ورکوي.

مجاهد ویلي، چې د یوناما راپورونو په ملګرو ملتونو کې د افغانستان په اړه “منفي ذهنیت” رامنځته کړی دی.

Continue Reading
Advertisement

Trending

Copyright © 2024 Ariana News. All rights reserved!