تازه خبرونه
پاکستان هند ته د ستونزو د حل لپاره د تلویزیوني بحث وړاندیږ وکړ
![](https://www.ariananews.af/wp-content/uploads/2022/02/Imran-khan.jpg)
د پاکستان لومړي وزیر عمران خان د سې شنبې پر ورځ په ډاګه کړې، چې غواړي له خپل هندي سیال نریندرا مودي سره د دوه اړخیزو اختلافاتو د حل لپاره یوه تلویزیوني بحث وکړي.
د اټومي ځواک لرونکيو سیالانو 75 کاله مخکې ځانونه له خپلواکۍ برخمن کړي؛ خو له هماغې ورځې د شمالي کشمیر پر سر ناندریزې اړیکې پالي او ان درې جګړې یې هم کړې دي.
په دې وروستیو کې یو ځل بیا د دواړو هېوادونو تر منځ د کشمېر په مسلمان میشتې سیمه کې، چې دواړه یې د خپلولو ادعا کوي بیا اړیکې خړې پړې شوې دي.
عمران خان د روسیې ټوډی سرچینې ته په یوه مرکه کې ویلي؛ زه غواړم له نریندرا مودي سره په دې اړه ټلویزیوني بحث او مناظره تر سره کړم.
هغه زیاته کړې، چې دا به د برصغیر د میلیارډ خلکو لپاره هم ګټوره وي؛ خو که اختلافات د بحث له لارې حل شي.
د هند د بهرنیو چارو وزارت په دې اړه دمګړۍ د رویټرز غوښتنې ته له ځواب ویلو ډډه وکړه.
د پاکستان الومړي وزیر عمران خان په ډاګه کړې؛ هند پر یو دښمن هېواد بدل شو، نو له دوی سره د سوداګرۍ کچه هم ډېره راټیټه شوه.
خان ویلي، د هغه د حکومت پالیسي ټینګار کوي، چې له ټولو هېوادونو سره باید سوداګریزې اړیکې ولرو.
د عمران خان د پاکستان سوداګریزې پالیسۍ سره خپله همغږي ښیي او به دې اړه هغه خبریالانو ته ویلي چې هغه له هند سره د سوداګریزو اړیکو ملاتړ کوي او دا کار به د دواړو خواوو د ګټو ښکارندویي وکړي.
خان څرګنده کړې، چې د پاکستان سیمه ییزه سوداګریز غوراوي له لسیزو راپدیخوا محدود پاتې دي؛ ایران یې د سویل لویدیځ ګاونډ هېواد په توګه د امریکا تر بندیزونو لاندې دی او افغانستان هم په لسیزو جګړو کې ښکېل پاتې شو.
پاکستان له خپل شمالي ګاونډ چین سره پیاوړې اقتصادي اړیکې لري، چې د یو کمربند او یوې لارې د نوښت لاندې یې د بېخبناوو او نورو پروژو لپاره د میلیارډونو ډالرو ژمنه کړې ده.
د خان دغه مرکه مسکو ته د سفر په څنډه کې رامنځته شوه. هغه به په تېرو دوه لسیزو کې د پاکستان د لومړي مشر په توګه روسیې ته سفر وکړي او له ولسمشر ولادیمیر پوتین سره به وګوري.
د دواړو هېوادونو د مشرانو د اقتصادي همکاریو او سیمې په اړه دا دوه ورځنۍ خبرې د اوکراین پر سر له اوسني کړکېچ مخکې پلان شوې وې.
خان د اوکراین د روان کړکیچ په اړه ویلي: دا له مونږ سره تړاو نلري؛ مونږ له روسیې سره دوه اړخیزې اړیکې لرو او غواړو، چې پیاوړې یې کړو.
تازه خبرونه
په افغانستان کې باید یو پیچ هم پاتې نهوـ ډونالډ ټرمپ
ټرمپ د دوشنبې پر ورځ په یوه خبري غونډه کې ویلي، چې په افغانستان کې د ډېرو پوځي تجهیزاتو پرېښودل نه یوازې احمقانه کار دی، بلکې پر اوکراین د روسیې د برید یو لامل هم و.
![](https://www.ariananews.af/wp-content/uploads/2024/12/Trump-2.jpg)
د امریکا منتخب ولسمشر ډونلډ ټرمپ د جوبایډن د ادارې پر مشرۍ له افغانستان څخه د دغه هېواد د ځواکونو د ایستلو پر بهیر نیوکه کړې او وایي، چې باید یو پېچ هم ترې پاتې نهو.
ټرمپ د دوشنبې پر ورځ په یوه خبري غونډه کې ویلي، چې په افغانستان کې د ډېرو پوځي تجهیزاتو پرېښودل نه یوازې احمقانه کار دی، بلکې پر اوکراین د روسیې د برید یو لامل هم و.
هغه ویلي: " که زه وای؛ له وقار او ځواک سره به مې ایستل. دوی (اسلامي امارت) به رسم ګذشت نه تر سره کاوه.»
هغه زیاته کړې: "مونږ به هیڅ راز نظامي تجهیزات نه پرېښودل او حتا د ۱۰ سینټ پر ارزښت مو ټول پیچونه راوړل."
په افغانستان کې د امریکا د ۲۰ کلن حضور نامناسب پای تل د جمهوري غوښتونکیو له نیوکې سره مخ شوی دی.
دا په داسې حال کې ده، چې له وتلو وروسته د میلیارډونو ډالرو پر ارزښت امریکايي پوځي تجهیزات او وسلې د اسلامي امارت لاس ته ورغلي دي.
تازه خبرونه
د افغانستان سوړ ژمي اړمنو کورنیو ته ژوند ستونزمن کړی دی – ډبلیوافپي
د خوړو پروګرام د څرګندونو له مخې؛ اړمن افغانان له یو سخت او خطرناک غوراوي سره مخ شوي او نه پوهیږي، چې خپل ماشومان ماړه کړي او که تاوده.
![](https://www.ariananews.af/wp-content/uploads/2024/12/Aid.png)
د خوړو نړیوال پروګرام د دوشنبه پر ورځ ( د لیندۍ شپږویشتمه ) په ایکسپاڼه کې لیکلي، چې د ژمي له رارسېدو سره ډېري افغانان د خوراکی توکو له کمښت سره مخ دي.
د خوړو پروګرام د څرګندونو له مخې؛ اړمن افغانان له یو سخت او خطرناک غوراوي سره مخ شوي او نه پوهیږي، چې خپل ماشومان ماړه کړي او که تاوده.
د خوړو نړیوال پروګرام له دې مخکې ویلي وه، چې په افغانستان کې له څوارلس میلیون ډېر خلک د راروان ژمي لپاره بېړنیو مرستو ته اړتیا لري.
د افغانستان د اقتصاد وزارت ویلي، چې اسلامي امارت د بېوزلۍ د له منځه وړلو لپارهه پر پرمختیايي پروژو کار کوي او نړیوال بنسټونه هم باید د دغو پروژو پر پلي کولو له فقر او بېوسۍ سره مبارزه وکړي.
د اقتصاد وزارت مسلکي مرستیال عبداللطیف نظري په دې اړه ویلي: په لومړي پړاو کې د اسلامي امارت د اقتصاد وزارت له ټولو هغو مرستندویه بنسټونو مننه کوي، چې د افغانستان له خلکو سره یې مرستې کړې او اوس هم روانې دي. په دوهیم پړاو کې د بېې وزلۍ د کمولو لپاره د اقتصاد وزارت پلان دا دی، چې له افغانستان څخه د بېوزلۍ د له منځه وړلو لپاره باید د کارموندنې، بېخبنایي او پراختیایي پروژې په پام کې ونیول شي.
ویل کیږي، چې په افغانستان کې د ملګرو ملتونو د بشري مرستو د همغږۍ دفتر یا اوچا ذ څرګندونو له مخې په افغانستان کې له ۲۳ میلیون اړمنو کسانو څخه په ۲۰۲۴ کال کې یوازې ۱۵ میلیون کسانو ته مرستې رسېدلي دي.
تازه خبرونه
د کابل په دارالامان سیمه کې د ډیپلوماټیک ښارګوټي توپوګرافیکه سروې بشپړه شوه
بهرنیو چارو وزارت ويلي، د دارالامان په اړوند سيمه کې يې د ٣٧١ اعشاریه ۵ جريبه ځمکې سروې کړې ده.
![](https://www.ariananews.af/wp-content/uploads/2024/12/darlaman.jpg)
د ښار او کور جوړونې وزارت د کابل په دارالامان سیمه کې د ډیپلوماټیک ښارګوټي د توپوګرافیکې سروې له بشپړېدو خبر ورکړ.
بهرنیو چارو وزارت ويلي، د دارالامان په اړوند سيمه کې يې د ٣٧١ اعشاریه ۵ جريبه ځمکې سروې کړې ده.
د دغه وزارت د څرګندونو له مخې، دغه ښارګوټی د بهرنیو چارو وزارت په غوښتنه بهرنیو ډیپلوماټانو ته جوړیږي.
-
لوبی2 days ago
آریانا ټلویزیون د ۲۰۲۵ کال د کرکټ اتلانو جام خپروي
-
تازه خبرونه2 days ago
اروپايي ټولنې په افغانستان کې د اقتصادي ودې لپاره نږدې ۲۰ میلیون یورو ځانګړي کړل
-
نړۍ2 days ago
ټرمپ او نتانیاهو پر غزه او سوریه خبرې وکړې
-
نړۍ1 day ago
د سوریې په یوه ډلهییز قبر کې لږ تر لږه ۱۰۰ زره جسدونه براته دي – راپور
-
تازه خبرونه2 days ago
د کابل په دارالامان سیمه کې د ډیپلوماټیک ښارګوټي توپوګرافیکه سروې بشپړه شوه
-
سیمه ییز خبرونه1 day ago
په مسکو کې د روسیې د اټومي دفاعي ځواکونو قومندان د یوې چاودنې له کبله ووژل شو
-
تازه خبرونه2 days ago
اسلامآباد اوس له کابل سره خبرو ته چمتو شو
-
نړۍ3 days ago
د سوریې خلک نوې جګړې ته لېواله ندي- احمد الشرع