سیمه ییز خبرونه
پاکستان د عمران خان د ګوند پر فعالیتونو د بندیز لګولو تر څنګ پر هغه د خیانت قضیه هم ثبتوي
طراړ زیاته کړې؛ حکومت به د پاکستان د اساسي قانون پر اساس د خیانت پر تور د پخواني لومړي وزیر عمران خان او ولسمشر عارف علوي پر ضد هم سترې محکمې ته قانوني غوښتنه وړاندې کړي.
![](https://www.ariananews.af/wp-content/uploads/2024/07/PTI-supporters.jpg)
د پاکستان د اطلاعاتو وزیر د دوشنبې پر ورځ ویلي؛ په پام کې ده، چې حکومت د پخواني لومړي وزیر عمران خان پر سیاسي ګوند بندیز ولګوي او د دغه هېواد ستره محکمه د هغه پر ضد د خیانت تور لګولو ته وهڅوي.
د رویټرز د څرګندونو له مخې؛ د پاکستان د اطلاعاتو وزیر عطاءالله طراړ ویلي؛ پر تحریک انصاف د بندیز لګولو هڅه په پاکستان کې د غیرقانوني سرچینو څخه د بهرنیو پیسو د ترلاسه کولو او تېر کال پر پوځي تاسیساتو د برید له کبله په پام کې نیول شوې ده.
هغه ويلي: وفاقي حکومت به د پاکستان د تحريک انصاف د فعاليتونو د بنديز لپاره اړوند قضیه راپورته کړي.
طراړ زیاته کړې؛ حکومت به د پاکستان د اساسي قانون پر اساس د خیانت پر تور د پخواني لومړي وزیر عمران خان او ولسمشر عارف علوي پر ضد هم سترې محکمې ته قانوني غوښتنه وړاندې کړي.
د عمران خان سلاکار ذوالفقار بخاري ویلي، دا پرېکړه د نرمې پوځي واکمنۍ پر لوري یو ګام دی.
هغه زیاته کړې: دا د وېرې او وحشت نښه ده؛ ځکه دوی پوهیدلي، چې محکمې نشي ګواښلی او فشار نشي راوستلی.
دغه راز پاکستان باید د پیسو نړیوال صندوق څخه د اووه میلیارد ډالرو د ترلاسه کولو لپاره د کرنې عایداتي مالیې دزیاتولو ته ورته اصلاحات وکړي.
د پاکستان سترې محکمې تېره اوونۍ پرېکړه وکړه، چې تحریک انصاف ګوند په پارلمان کې له شل اضافي څوکیو برخمن وګرځوي او پر کمزوري ائتلافي حکومت فشارونه زیات کړي.
د تحریک انصاف نوماندان له هنغې وروسته د آزادو نوماندانو په توګه یوځای شول، چې د فبرورۍ د اتمې نېټې په ټاکنو کې له ګډون منع شول.
د پاکستان د اطلاعاتو وزیر ویلي؛ حکومت به په پارلمان کې د مخصوصو څوکیو د قانوني بیا کتنې غوښتنه وکړي.
د رویټرز د څرګندونو له مخې؛ د عمران خان پر ګوند د بندیزونو په لاملونو کې د واشنګټن هغه هڅه هم اغېزمنه ده، چې د امریکا د استازو مجلس د پاکستان د ټاکنو پر وړاندې د یوه پرېکړه لیک ملاتړ وکړي او د پیسو نړیوال صندوق ته لیک وړاندې کړي، چې دې هېواد ته د مرستو له ورکولو مخکې د ټاکنو په اړه څېړنې وکړي.
د پاکستان د بشري حقونو کمېسیون په ایکس پاڼه کې لیکلي، چې د تحریک انصاف د بندیز پر هڅه خواشیني شوي او حکومت باید خپله پرېکړه بېرته واخلي.
خان، چې د تېر کال له اګست راپدیخوا په زندان کې دی؛ د شنبې پر ورځ د خپلې درېیمې میرمنې سره د غیرقانوني واده له تورونو څخه بري ووت؛ خو وروسته له هغې، چې چارواکو د بیا نیولو امر صادر کړ، په زندان کې پاتې شو.
خان په ۲۰۱۸ کې واک ته ورسېد او په ۲۰۲۲ کې د پاکستان له ځواکمن پوځ سره د خرابو اړیکو وروسته له واکه لرې شو.
سیمه ییز خبرونه
په ایران کې د ترافیکي پېښې له کبله ۵۵ پاکستانیانو ته مرګ او ژوبله اوښتې
دغه مسافر وړونکی بس د سې شنبې پر شپه ( د زمري دېرشمه) د خوزستان د چذابه پولې پر لوري روان و، چې له دې پېښې سره مخ شو.
![](https://www.ariananews.af/wp-content/uploads/2024/08/Pakistani-pilgrims-killed-in-Iran.jpg)
ایراني رسنیو خبر ورکړی، چې په یزد ښار کې د یوه بس د چپه کېدو له کبله لږ تر لږه ۳۵ پاکستاني زیارت کوونکي مړه او ۲۰ نور ټپیان شوي دي.
دغه مسافر وړونکی بس د سې شنبې پر شپه ( د زمري دېرشمه) د خوزستان د چذابه پولې پر لوري روان و، چې له دې پېښې سره مخ شو.
ایراني رسنیو لیکلي، چې په دې بس کې ۵۳ مسافر سپاره ول.
د راپورونو له مخې؛ د بریک په سیستم کې تخنیکي نیمګړتیا، د موټر چلوونکي له لارې سره نه بلدتیا او د موټر زوړوالی د پېښې لامل یاد شوی دی.
پولیس او د ژغورنې ځواکونه د پېښې ځای ته همهاله ورغلي؛ مړي او ټپیان یې د یزد روغتون ته لېږدولي دي.
سیمه ییز خبرونه
د هند لومړی وزیر مودي اوکراین ته سفر کوي
هندي رسنیو خبر ورکړی، چې ښايي مودي په روانه میاشت کې د اوکرراین پلازمېنې کیف ته سفر وکړي.
![](https://www.ariananews.af/wp-content/uploads/2024/08/Modi-zelensky.jpg)
رویټرز راپور ورکړی، چې د هند لومړی وزیر نریندرا مودي به اوکراین ته سفر وکړي.
د هند د بهرنیو چارو وزارت د دوشنبې پر ورځ ویلي؛ دا له روسیې سره د اوکراین له جګړې وروسته دې هېواد ته د هغه لومړنی سفر دی.
دا سفر په داسې حال کې پلان شوی، چې نریندرا مودي نږدې یوه میاشت مخکې په مسکو کې له ولسمشر ولادیمیر پوتین سره لیدلي دي.
د هند بهرنیو چارو وزارت ویلي؛ د دغه سفر جزئیات به وروسته ړاندې شي.
هندي رسنیو خبر ورکړی، چې ښايي مودي په روانه میاشت کې د اوکرراین پلازمېنې کیف ته سفر وکړي.
لویدیځو پلازمېنو په ۲۰۲۲ ز. کال کې پر اوکراین له برید وروسته مسکو له بندیزونو سره مخ کړ؛ خو دوست هېوادونه یې لکه هند او چین ورسره سوداګریزې اړیکې پالي.
په راپور کې راغلي، هند پر اوکراین د روسیې د برید له تور لګولو ډډه کړې؛ ځکه مسکو یې ځانګړي پوځي عملیات بولي، خو له ګاونډ هېوادونو یې د خبرو او ډیپلوماسۍ له لارې د شخړې د حل غوښتنه کړې ده.
امریکا له روسیې سره د هند د اړیکو په اړه اندېښنې راپورته کړې. په ځانګړي توګه په داسې وخت کې، چې واشنګټن هڅه کوي له نوي ډیلي سره د چین پر وړاندې خپلې اړیکې پیاوړې کړي.
نوی ډیلی هڅه کوي له لویدیځ سره خپلې اړیکې ژورې او ورسره همهاله له پخواني ملګري روسیې سره هم اړیکې ټینګې وساتي.
سیمه ییز خبرونه
ایران پر اسرائیلو مستقیم برید ته چمتو دی – آکسیوس
دغې اوبپاڼې د دوه ناڅرګندو سرچینو د څرګندونو له مخې لیکلي، چې د نومونو له ښودلو یې ډډه کړې په ډاګه کوي: نوې استخباراتي ارزونې ښیي، چې دا برید د پنجشنبې پر ورځ په غزه کې د اوربند له خبرو اترو څخه مخکې ترسره کیدی شي.
![](https://www.ariananews.af/wp-content/uploads/2024/08/Iran-ready-to-attack.jpg)
د آکسیوس اوبپاڼې په یوه تازه راپور ښیي، چې ایران پر اسرائیلو مستقیم برید ته چمتو دی او ښايي په راتلونکیو څو ورځو کې ترسره شي.
دغې اوبپاڼې د دوه ناڅرګندو سرچینو د څرګندونو له مخې لیکلي، چې د نومونو له ښودلو یې ډډه کړې په ډاګه کوي: نوې استخباراتي ارزونې ښیي، چې دا برید د پنجشنبې پر ورځ په غزه کې د اوربند له خبرو اترو څخه مخکې ترسره کیدی شي.
د آکسیوس یوې سرچینې، چې د اسرائیلو د استخباراتي ټولنې له وروستۍ ارزونې څخه خبر دی دې اوبپاڼې ته ویلي، چې وضعیت اوس هم د بدلون په حال کې دی؛ خو د تېرو ۲۴ ساعتونو ارزونه یو بدلون پر ګوته کوي.
د نوموړي د څرګندونو له مخې؛ په ايران کې داخلي بحثونه روان دي او ښايي د ايران حکومت خپله پرېکړه بدله کړي.
دې اوبپاڼې د خپلو سرچینو د څرګندونو له مخې زیاته کړې؛ د اسرائیلو استخباراتي ټولنه هم پدې باور ده، چې د لبنان حزب الله به لومړی پر اسرائیلو برید وکړي او بیا به ایران مستقیماً پر اسرائیلو برید وکړي.
د دغو سرچینو د څرګندونو له مخ؛ د حزبالله او ایران لهخوا دا بریدونه به شاید د ایران د سپاه پاسداران د بې پیلوټه الوتکو او راکټونو پر پرتله پراخ وي او د ملکي وګړو مرکزونه هم پر نښه شي.
د اکسيوس په دې راپور کې دا هم ويل شوي؛ تېره اوونۍ د اسرائيلو استخباراتي چارواکي دې پایلې ته ورسېدلي، چې ايران تر اوسه د خپل ځواب د وخت او ماهيت په اړه پرېکړه نده کړې او نړيوال فشارونه او کورني بحثونه ښايي د دې هېواد پر رهبر علي خامنهیي فشار راوړي، چې د اسرائیلو پر وړاندې له غچ اخیستنې تېر او یا یې وځنډوي.
په ملګرو ملتونو ته د ایران استازي په یوه خبرپاڼه کې اعلان کړی؛ مونږ هیله لرو، چې زمونږ غبرګون به شوني اوربند ته زیان ونهرسوي او اسلامي جمهوریت به د حماس د هرې پرېکړې ملاتړ وکړي.
اکسیوس دا هم لیکلي، چې د اسرائیلو دفاع وزیر یوآو ګالانټ د یکشنبې پر ورځ د امریکا د دفاع له وزیر لویډ آسټین سره په خبرو کې ویلي؛ د ایران پوځي چمتووالی ښیي، چې د ایران حکومت د یوه ستر برید لپاره چمتووالی نیسي.
په تهران کې د اسماعیل هنیه له وژل کېدو او په بیروت کې د لبنان د حزبالله د مشر فواد شیکر له وژل کېدو وروسته امریکا پراخې ډیپلوماټیکې هڅې وکړې، چې د ایران او د پلوي ډلو د غچ اخیستنې مخه ونیسي او اسرائیل او حماس بېرته خبرو ته حاضر کړي.
له دې مخکې علي خامنهیي او نورو ایراني پوځي او سیاسي چارواکو ټینګار کړی، چې د اسرائیلو پر ضد به لوی غچ واخلي.
-
تازه خبرونه3 days ago
له چین سره د کاشغر – کابل سوداګریزه لار پرانیستل شوه
-
نړۍ5 days ago
اسرائیلو په غزه کې د جګړې د پای ته رسولو لپاره د امریکا وړاندیز ومانه – امریکا
-
تازه خبرونه4 days ago
په افغانستان کې له ۲۳ میلیون ډېر خلک بشري مرستو ته اړتیا لري – یونیسف
-
روغتيا5 days ago
افغانستان د بیزوتڼاکې ناروغۍ د مخنیوي هڅې پیل کړې
-
تازه خبرونه3 days ago
ایران او افغانستان له مخدره توکو سره د مبارزې په اړه ګډه هوکړه وکړه
-
لوبی4 days ago
د آسيايي فوټبال سياليو په لړکې نن شپه افغان ملي لوبډله له تاجکستان سره لوبیږي
-
سیمه ییز خبرونه4 days ago
په ایران کې د ترافیکي پېښې له کبله ۵۵ پاکستانیانو ته مرګ او ژوبله اوښتې
-
لوبی3 days ago
د افغانستان فوټبال له ۱۷ کلنو ټیټ عمره ملي لوبډلې د آسیا اتلولۍ پایلوبې ته لار وموندله