تازه خبرونه
ټاکنیزو بنسټونو ته د غړیو د ورپېژندنې ۷ ورځنی بهیر پیل شو
ولسمشرۍ ماڼۍ وایي؛ په ټاکنیزو کمیسیونونو کې د غړیتوب لپاره د نوماندانو د معرفي کولو بهیر پیل شوی، چې اووه ورځې به روان وي.
د ټاکنو قانون د تعدیل طرحه د ټاکنیز نظام د سمون لپاره مثبت ګام یادشوی، چې پر بنسټ یې د ټاکنیزو کمیسیونونو غړي او رییسان له دندو لیرې او نوي مشران به غوره شي.
د ولسمشر د ویاند مرستیال سید شاه حسین مرتضوي وایي، په عدلیې وزارت کې ثبت شوي سیاسي ګوندونه او مدني بنسټونه باید خپل نوماندان د نوي هعدیل شوي قانون پر بنسټ ولسمشرۍ ماڼې ته وروپېژني.
د ټاکنیزو خپلواکو کمیسیونونو رییسان او کمیشنران له دندو لیرې کړای شول او چارې یې د ولسمشرۍ د فرمان له مخې د نویو رییسانو تر ټاکلو د دارالانشا رییس اداره کوي. دغه راز د ځینو ولایتونو د ولسي جرګې ټاکنو د وروستیو پایلو اعلام هم ندی شوی او د ننګرهار په ګډون په یوشمېر ولایتونو کې د وروستیو پایلو د اعلام په وړاندې لاریونونه وشول او د دغو پایلو د باطلولو غوښتنه کوي.
د ټاکنو خپلواک کمیسیون د رییس او کمیشنرانو له ګوښه کیدو وروسته هم دا کمیسیون وایي، چې د پاتې ولایتونو د ولسي جرګې ټاکنو د وروستیو پایلو د اعلام په تړاو کارونه روان دي.
د ټاکنو خپلواک کمیسیون د ویاند مرستیال عبدالعزیز ابراهیمي وایي، چې وروستۍ پایلې به د نوي مشرتابه او یاد دارالانشا د رییس لخوا اعلام شي، چې په اړه یې کار هم روان دی.
د ټاکنو څارونکي بنسټونه د دارالانشا د رییسانو لخوا د ټاکنیزو بنسټونو اداره کیدل بېړنۍ پرېکړه ګڼي او وایي، تخنیکي او عملیاتي مسایل باید د دوی لخوا پر مخ ولاړ نشي.
د افغانستان د آزادو او عادلانه ټاکنو بنسټ اجرائیه رییس یوسف رشید وایي، چې د نوي مشرتابه تر راتګه پورې دې د ټاکنیزو کمیسیونونو چارې ودرول شي؛ ځکه، چې نوي کمیسیونونه چارې پر پټو سترګو تصویبولی نشي.
اوس داسې اندېښنې را منځته شوي، چې موجودو ستونزو ته په کتو به پر ټاکلې نېټه ټاکنې امکان ولري او که نه؟
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ2 days ago
د جاپان دوه پوځي چورلکې بحر ته وغورځېدې
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
تازه خبرونه12 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
لوبی1 day ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
سوداگري24 hours ago
د اوسپنې پټلۍ له لارې ترکیې ته د افغانستان صادرات پیل شول
-
نړۍ10 hours ago
د مالیزیا بحري ځواکونو د چورلکو په ټکر کې ۱۰ کسان مړه شول