تازه خبرونه
ټاکنو کمیسیون د اطلاعاتو د لیږد پر بدیل پروګرام کار کوي
ټاکنو خپلواک کمیسیون د دارالانشا رییس ویلي، چې کمیسیون د معلوماتو مرکزي بانک ته د بایوومتریکي دستګاوو د اطلاعاتو د لېږد پر بدیل پروګرام کار کوي.
له ټاکنو وروسته دوه یم کار د ټاکنو کمیسیون د معلوماتو بانک ته د بایوومتریک دستګاوو د اطلاعاتو انتقال دی، چې له ۱۳ ورځو وروسته هم د ټکنيتوب له کبله ندی بشپړ شوی.
ټاکنو کمیسیون د دې ستونزې د حل لپاره له درملوګ کمپنۍ مرسته غوښتې او دې کمپنۍ مشوره ورکړې، چې دا اطلاعات باید په کمپیوتر کې د بایومتریک دستګاوو د حافظې په کېښودو د معلوماتو مرکزي بانګ ته ولیږدول شي.
د ټاکنو خپلواک کمیسیون کمیشنره رحیمه ظریفي وایي، کارونه پڅ ول؛ خو دریدلي ندي. کله، چې مو پڅ کار ولید؛ په بیړه مو له درملوګ کمپنۍ مرسته وغوښته.
د ټاکنیزو ډلو څاروونکي که څه هم د کارونو د چټکتیا لپاره دا وړاندیز ګټور بولي؛ خو د دې بهیر پر سمه څارنه ټینګار کوي.
د ثبات او همپالنې ټاکنیزې ډلې څارونکی یونس نواندیش وایي، چې مونږ د رایو خوندیتوب له چټکتیا نه ځاروو. په هغه صورت کې، چې پوښتنه وي او دغه بهیر زیانمنیږي؛وبه نه منل شي.
د سولې او اسلامي عدالت ټاکنیزې ډلې څارونکی شیر آغا روحاني ویلي؛ هغه رایې، چې بایومتریکي دي ټولو ته سره کرښه ده. رایی پاڼې، چې سره پرتله شي؛ په معلوماتو کې ستونزه نشته.
د ټاکنو خپلواک کمیسیون د دارالانشا مشر ویلي، چې تر اوسه د ۲۳ زره بایوومتریک دستګاوو اطلاعات د دې بنسټ د معلوماتو مرکزي بانک ته لیږدول شوي دي.
د یادونې ده، چې زیاتره ټاکنیزې ډلې او ټاکنو خپلواک کمېسیون د بایوومتریک شویو رایو پر اعتبار ټینګار کوي؛ خو ټاکنیز څارونکي له بایومتریک شویو رایو د نابایومتریک رایو د بېلولو لپاره وخت لږ بولي.
تازه خبرونه
د حکومت او رسنیو ترمنځ باید واټن نهوي – ستانکزی
شېرمحمد عباس ستانکزي په کابل کې د اسلامي نظام په ټینګښت کې د رسنیو رول تر سرلیک لاندې په یوه سیمینار کې زیاته کړې؛ رسنۍ د نړۍ په تبلیغاتي جګړه کې بنسټیز رول لوبوي او پر اسلامي امارت لازمه ده، چې پرې له فشارونو ډډه وکړي او پرېږدي، چې رسنۍ د هېواد په پرمختګ او هوساینه کې خپل رول په آزاده توګه ولوبوي.
د بهرنیو چارو وزارت سیاسي مرستیال شېرمحمد عباس ستانکزي ويلي، له رسنیو باید داسې ملاتړ وشي، چې د حکومت او دوی ترمنځ واټن رامنځته نشي.
شېرمحمد عباس ستانکزي په کابل کې د اسلامي نظام په ټینګښت کې د رسنیو رول تر سرلیک لاندې په یوه سیمینار کې زیاته کړې؛ رسنۍ د نړۍ په تبلیغاتي جګړه کې بنسټیز رول لوبوي او پر اسلامي امارت لازمه ده، چې پرې له فشارونو ډډه وکړي او پرېږدي، چې رسنۍ د هېواد په پرمختګ او هوساینه کې خپل رول په آزاده توګه ولوبوي.
نوموړي په دې اړه ویلي: " د دوی (رسنیو) ستونزې باید واورېدل شي، د دوی غږ باید واورېدل شي، د دوی لپاره باید داسې چاپېریال برابر شي، چې په ازاده توګه خپل کارونه ترسره کړي."
ستانکزي زیاته کړې، د هېواد د رسنیو په اړه باید داسې نظر وي، چې دواړه لوري یو بل ته د اجنبی په سترګه ونهګوري او اسلامي امارت پر رسنیو له فشار راوړلو ډډه وکړي او رسنیو ته اجازه ورکړي، چې په خلاص لاس کار وکړي.
د اطلاعاتو او فرهنګ وزارت مسوولينو هم په دې سيمينار کې ويلي، چې له ازادو رسنيو سره يې د ټکر لار نده غوره کړې او دغه وزارت له دوى سره هر راز همکارۍ ته ژمن دى.
د سیمینار برخهوالو له رسنیو هم وغوښتل، چې نړۍ ته د افغانستان د مثبت انځور په ځلولو او انعکاس کې له هیڅ راز هڅې ډډه ونکړي.
دا سیمینار په داسې حال کې جوړیږي، چې رسنۍ د ملي ګټو او اسلامي ارزښتونو په چوکاټ کې د بیان ازادۍ او مثبتو فعالیتونو انعکاس ته ژمنې دي.
تازه خبرونه
له ازبکستان سره د ۲۰۲۵ ز.کال لپاره د برښنا د پېرودلو تړون لاسلیک شو
دغه تړون تاشکند ته د دغه شرکت د عمومی رییس عبدالباری عمر پر مشرۍ د اسلامی امارت د پلاوي له سفر او د دغه هېواد له چارواکو سره له خبرو اترو وروسته لاسلیک شو.
د افغانستان برښنا شرکت څرګنده کړې، چې له ازبکستان سره د ۲۰۲۵ ز. کال لپاره د برښنا د پېرودلو تړون لاسلیک شوی دی.
دغه تړون تاشکند ته د دغه شرکت د عمومی رییس عبدالباری عمر پر مشرۍ د اسلامی امارت د پلاوي له سفر او د دغه هېواد له چارواکو سره له خبرو اترو وروسته لاسلیک شو.
د افغانستان برښنا شرکت ویاند حکمت الله میوندي ویلي: " د افغانستان برښنا شرکت عمومي رییس د یوه پلاوي پر مشرۍ ازبکستان ته تللی و او په ازبکستان کې یې د برښنا له مسوولانو سره په کتنه کې د ۲۰۲۵ ز.کال لپاره د برښنا د پېرودلو تړون لاسلیک کړ."
یو شمېر پانګوال له اسلامي امارت څخه غواړي؛ د ۵۰۰ کیلو ولټ برښنا په اړه دې له ازبکستان سره خبرې وکړي او دغه پروژه ژر تر ژره بشپړه کړي، چې په هېواد کې د برښنا د کمښت ستونزې یوه برخه اواره شي.
د افغانستان برښنا شرکت ویلي، چې افغان پلاوي له ازبکستاني چارواکو سره د ۵۰۰ کیلو ولټ برښنا د لېږد پروژې په اړه، چې د سرخان- پلخمري- دشت الوان څخه د کابل تر ارغندي او د ننګرهار شیخ مصري ته، چې د ۸۰۰ څخه تر ۱۰۰۰ میګاواټه برښنا د لېږد ظرفیت لري په اړه هم خبرې کړې دي.
تازه خبرونه
څار: د مهاجرو نولواله ورځ
-
لوبی3 days ago
آریانا ټلویزیون د ۲۰۲۵ کال د کرکټ اتلانو جام خپروي
-
تازه خبرونه3 days ago
اروپايي ټولنې په افغانستان کې د اقتصادي ودې لپاره نږدې ۲۰ میلیون یورو ځانګړي کړل
-
نړۍ2 days ago
د سوریې په یوه ډلهییز قبر کې لږ تر لږه ۱۰۰ زره جسدونه براته دي – راپور
-
نړۍ3 days ago
ټرمپ او نتانیاهو پر غزه او سوریه خبرې وکړې
-
لوبی2 days ago
آریانا زاډیو ټلویزیون د IPL سیالیو د خپرولو تړون لاسلیک کړ
-
سیمه ییز خبرونه2 days ago
په مسکو کې د روسیې د اټومي دفاعي ځواکونو قومندان د یوې چاودنې له کبله ووژل شو
-
تازه خبرونه3 days ago
د کابل په دارالامان سیمه کې د ډیپلوماټیک ښارګوټي توپوګرافیکه سروې بشپړه شوه
-
تازه خبرونه3 days ago
اسلامآباد اوس له کابل سره خبرو ته چمتو شو