تازه خبرونه
ټاکل شوې د کابل او تهران تر منځ د هر اړخیزو همکاریو سند لاسلیک شي- سرچینې
یو شمېر سرچینو آریانا نیوز ته ویلي؛ ټاکل شوې، چې په راتلونکیو درې میاشتو کې دننه د کابل او تهران تر منځ د هر اړخیزو همکاریو سند لاسلیک شي.
د هر اړخیزو همکاریو د سند له مخې؛ ایران له افغانستان سره په اقتصادي، فرهنګي، ښونیزو، او د امنیتي ګواښونو د لیرې کولو په برخو کې همکاري کوي او پرځای یې غواړي، چې افغانستان د هامون او هیرمند د اوبو په اړه له خپل دریځ تېر شي.
د افغانستان بې پوښتنې اوبه! آیا کابل او تهران د هیرمند د اوبو په اړه کومې هوکړې ته رسیدلي؟
د اوبو او برښنا وزارت پخواني وزیر علي احمد عثماني ویلي؛ بېوسه هېواد، چې د مالکیت حق غواړي؛ باید ثابته کړي، چې حق لري او یا شونې وي، چې حق ثابتولی شي. کلونه یې له دې اوبو ګټه اخیستې او، چې ثابته یې نکړه بیا؛ نو خبر خلاصه ده.
دا هراړخیز سند څه شی دی؟
دا سند د ۵ کمیتو لرونکی دی؛ د اوبو کمیته، د کډوالو چارو کمیته، فرهنګي کمیته، امنیتي کمیته او د اقتصاد و ترانزیت کمیته.
افغانستان او ایران څو کاله مخکې د دغه سند د لاسلیک په اړه خبرې پیل کړي؛ هغه مهال حنیف اتمر د ملي امنیت شورا سلاکار و او اوس، چې د بهرنیو چارو وزارت ته راغلی؛ نو ټاکل شوې، چې تر راتلونکیو درې میاشتو دا سند وروستی او لاسلیک شي.
د ایران د بهرنیو چارو وزارت مرستیال عباس عراقچي ویلي؛ پر اوبو د شخړې پر ځای باید د دواړو هېوادونو تر منځ همکاري رامنځته شي. دا به سمه نه ، چې د پولې د یوې خوا خلک تږي وي او بله خوا ښه خړوبه!
بهرنیو چارو وزارت په دې اړه له ځواب ویلو ډډه کړې؛ خو تمه لري، چې د دې سند لاسلیک به د دواړو هېوادونو ترمنځ د اوبو ننګونه پای ته ورسوي.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه16 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
نړۍ14 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
سوداگري1 day ago
د اوسپنې پټلۍ له لارې ترکیې ته د افغانستان صادرات پیل شول