Connect with us

تازه خبرونه

ولسمشر غني په هلمند کې د قهرمان او صالح محمد اڅکزي له کورنیو سره خواخوږي څرګنده کړه

خپور شوی

د

(Last Updated On: لړم ۳, ۱۴۰۱)

ولسمشر د ارواښاد عبدالجبار قهرمان او ارواښاد صالح محمد اڅکزي له کورنیو سره د خواخوږۍ څرګندولو تر څنګ له پوځي، امنیتي او سیاسي مسوولینو او دغه راز له قومي مشرانو، ښځو او ځوانانو سره هم په بېلابېلو غونډو کې لیده کاته تر سره کړل.

ولسمشر غني د یوه لوړ پوړي دولتي پلاوي په مشرۍ د هېواد بېلابېلو ولایتونو ته د سفر په لړ کې نن سهار د هلمند ولایت مرکز لښکرګاه ته ورسید؛ خو له رسیدو سم یې  په سل مترۍ کې توغندي ولګیدل.

ولسمشرۍ په ډاګه کړې، چې ولسمشر اشرف غني نن له غرمې مخکې هلمند ولایت ته د خپل سفر په لړ کې  له امنیتي او دفاعي مسوولینو سره وکتل.

د خبرپاڼې له مخې؛ ولسمشر اشرف غني په هلمند ولایت کې د امنیتي او دفاعي ځواکونو ترمنځ له همغږۍ څخه د مننې ترڅنګ د ولسي جرګې په ټاکنو کې د دوی د غوره مدیریت ستاینه هم وکړه.

هغه د هلمند په قول اردو کې پر رامنځته شویو بدلونونو خوښي څرګنده کړې او په قول اردوګانو کې یې د منسوبینو پر ښوونیزو، روزنیزو او د وړتیاوو پر لوړولو ټینګار څرګند کړ.

ولسمشر غني په لښکرګاه ښار کې د هلمند ولایت له مشرانو سره وکتل.

ولسمشر په ټاکنو کې د فعال ګډون په خاطر د هلمند ولایت د مشرانو او خلکو له همکاریو قدردانی وکړ او زیاته کړې یې ده، چې په ټاکنو کې لاسوهنه د منلو نه ده او هرڅوک، چې د ټاکنو په چارو کې لاسوهنه کوي، د قانون او ولسمشر پر وړاندې دریدلي دي.

ولسمشر اشرف غني له ځوانانو سره په لیدنه کې وویل، زه به د ځوانانو د پیاوړتیا او د افغانستان په ادارو کې د ځوانانو د کار کولو لپاره له ټولو امکاناتو کار واخلم.

هغه دغه راز ویلي، چې ځوان نسل په امنیت، معارف، روغتیا او زراعت کې اصلاحات غواړي او زمونږ تګلاره له اختطاف څخه د دولت ژغورل دي.

د هېواد ولسمشر د غه راز د ولایتي شورا د غړیو د غوښتنو په ځواب کې څرګنده کړه؛ د کجکي بند د پراختیا کار به ډېر ژر پیل شي؛ ځکه ترکي شرکت د ۱۷۵ میلیون دالرو پر ارزښت چمتو دی، چې پانګونه پرې وکړي.

ولسمشردا هم په ډاګه کړې، چې کجکي بند  به د یو میلیارد متر مکعب اوبو د زیرمه کولو وړتیا ولري.

هغه ویلي، چې، د زمین‏داور کانال مطالعه هم په وروستیو پړاونو کې ده او د دغه کانال د فعالولو لپاره جدي اراده شته.

دغه راز په خبرپاڼه کې راغلي؛ ولسمشر د خلکو او امنیتي او دفاعي ځواکونو ترمنځ د باور  جوړولو تجربه، چې د دغه ولایت په امنیت کې د مثبت بدلون لامل شوې وستایله او دا ټینګار هم شوی، چې له دغې تجربې څخه دې په ټولو ولایتونو کې ګټه واخیستل شي.

 طالبانو د توغول شویو توغندیو  مسوولیت پر غاړه اخیستی؛ خو د امنیتي چارواکو لخوا په دې  اړه کره معلومات ندي ورکړ شوي.

د یادونې ده، چې دوه اوونۍ مخکې په دې ولایت کې صالح محمد اڅکزی او بیا عبدالجبار قهرمان د طالبانو په بریدونو کې وژل شوي دي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!