تازه خبرونه
ولسمشر غني د شانګهای په ناسته کې د طالبانو له اوربنده هرکلی وکړ
د شانګهای د غړیو هېوادنو د همکاریو د سازمان په دوره ورځنۍ ناسته کې د سیمې او افغانستان پر سیاسي او اقتصادي وضعیت خبرې اترې تر سره شوې.
په دغه ناسته کې ولسمشر غني د سولې او ثبات په اړه د سیمې د هېوادونو او له تروریزم سره پر ګډې مبارزې ټینګار وکړ.
افغان ولسمشر محمد اشرف غني ویلي، چې: له پاکستان سره د خبرو اترو په ترڅ کې مونږ د یوه هوکړه لیک لاسلیک رامنځته کړه، چې د افغانستان او پاکستان د سولي او پخلاینې لپاره د عملي پلان په نوم یادیږي او دغه پرېکړه لیک د ۲۰۱۸ کال د مې په ۱۴ لاسلیک شو. اوس د پام وړ موضوع یې عملي کول دي، چې د تاوتریخوالي د کموالي، له تروریزم او نشه یې توکو سره مبارزه او د سولي په برخه کې د سیمي د هېوادونو د همکاریو سبب شي.
بلخوا ولسمشر غني د یوې اعلامي په ترڅ کې د طالبانو له لورې د موقت اوربند د علان هرکلی وکړ.
ولسمشر اشرف غني وایي: له قید او شرط پرته زمونږ د سولې وړاندیز جامع دی او مونږ خوشحاله یو، چې تېره ورځ وسلوالو طالبانو له مونږ سره د مرستې لپاره اوربند وکړ.
ښاغلی غني د سیمې په بازارونو کې د افغانستان د سوداګرۍ د پرمختګ لپاره د چین او هند له مرستو هم هرکلی وکړ.
نوموړي ویلي، چې: مونږ افغانستان د سمیي له بازارونو سره د نښلولو په موخه د چین د ولسمشر شي جي پینګ او د هند د لومړي وزیر نارندرا مودي له پرېکړې هر کلۍ کوو او دا له افغانستان سره مرسته کوي، چې سوداګري یې وغوړیږي.
دغه راز چین د شانګهای له غړیو هېوادونو وغوښتل، چې د افغانستان د سولې او ثبات د ټینګښټ لپاره نور رغنده ګامونه پورته کړي.
د چین ولسمشر شی جې پینگ ویلي: چین په افغانستان کې د امنیتي وضعیت له کړکیچن کیدو اندېښنه لري او مونږ د شانګهای له غړیو هېواونو غواړو، چې په افغانستان کې د سولي او ثبات د ټینګښټ لپاره خپله ونډه زیاته کړي.
د دغې ناستې په څنډه کې ویل کیږي ولسمشر د سمیي د هېوادونو له مشرانو سره هم خبرې کړې، چې په افغانستان کې د امنیتي، سیاسي او اقتصادي ثابت لپاره د دوی ملاتړ ترلاسه کړي.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
تازه خبرونه1 day ago
راشد خان د افغان بیسیم سوداګریز سفیر شو