تازه خبرونه
هېواد ته د ژوندیو چرګانو وارداتو ګڼې ننګونې رامنځته کړي
د افغانستان د چرګانو د فارمونو ټولنې مسوولین وايي، د چرګانو د غوښو د تولید او روزنې په برخه کې مو نږدي یو میلیارد دالر پانګونه کړي؛ خو اوس هم د چرګانو د واردولو مخنیوی ندی شوی.
د افغانستان د چرګانو د غوښو د تولید او فارمونو ټولني مسوولینو ويلي؛ تر اوسه يي په هېواد کې ۹۶۸ میلیون دالر پانګونه کړي.
دوۍ زیاتوي؛ افغانستان د چرګانو د غوښې کلنۍ اړتیا۲۹۰ متریک ټنه ده، چي ۲۱۹ زره متریک ټنه یې په کور دننه تولیدکیږي. که له ګاونډ هېوادونو څخه افغانستان ته د ژوندیو چرګانو واردات بند شي؛ خصوصي سکتور به نوره پانګونه هم وکړي.
د چرګانو د غوښو د تولید او روزنې ټولنې رییس معروف ظریف وایي؛ مونږ حاضر یو، چې دغه تشه ډکه کړو او نوره پانګونه هم تر سره کړو په دې سکتورکي؛ خو که حکومت مو غوښتنې ومنې فقط د ژوندیو چرګانو پر وارداتو دې بندیز ولګوي.
د کرني او مالدارۍ وزارت مسوولینو ويلي، چې د چرګانو د فارم لرونکیو د ملي ټولني د مسوولینو له ستونزو خبر دي او د حل لپاره يي له اړوند ادارو سره خبرې رواني دي.
د کرنې او مالدارۍ وزارت ویاند اکبر رستمي وایي؛ مونږ له نږدي د چرګانو د تولید د پراختیا لپاره په هڅه کې یو. کله، چي کورنی تولید مو لوړ شي؛ نو مونږ به پر وارداتو تعرفه لوړه کړو.
د خصوصي فارمونو ټولنې مسوولین وايي، چې د هېواد په کچه ۷۰۰۰ د چارګانو د غوښو د تولید فارمونه شته او په نږ دي راتلونکي کې به په دې برخه کې نوره پانګونه هم تر سره کړي.
خبریال: اسلم حجاب
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
تازه خبرونه24 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
نړۍ22 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
لوبی23 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري