تازه خبرونه
هېوادوال له هدفي وژنو اندېښمن شوي او پوښتي، چې بله موخه به څوګ وي؟
په ټول هېواد په ځانګړي توګه د کابل کې د مدني ټولنې د هڅاندو، خبریالانو او د حکومتي کارمندانو وژنو جدي اندېښنې راپارولي دي.
دا په داسې حال کې ده، چې نن د فیفا بنسټ اجرائیوي مشر یوسف رشید د کابل ښار د اوومې امنیتي حوزې د ټنیکوټ په اړوند سیمه کې د ناڅرګندو وسلوالو پر ډزو له خپل موټر چلوونکي سره وژل شول، چې له کبله یې ملي او بهرني غبرګونونه راوپارېدل.
دغې وژنې د کابل ښار د امنیت په اړه د ښاري اوسیدونکیو اندیښنې نورې هم دېرې کړې.
دا اندېښنې ان دې پړاو ته رارسېدلي، چې په تولنیزو رسنیو کې کابل ښاریانو پوښتلي، چې: بله موخه به څوک وي؟
په ټولنیزو رسنیو کې د کابل یوه اوسیدونکي څرګنده کړې، چې د یوسف رشید له وژنې وروسته به څوک موخه وي؟ زه یا ته؟!
د ټولنیزو رسنیو د فیسبوک یو بل هڅاند څرګنده کړې؛ قومندانان چیرته دي؟! مشران چېرته دي؟! مسوولین چېرته دي؟! چې د افغانستان د ژغورلو ټتر یې واهه! نن مو که ورور ترور شو، سبا زما وار دی او بله ورځ ستا ! یوه ورځ د افغانستان پلورنې له پیسو څخه له جوړوشویو ماڼیو را کښته شئ او د ژغورلو لپاره جهاد وکړئ! دا حکومتونه او کاواکه واکمنۍ د تروریزم مخه نشي نیولی.
د کابل یو شمېر نور اوسیدونکي بیا د هدفي وژنو او نښلیدونکیو ماینونو د چاودنې پړه پر طالبانو اچوي او وايي، چې دا ډله چوپه ټولنه غواړي او د رسنیو کارمندان او د مدني ټولنې هڅاند موخه ګرزوي.
د کابل نور اوسيدونکي څرګندوي، چې يوسف رشيد د فساد او ټاکنيزو بې نظميو يو رښتینې نيوکه کوونکی و.
تر دې دمه د یوې پیښې مسوولیت هم هیچا ندی منلی.
دا په داسې حال کې ده، چې کابل ښاریان هره ورځ د عامو او ملکي وګړیو، روغتیایي او پوځي، سیاسي او اقتصادي مخکښانو د وژنو لیدونکي دي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ