تازه خبرونه
هیچاته د صحرایي محاکمې اجازه نه ورکول کیږي- مولوي عبدالسلام حنفي

د لومړي وزیر دوه یم مرستیال عبدالسلام حنفي د افغانستان لپاره د ملګروملتونو د ځانګړې استازې ډیبرا لاینز سره په کتنه کې ژمنه کړې، چې هیچا ته به د صحرايي محاکمې اجازه ورنکړ شي.
د سې شنبې پر ورځ په دې کتنه کې د ځانګړې استازې مرستیال ډاکټر رمیزالاکبروف او ورسره مل پلاوي هم ګډون درلود او پر بېلابېلو موضوعاتو خبرې وشوې.
د لومړي وزیر دوه یم مرستیال مولوي عبدالسلام حنفي د افغانستان لپاره د ملګرو ملتونو له ځانګړې استازې ډيبرا لاينز سره کتلي او هغې ته یې ډاډ ورکړی، چې هېچا ته به اجازه ورنکړ شي، چې څوک صحرايي محاکمه کړي.
مولوي حنفي ټینګار کړی، چې که څوک دا کار وکړي؛ له سرغړوونکیو سره قانوني چلند کیږي.
نوموړي د اسلامي امارت او ملګرو ملتونو د ارګانونو ترمنځ پر اړیکو او همغږۍ رامنځته کولو ټينګار کړی او ویلي یې دي، چې د فساد او ګډوډیو مخه باید ونیول شي.
مولوي عبدالسلام حنفي د ملګروملتونو استازې او ورسره مل پلاوي ته ويلي: د بېلابېلو موسسو لخوا قرارداد شوې نيمګړې پروژې بايد بشپړې شي، چې خلک ترې ګټه پورته کړي او له اقتصادي پلوه د زيانمن شويو قرارداديانو معاشونه ورکړ شي.
دغه راز هغه زياته کړې، چې په ټول افغانستان کې امنيت تامين شوى او هیڅوک له شریعته سرغړونه نشي کولی.
ډیبرا لاینز د افغانستان له امنیتي وضعیت څخه خوښه ده؛ خو په دې وروستیو کې یې د یو شمېر ښځو پر ورکېدو اندېښنه څرګنده کړې ده.
همدارنګه د یوناما مرستیال رمیزالاکبروف د بشردوستانه مرستو، په وروستیو میاشتو کې نهه میلیون وګړیو ته د خوراکي توکو د وېش او اته میلیون وګړیو ته د روغتیايي خدمتونو په اړه معلومات وړاندې کړل.
نوموړي ویلي: د ٢٥٠٠ روغتيايي کلينيکونو د روغتيايي کارکوونکیو معاشونه ورکوي او دغه راز بریالي شوي، چې ٣١٢ ميليون نغد ډالر افغانستان ته راولېږدوي؛ خو دا مرستې بسنه نکوي او باید په بېلابېلو برخو کې نور ډېر کار وشي.
دغه راز د امر باالمعروف او نهی عن المنکر وزارت ویاند د هېوادوالو هغو اندېښنو ته، چې وايي؛ د اسلامي امارت ځواکونه خلک بیځایه پلټي، ځواب ویلی.
د دې وزارت د چارسمبالي ویاند عاکف مهاجر ویلي، چې د اسلامي امارت ځواکونه به هیڅوک هم د جامو د اغوستو د څرنګوالي او ظاهري بڼې له کبله ونپوښتل شي.
د یادونې ده، چې هېوادوال د اسلامي امارت له دې سپارښتنې او هڅو هرکلی کوي او وايي، چې د خلکو فردي آزادي باید خوندي وي.
تازه خبرونه
تورخم دروازه د موټرو او ناروغانو پر مخ بیا پرانستل شوه
د ننګرهار امنیه قومندانۍ ویلي؛ د افغان او پاکستاني کمیسارانو ترمنځ له هوکړې وروسته د تورخم دروازه د چارشنبې ورځې د مازیګر پر ۴ بجو له ۲۶ ورځو تړل کېدو وروسته د ټرانزیټ او ناروغانو لپاره پرانیستل شوه او ټاکل شوې، چې د جمعې پر ورځ نورو مسافرو ته هم د تګ راتګ اجازه ورکړ شي.

د تورخم دروازه له ۲۶ ورځو وروسته د ټرانسپورټ لپاره پرانیستل شوه او ټاکل شوې، چې د جمعې پر ورځ د مسافرو پر مخ پرانیستل شي.
د ننګرهار امنیه قومندانۍ ویلي؛ د افغان او پاکستاني کمیسارانو ترمنځ له هوکړې وروسته د تورخم دروازه د چارشنبې ورځې د مازیګر پر ۴ بجو له ۲۶ ورځو تړل کېدو وروسته د ټرانزیټ او ناروغانو لپاره پرانیستل شوه او ټاکل شوې، چې د جمعې پر ورځ نورو مسافرو ته هم د تګ راتګ اجازه ورکړ شي.
د ننګرهار د سوداګرۍ خونې غړو ويلي، چې د دروازې د بیا پرانیستلو لپاره د دواړو خواوو د خصوصي سکټورونو ترمنځ څو پړاوه خبرې اترې وشوې؛ خو دا دی په تورخم کې افغان او پاکستاني کمیسارانو د دې سوداګریزې لارې پر پرانستلو هوکړه وکړه.
د ننګرهار د سوداګرۍ خونې د دارلانشا رییس زیاته کړې، افغان سوداګرو په دې موده کې هره ورځ لږ تر لږه یو میلیون ډالر زیان لیدلی دی.
د نوموړي د څرګندونو له مخې؛ د دې دوروازې د پرانستلو په اړه د خصوصي سکټور د غړو ترمنځ څو پړاوه خبرې اترې ترسره شوې وې.
د تورخم دروازې تړل کېدو دواړو خواوو سوداګرو ته لوی مالي زیانونه اړولي دي.
د ننګرهار د سوداګرۍ خونې ويلي، چې سوداګرو هره ورځ لږ تر لږه یو میلیون ډالر زیان یې ګاللی دی.
د کابل او اسلامآباد سوداګر غواړي، چې سوداګریزې مسلې له سیاست څخه دډې ته شي؛ ځکه، چې د کړکېچ یوازنی حل خبرې اترې دي؛ نه د لارې بندول.
د تورخم دروازه ۲۶ ورځې مخکې د اسلامي امارت د تاسیساتو د جوړولو په غبرګون کې د پاکستان له لوري وتړل شوه او د دواړو خواوو ترمنځ څو نښتې هم وشوې.
تازه خبرونه
په هلمند کې پر ۱۶ جریبه ځمکه ژوبڼ جوړ شو
د ژوبڼ مسوول عبدالسلام وایې؛ موخه مو د سیلانیانو لپاره د تفریحي ځای برابرول او د وحشي ژوو د نسل روزنه ده، چې اوسمهال په دې ولایت کې د ورکیدلو په حال کې دي.

د هلمند ولایت په مرکز لښکرګاه ښار کې د لومړي ځل لپاره یوه هلمندي پانګوال د ۵۲ ډولونه وحشي ژوو او مرغانو د روزلو او پاللو لپاره د شپږ سوه زره امریکایي ډالرو پر لګښت یو ژوبڼ جوړ کړ.
د ژوبڼ مسوول عبدالسلام وایې؛ موخه مو د سیلانیانو لپاره د تفریحي ځای برابرول او د وحشي ژوو د نسل روزنه ده، چې اوسمهال په دې ولایت کې د ورکیدلو په حال کې دي.
د هلمند سیمهییزو چارواکي ويلي؛ هڅه کوي، چې په دې ولایت کې د نادره مرغیو د ورکېدو مخه ونیسي. د هلمند اوسېدونکي وايي، چې حکومت باید ځنګلي ژوند ته ځانګړې پاملرنه وکړي.
مسوولانو ویلې، چې موخه یې له دې کار څخه هلمندیانوته د سیل ځای برابرول او د حیواناتو نسلي روزنه ده.
د هلمند د چاپېریال ساتنې رییس محمد عیسی اغا د دې ډول وحشي ژویو ساتنه د طبیعت لپاره خورا اړینه ګڼي او وایي؛ په تېرو ۴۰ کلونو کې طبیعي ځنګلونه له منځه تللي، وحشي مرغان او ژوي ورک او مهاجر شوي وه، چې اوسمهال یې د بېرته راګرځیدو هڅې کیږي.
د هلمند ولایت اوسیدونکي په داسې حال کې، چې له دې کارهرکلی کوي؛ له خلکو د دې ولایت د ځنګلي ژوند ته د پاملرنې غوښتنه کوي.
د هلمند د چاپېریال ساتنې ریاست د معلوماتو له مخې؛ د اسلامي امارت له بیا واک ته رسیدو وروسته په دې ولایت کې د طبیعي ځنګلونو د ونو پرې کول، د وحشي مرغانو، کبانو او څارویو ښکار په بشپړ ډول بند شوی او لسګونه هغه وحشي حیوانات یې چاپېریال ته خوشې کړي، چې د خلکو لخوا نیول شوي وه.
تازه خبرونه
د اوبو او انرژۍ وزارت چارسمبالي د ترکمنستان له سفیر سره وکتل
د اوبو او انرژي وزارت چارسمبالي د دواړو هېوادونو ترمنځ د ښو اړیکو مخینې ته په نغوته(اشاره ) کې د دواړو لورو ترمنځ دوه اړخیزې همکارۍ وستایلې او د ټاپ پروژې د عملي چارو پر چټکتیا یې ټینګار وکړ .

د اوبو او انرژي وزارت چارسمبالي( سرپرست) عبداللطیف منصور په کابل کې د دغه وزارت د یو شمېر ریيسانو په شتون کې د ترکمنستان له سفیر خواجه عوضوف سره وکتل .
د اوبو او انرژي وزارت چارسمبالي د دواړو هېوادونو ترمنځ د ښو اړیکو مخینې ته په نغوته(اشاره ) کې د دواړو لورو ترمنځ دوه اړخیزې همکارۍ وستایلې او د ټاپ پروژې د عملي چارو پر چټکتیا یې ټینګار وکړ .
دغه راز د ترکمنستان سفیر د ټاپ پروژې چارو او نورو همغږیو ته په نغوته کې د دغې پروژې د لارې د نقشې د شریکولو غوښتنه هم وکړه.
د اوبو او انرژي وزارت چارسمبالي د ترکمنستان هېواد سفیر ته ډاډ ورکړ، چې د دغې پروژې د لارې نقشه د دې وزارت له لوري وروستۍ شوې او ډېر ژر به له ترکمنستان هېواد سره شریکه شي.
ویل کیږي، چې د دې لیدنې په پای کې د دغې پروژې د چارو د چټکتیا لپاره د دواړو لورو د تخنیکي ډلو ترمنځ پر لیکه( انلاین) د غونډو پر ترسره کولو ټینګار وشو.
-
تازه خبرونه2 days ago
د تورخم دروازې د بیا پرانیستلو او اوربند لپاره د جرګې خبرې پرښه نیت پای ته ورسېدې
-
سوداگري3 days ago
په ۱۴۰۳ کال کې د ۲۹۲ میلیون ډالرو پر ارزښت د هوايي دهلیزونو له لارې سوداګري شوې
-
تازه خبرونه1 day ago
له افغانستان څخه د امریکا د وتلو په پرېکړه او پلي کولو کې ټول ښکېل کسان مسوول دي ـ شان پارنیل
-
لوبی1 day ago
د هند ۲۰۲۵ غوره لیګ د ۱۸ کلنې زړه راکښونکې بریا جشن نمانځل کیږي
-
تازه خبرونه4 days ago
د ټرمپ حکومت د امریکا غږ کارکوونکي جبري رخصتۍ ته اړ کړل
-
تازه خبرونه4 days ago
امریکا په یمن کې د ۳۱ حوثیانو پر وژلو د هوايي بریدونو لړۍ پیل کړه
-
نړۍ14 hours ago
پوتین د اوکراین د انرژۍ پر تاسیساتو او بېخبناوو د بریدونو له ۳۰ ورځني اوربند سره هوکړه وکړه
-
سیمه ییز خبرونه3 days ago
د پاکستان په جنوب لویدیځ کې ځانمرګي برید ۳۶ کسانو ته مرګ او ژوبله اړولې