تازه خبرونه
هند له افغانستان سره ۲۰ زره متریک ټنه غنم مرسته وکړه
(Last Updated On: )
د هند د بهرنیو چارو وزارت څرګنده کړی، چې د خواړو نړیوال پروګرام له لارې یې له افغانستان سره ۲۰ زره متریک ټنه غنم مرسته کړې ده.
د هند د بهرنیو چارو وزارت پرون (سې شنبه د کب شپاړسمه) په یوه خبرپاڼه کې څرګنده کړې، چې هند د دې مرستې په اړه څرګندونې د افغانستان په اړه د منځنۍ آسیا هېوادونو له استازیو سره په ګډه غونډه کې کړې دي.
هندي چارواکو ویلي، چې دغه مرستې به د ملګرو ملتونو د خواړو نړیوال پروګرام له لارې افغانستان ته ورکړ شي، چې د ایران د چابهار بندر له لارې به افغانستان ته ولېږدول شي.
هند په تېرو ديارلس کلونو کې د افغانستان يو له مرسته کوونکیو څخه و او د افغانستان اسلامي امارت له واکمنۍ سره سم يې له دغه هېواد سره څه دپاسه پنځوس زره ټنه غنم مرسته کړې ده.
